我個d叫小學雞水準,唔算有咩研究,只係平日比較八,會問吓有專業知識既朋友們,佢地又唔怕我煩佢地,肯答我,咪知多dd。
Young living油靚,我本身都有佢地既精油,所以知,效果用出來,靚既精油同唔靚真係有分別。以我所知Yoing living本身就係一間芳療級精油既供應商(現在有無變就無留意了),應該無乜人會話佢既油唔好。不過佢價錢真係唔平,我都唔敢聞太多,怕忍唔住買得多。
講過young living 我有故事,舊年大年初一我係病到死吓死吓,去左睇醫生,我仲記醫生叫我千萬唔好離港外遊,心諗病到咁,過到海關至奇。返到屋企,食藥瞓覺,開住香薰機,young living 藍膠尤加利&另外朋友幫我買既野生羅文沙精油輪流用,第2日好返大半了,病得咁嚴重都只睇左一次醫生,對我來講真係好少有既事。
嗱,我無叫大家咁癲唔睇醫生用精油醫病,只係講出有幫助啫。現在咁既天氣我氣管唔好,我都多用Oshadhi杉樹類精油。