自由講場今日: 115|主題: 1303502

收藏本版

發帖

返回列表

跳至頁

樓主: 沙沙

真係好失望~對香港既教育~ [複製鏈接]

VKwan

珍珠宮

積分: 38391

1^#

發表於 09-5-5 23:50 |顯示全部帖子

津校工作環境好差，工時好長，而且要兼顧好多非教學的工作，其實老師好多都做到"已經唔係一個人"。我咁講唔知你明唔明？！

或者我咁講，個制度，個流程，只容許流水作業式生產，聰明伶俐唔洗人理既細路自然應付到，真正需要幫助的一群，未必好彩地享受到真正的"教育"服務囉！

有時有人遇到良師，係因為良師能力超越凡人，過程中自己硬食所有唔好既限制，再付出本來已少得可憐的私人時間及精神來照顧有需要的學生，所以，現今香港的良師，全部都應該值得尊重！

如大家未遇過良師，唔係你唔好彩，其實係正常既！！！換轉你係呢種制定下做老師，你未必做得好過e+既老師囉~~

[ 本帖最後由 VKwan 於 09-5-5 23:51 編輯 ]

私人傳訊

VKwan

珍珠宮

積分: 38391

2^#

發表於 09-5-6 12:35 |顯示全部帖子

所以咪有人轉行囉，佢地唔係受唔住工你量，而係良心上受唔住。

我唔係想同你唱反調，而係想指出，學校裡果種壓迫感唔係只工作多咁簡單。

點解我知得咁清楚？因為我亞妹係教師，佢留校的時間長到可以朝七晚九都話未做完，假永遠學生有得放先生冇得放。最大問題係，由於工作已嚴重影響生活，導致婚姻出問題，個女亦超反叛兼自虐。

我想講句公道說話，人…係有限制既，唔係話你有責任感就可以對抗成個制度。當然，我唔否認樹大都有枯枝。

原帖由沙沙於 09-5-6 00:05 發表
我都明現在做老師好慘...比以前做多好多野...係政府唔好..
但我唔係咁睇 ..唔通多野做..就可以唔理D學生..選擇做教師..應該有責任心..見到唔岩都唔幫..唔出聲?..呢D唔係教學既範圍嗎? 責任心唔係指教學方面..係做人 ...

私人傳訊

VKwan

珍珠宮

積分: 38391

3^#

發表於 09-5-6 12:39 |顯示全部帖子

我對香港的教育制度絕望左好耐，所以我通常冇旨意學校，我自己教亞仔多，亦採用銀彈攻勢，pump錢比佢在外參加活動，學習群體生活。

私人傳訊

VKwan

珍珠宮

積分: 38391

4^#

發表於 09-5-6 12:44 |顯示全部帖子

諗都諗到啦，制度欺壓教師，教師唔好，學生點會好？！

私人傳訊

VKwan

珍珠宮

積分: 38391

5^#

發表於 09-5-6 13:41 |顯示全部帖子

我諗個問題出現係校長度多過老師身上，一個好校長識得行政上遷就，老師唔洗下下食到應，反而有空間關懷學生。校長唔幫不特只，仲係度秋ching，咁你話最終受害既係邊個？

其實唔係我亞妹特別盡責，佢學校個個同事都係哇架啦，校長話要留，唔通你自己走？！好老脾的先生外表上睇唔出有咩唔妥，受唔住既我相信佢對細路會冇晒容忍度囉。

就講琴晚果post為例，我都覺得個英文老師有問題，但大家覺唔覺奇怪做乜佢為左本dict發晒惡黎壓迫一個手無寸鐵既細路呢？唔見左咪買過囉，有乜咁大件事？！其實照計咁忙，佢都唔值得晒時間攪呢件小事，但點解偏偏釘住黎攪，攪到個細路咁慘？

我唔知實情係咪咁，我估遮~~

我估個老師到最後要應付校長查簿的壓力，所以至會發晒癲咁壓迫個細路。如果個校長係人道既，接受到有某些細路比較倫盡，一個學期流流長，唔見左一次半次，老師都唔係咩死罪，咁個老師仲有冇必要咁黎壓迫個細路？

唔好意思，太長氣添~~

我講咁多唔係幫住d老師，而係想同各位講"如何自保"，只要少給老師麻煩，你一定可以自保。老實講，我都係咁幫個仔自保，所以佢暫時係學校都生活得好快樂。