自由講場

收藏本版
發帖
返回列表
跳至頁

首頁
1

尾頁
   0
VKwan


珍珠宮

積分: 38391


1#
發表於 10-5-27 11:08 |顯示全部帖子
其他我唔想評論，無謂落井下石。我只係想講，唔通老師管教學生都唔岩？做錯事要對人道歉有咩問題？點解有人日日返學開開心心，點解有人日日被罪？

我想講，唔好一面倒埋怨環境，自己條件如何？有冇努力開創自己的人生？

生活唔一定痛苦既！
私人傳訊

VKwan


珍珠宮

積分: 38391


2#
發表於 10-5-27 13:22 |顯示全部帖子
原帖由 susi1024169 於 10-5-27 12:56 發表
自己條件如何？你係講緊有問題既學生?生病佢地都唔想,即使佢地想努力開創自己的人生,都比一般小朋友困難,佢地需要社會多D諒解,支援,但反而被認為佢地自己攞黎,父母做成....但學障OR思覺失調等精神問題既形成原因係專家 ...
我唔係批評個細路，因為佢已經生病喇，冇得好講，係批評緊其他話學校唔岩既人！

例如父母，點解個仔一路生活唔開心佢地會唔知？睇個blog根本個細路思想偏激唔在一時，小學時已有，呢個或許才是患病原因之一，做咩要將責任推晒落學校度？

其他批評學校既人，請問學校可以點做？講真，睇都知呢個學校既學生並非收一些好自律好上乘既學生，e+學校管教學生都話錯？你叫以後老師點上堂呀？學校係咪唔駛做？

呢個悲劇冇人想，我自問好細心睇晒個篇5000字既文，我都想了解下個細路發生咩事，其實我都覺得好可惜亦好關心佢。我都認為個細路好有思想，比其他吃喝玩樂既細路強得多。但我唔認同責任係學校度！

我咁講或許太武斷，但之前講得唔清唔楚反而令網友誤會，我個人睇法係，最大責任係父母同家庭度。又可能會有人話，咁，都唔關父母事架喎，係社會制度令到有部份人生活唔好。

如果要埋怨，問題就沒完沒了架啦，我唔想再打咁多字，我想講，人要學識如何解決問題，即使不完全解決都要想個辦法面對，呢個係每個人既人生功課。

[ 本帖最後由 VKwan 於 10-5-27 13:23 編輯 ]
私人傳訊

VKwan


珍珠宮

積分: 38391


3#
發表於 10-5-27 16:25 |顯示全部帖子
原帖由 newbiee 於 10-5-27 16:03 發表


事實係點, 我諗呢度無人知, 大家只係按報章等消息而評論, 如果報導係真, 你覺得學校處理手法真係無錯? 唔需要檢討?
學生有病, 學校係控制唔到, 但學校唔幫不特止, 仲將佢當一個普通學生黎處理而令事情惡化, 我真 ...
按報張消息而論，個細路既弟弟都冇話聽過學校要什麼公開道歉喎，如果記大過都話唔得，試問學校可以做咩呢？冇錯，呢個係悲劇，但站在學校的立場，亦需要有法可依。

其實如果家長覺得學校有咩唔妥/唔適合個仔，就應該唔比個仔返學或轉校，而唔係夾硬留個仔係度任由佢惡化掛？that's why我唔覺得個主要責任係學校度，學校只係導火線。

睇個篇文，見呢個細路，自細已經對世界/人類有怨恨，係佢既記憶裡，四年級已經咁諗(呢個種子，一定早於四年級出現)，亦覺得生命係痛苦，試問呢種認知從何而來？呢個係我既main point

[ 本帖最後由 VKwan 於 10-5-27 16:27 編輯 ]
私人傳訊

VKwan


珍珠宮

積分: 38391


4#
發表於 10-5-27 16:57 |顯示全部帖子
原帖由 susi1024169 於 10-5-27 14:14 發表
AGREE~責任係父母度,但現實生活中,父母可做既事,並唔多,呢類小朋友,唔係多關心,佢地既病就唔會發作,某程度上,精神問題早已經存在係身體上,差在幾時爆發,佢一直等緊個爆發點,我睇報紙,似乎呢位同學既爆發點係感情問題 ...
sorry to hear that你係家屬之一……

年輕人患呢種病真係好可惜！而且大家都好同情父母之難處，所以我並唔想落井下石咁批評佢父母，你我開始時發言都好隱晦。

只不過我提出大家唔好一面倒話學校唔岩而忽略左父母本身的角色，同可以做到d咩幫個小朋友。

黎得bk都係父母，我希望大家借鏡吸取教訓，個細路既父母太傷心可以理解，其他人如果一味埋怨，未可以就不幸事件提高警覺，咁好傻囉，始終仔女有事，父母一定要警覺性高，諗下點保護仔女，而唔係出事至黎追究。

私人傳訊

VKwan


珍珠宮

積分: 38391


5#
發表於 10-5-27 17:02 |顯示全部帖子
原帖由 newbiee 於 10-5-27 16:36 發表


咁相反, 如果學校係覺得無足夠人手/時間/知識去教導呢個學生, 咁點解唔叫佢轉校, 而夾硬比個學生留低而令事情惡化?
一個bk媽咪比喻過, 呢d小朋友就係一塊易碎玻璃, 明明已經貼上"小心, 易碎"嘅標籤, 但送貨嘅人仍 ...
自己唔行動，而怨別人點解唔叫我行動？！唔緊要，我唔想爭論，我只係誠心希望各位作為父母一定要自己警覺，即使唔係呢種症，任何事都係，年輕人真係好需要家庭支援，呢個細路，我真係覺得好可惜！
私人傳訊

VKwan


珍珠宮

積分: 38391


6#
發表於 10-5-27 17:33 |顯示全部帖子
原帖由 ~仔仔媽咪~ 於 10-5-27 17:19 發表


同埋我個人既意思唔係學校罰個學生唔啱,有錯當然要罰,要教學生何謂責任,呢樣一定要教,只係我既main point係用既方法唔啱亦唔正面囉.你可以鬧佢,但鬧得佢黎係要正面係要令佢順服,而唔係用一個負面或者對佢有唔好效 ...
如果家長早前已經認為學校食藥安排唔合理，咁仲唔據理力爭？比著我冇鞋挽劇走啦！我至唔會留個仔比人虐待，家下都出左事喇，就算賠錢都冇用啦！所以咪話，保護到仔女既，最大責任係父母囉！除左父母，你可以期望邊個會幫你睇住仔女？
私人傳訊

VKwan


珍珠宮

積分: 38391


7#
發表於 10-5-27 19:23 |顯示全部帖子
原帖由 Cathyneo 於 10-5-27 18:19 發表
其實學校真係處於被動位置，可以做既有限。
我都遇過這類學生，知道佢地唔食藥唔得，有時佢地發作，再問清楚，原來佢地係屋企冇食藥，所以返到學校發作。
點解學校要學生食藥。如果個學生想返學，但又唔食藥，返到學校課室，就好似放一 ...
我同意。其實呢種事，對學校對家長都難，但我仍然堅持家長責任大過學校，試想想，家下亦可能有嚇親的同學家長埋怨點解唔叫個細路退學或停課，係咪？一個團體係冇辦法令每個人都滿意，都係惟有自己顧掂自己果瓣啦。
私人傳訊

VKwan


珍珠宮

積分: 38391


8#
發表於 10-5-27 19:31 |顯示全部帖子
假如個細路一路都食住藥，假設隻藥有效控制，會唔會冇啦啦爭咪亂講野？假如隻藥冇效，家長有冇想法子？隻藥ok唔ok，只有家長最清楚，如果連家長都話做唔到咩，咁點解期望學校會做到？




原帖由 ~仔仔媽咪~ 於 10-5-27 18:07 發表


個家長之前都有據理力爭架(如報導屬實),之後學校嘈嘈下就突然無咗下文無再要求,但去到個男仔爭咪事件後,學校又重提,可能家長都明白係自己個仔有錯在先,所以至'配合'學校改為早上食葯.呢方面父母都有責任,但學校既 ...
私人傳訊

VKwan


珍珠宮

積分: 38391


9#
發表於 10-5-27 21:51 |顯示全部帖子
原帖由 susi1024169 於 10-5-27 21:31 發表
學校岩與唔岩一回事,但點解你會覺得思覺失調病患者父母好似無為過小朋友做事?佢地付出左幾多你知咩?即使父母做到佢地既角色幾好都好,有d野要發生始終都會發生(講緊病發)唔通呢間學校唔接受自己個有問題小朋友,就去搵 ...
其他父母我唔知，但我根據報紙報導(如屬實)推論呢個細路既父母未盡全力。如果真係咁難處理，甚至父母做到佢地既角色幾好都好,有d野要發生始終都會發生，咁就更加冇理由賴學校啦。
私人傳訊

VKwan


珍珠宮

積分: 38391


10#
發表於 10-5-27 22:47 |顯示全部帖子
原帖由 ~仔仔媽咪~ 於 10-5-27 22:36 發表


我正是在意呢樣野。。。究竟校方同老師有無主動去尋求專業人士協助同商量？有無KEEP住同家長溝通?亦有無嘗試去搵D正面同實際D既方法去試下幫&教呢個學生?我地在意只係呢樣,而唔係佢地做唔做到野囉!

我地只係希望校 ...
查實我咁反對現階段(事發後)高調埋怨學校既其中一個原因，就係怕d細路諗埋一邊，有樣學樣，以為照辦煮碗攪到學校一身蟻作為報複！

我既取向係，無論咩事，家長一定最好提高警覺，防範於未然，因為一切痛心既後果，只有自己承受。

正如早排推bb車行路邊果個媽媽咁，就算判個司機死刑都冇用啦！bb都唔會返生。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見