Baby Kingdom - 親子王國 香港 討論區 › 首頁 › 論盡家傭› 勁後悔請左印印

論盡家傭

收藏本版
發帖
返回列表
跳至頁
勁後悔請左印印 [複製鏈接]

首頁
1

尾頁
   0
bobobooo


別墅

積分: 851


1#
發表於 09-7-7 22:25 |顯示全部帖子
新姐姐黎左，之前請開賓，但炒左之前神神化化既工人，一時間請唔到人睇女，唯有要個印印。

黎到湊我女都仲ok，我女好似幾鍾意佢咁，其實我女係姐姐都鍾意。個工人真係超級無規舉，短短1個月，事件薄如下：
1. 試開打開房門換衫，原因係先生出左trip，佢以為ok wo，話完佢後無再犯。
2. 將d衫周圍擺，有櫃俾佢，但只fill-in50%，其他鍾意放果出黎，including既佢bra bra，一直話到今日都仲係咁
3. 星期日一定遲返，講好9點要返到，每個星期都遲，每個星期都話，只有一個星期係準時，剛剛星期日仲10點先返到
4. 放完假返到屋企已經見佢有份newspaper放係床，佢同我女同一間房，半夜去睇下我女訓成點，見到成地都係newspaper
5. 用kitchen paper 幫我女抹pat pat，只求就手，我地平時係用kitchen paper幫我女抹poopoo only，wewe要用正常toilet paper，我媽叫過佢唔好，唔聽；我再叫，叫左2次，暫停未有發現再用
6. 飲哂我成個雪櫃既lemon tea、coke、木瓜豆奶，請佢飲唔緊要，但一排6盒，佢夠膽死一盒都唔飲剩
7. 剛剛發現佢有食我女既餅餅，以前我女成個星期都未食完一盒，而家一星期未到已經食完2盒。我都無懷疑，只係轉另一隻cheap d，我女無咁鍾意食既餅，今晚發現又無左一半，因我係唔太鍾意果隻餅，同太細個，3日食大半包，係無可能
8. 有人送左6次旅行裝200ml既洗頭水俾我，其實我係無用，放左係toilet既櫃，佢問都唔問拎左黎用，仲放埋入自己既兜入面，我問佢你係咪無洗頭水，佢唔認，堅持係自己買，但其實係有哂code，同埋唔係正常買到既大brand，我唔覺得佢會買
9. 今日放工返黎，老公出左trip，佢同我女已經歎緊冷氣，後來問我爸先知，原來尋日我爸帶我女落街玩果陣，佢已經自己係屋企開冷氣
10. 最經典事件係上星期佢話我女掉左佢mobile落街，其實係佢將個mobile放係床上，我上就爬上床玩佢mobile，佢自己都話，我女問佢可唔可以玩，佢自己話得，佢話平時我女玩一陣就俾返佢，果日唔俾，咁佢搶我女就一個拎轉背fing走左個mobile，咁o岩個window開左，係佢自己講既口供。點解俾我女玩？點解俾我女上佢床？點解唔關好window？點解我仲要賠返個mobile俾佢？

上一個工人已經係做左6日，用左我total $9000 送走佢，之前幾星期真係想死。而家呢個工人叫做湊到我女，但又咁，我可以點？個個月都$9000 送走工人？係咪我有問題，係咪我太刻薄，係咪真係要就哂個工人？佢算唔算過份？

另外佢係勁就我個女，鍾意點就由得佢，俾原子筆佢劃sofa都得，呢個都可能係我女肯跟佢既原因，我唯有係因為呢樣野好嚴厲咁話過佢。其仔都係好客氣咁勸佢，好明顯係無用。
私人傳訊

bobobooo


別墅

積分: 851


2#
發表於 09-7-7 22:44 |顯示全部帖子
佢之前仲要係一張4年既約，我都識佢ex-employer，但唔熟。同佢講返，佢係你屋企真係咁架？佢話係呀，佢份人係無咩規舉既，可能我地縱壞左佢啦，但你話得佢架，你咪話下佢loh。

大佬呀，佢唔係一兩個問題呀，佢係一大籮問題，點話得佢咁多呀，真係話既，又唔知佢係咪真係咁話得，一陣話走左佢又死，話完對我女唔好又係死。

救命呀！係咪我要求太多？佢既ex-employer話，佢真係湊掂個仔就咩都無所謂，我而家檢討緊，係咪我有問題，我要點適應個工人呢？

好想有最低工資，等佢地即刻有一半以上返歸呀，留低既真係俾心機做好呢份工！
私人傳訊

bobobooo


別墅

積分: 851


3#
發表於 09-7-8 12:53 |顯示全部帖子
Hinhinmummy多謝你既意見，有d已經有做，但多數都唔太work。

1. 同佢講, 屋企未齊人, 吾可以開冷氣, 再吾係收埋control 入房, 日頭你返工就鎖晒入房, 你放工返黎先開
尋晚我係黑哂臉咁同佢講，得你同bb既話，你最好唔好開冷氣，然後大力關門，佢知道我照唔妥佢。今朝bb 起身黎左我房，佢即時關冷氣，平時佢會照開，開到自己訓醒。

我依家日頭都吾比佢地開冷氣, 有時, 都係慣出黎, 小朋友都要出下汗先好, 吾係下下都要嘆住冷氣
已經講過，但佢問題係得佢自己一個人係屋企都開，所以對bb身體點樣，唔關佢事。

2. 至於飲晒你d 飲品同食晒你d 野, 搵日同佢去supermarket, 買一大埋又重又成的果汁, 餅之類, 你話無辦法, 你食晒飲晒我d 野, 我要入返d 貨, & 同時間買多一兩排/位盒飲品同餅, 同佢講, 呢d 係你既, 呢度係你的一個月/星期份量, 總之你飲晒/用晒就無, 要下個月再黎入貨先有
其實佢一黎我已經發現佢係好鍾意食零食，我有問過佢，你鍾意食咩呀，我去supermarket買埋俾你。但佢又話唔駛啦，我得架喇，後來又話其實咩都無所謂。佢真係咩都無所謂，食得既，佢都食哂，正餐佢反而唔係點食。

記住, 吾好送貨, 車仔都吾好拿, 係要佢拿到cc 下果種
屋企正正樓下商場，真係打風都唔駛帶遮，呢招對佢無咩用。

3. mobile, 係佢既risk, 呢d 野, 吾應該亂放, 再加上, 開工時間, mobile 點會放係床
係！已經同佢講左，BB再整爛佢咩都唔關我事喇，因為係你自己應承佢。跌左mobile落街第2日，佢仲同我complain話我女又攪佢電話，其實係因為佢又放個電話出黎charge電，我就話佢，呢個唔關bb事wo，係你自己放得個電話唔好，你唔好再拎出黎引佢。

4. newspaper 要佢每日清, 總之每日檢查佢間房, 有吾岩, 要佢執好先訓
第2朝係執好既，只係我半夜入去見到原來佢會將d newspaper通地放，感覺好唔衛生。newspaper本身已經係dirty，加埋佢唔知邊度拎返黎。

5. 拿鉛子筆劃sofa 之類, 要佢抹到無晒痕先收工
佢有抹，但已經救唔返，最終咪又係我suffer loh

你講得好o岩，我地唔係咩有錢佬既新袍，個個月抄工人，真係唔掂。
私人傳訊

bobobooo


別墅

積分: 851


4#
發表於 09-7-8 13:00 |顯示全部帖子
其實一樣啦，我工人係唔駛煮飯架，早午晚3餐都唔駛佢煮。只係一般既清潔工作，同湊我女，但因為佢只係黎左1個月，呢1個月我爸我媽都有每日黎帶我女落街完at least 1個鐘，星期二同四仲要返半日學。

我除左要出糧俾佢，仲要俾多extra $2000家用我爸我媽 for佢地黎幫手睇我女既車馬費，雖然係我自己話俾，但你話幾咁重皮！！

我工人又係今朝7點我女喊，我入去睇我女已經發現個工人係廁所入面，tum完個女，俾佢攪左成25分鐘，個工人都仲未出黎。我要返工架，勁忙果隻工呀，我梗係想爭取時間返入房再訓多陣啦，等到7點半，頂佢唔順我去敲門問佢咩事，佢話肚痛wo。我好似好唔人道咁，屎都唔俾人痾，但我真係唔該佢痾都搵第2個好d既時間。

原帖由 cherry_bird 於 09-7-8 10:36 發表
bobobooo,

我同你同病相憐..我請左個印印3日就唔想要佢, 好後悔請左佢...係無錯, bb好跟佢, 因為佢好就佢...咁一定鐘意佢啦...但佢就係成日跟住bb..唔做清潔既工作..要叫先去做...
還有其他問題如下:

1) 我巳經比 ...

私人傳訊

bobobooo


別墅

積分: 851


5#
發表於 09-7-8 13:07 |顯示全部帖子
我梗記得你啦，希望你唔好再同我同一伙喇，哈哈！你要搵個好工人呀！

我唸係因為佢係一個識既人用左4年既工人，而果個人仲唔似係對工人咁無要求既人，後來先知原來個工人係同佢仔住，阿仔係同公公婆婆住，即係我識果個人其實都唔太多時間對住個工人。

我知我係要話下佢架喇，仲係狠狠的果一隻，開頭2星期佢無咁過份架。第3-4星期，佢開始有d唔對路，但因為係開始有d衰野出黎，我都仲ok。到呢2個星期，真係開始覺得要話佢，但我老公又咁o岩出左trip，仲係成2星期果隻，呢個時間話佢又好似好危險咁，一來驚佢心地唔好，二來怕佢唔做，咁我就死喇。

唉！到底再換有無意思？佢開頭黎，我係對印印有d改觀，覺得印印係比較有人情味，你會feel到佢都有d care你點唸，賓賓係唔會，總之就係黎做野，做完就關人。但經過呢個幾月，我覺得賓賓係比較有規舉，知道有咩係可以做，有咩係唔可以做。同埋賓賓做野，真係企理d。

原帖由 LongRyan 於 09-7-8 12:48 發表


bobobooo,

你記得我嗎? 聽到你個新工人咁.....真係. 我果個下個sat黎喇, 希望順順利利.

你叫佢無問過你以後唔准開冷氣, 如果唔係電費每月係佢人工到扣起$100~200蚊, 零食叫佢自己買, 唔好就佢, 我之前果個又係 ...
私人傳訊

bobobooo


別墅

積分: 851


6#
發表於 09-7-10 16:58 |顯示全部帖子
我當然唔會當面話佢，話佢都係笑笑口，佢打開門換衫，我都係以好正常既口氣，笑住咁話"下？！你做咩呀？快d關門呀"

我已經又再自我檢討一次，尋晚落街買左百幾蚊野食俾佢，make sure佢有佢既野食，就唔好再食我同我女果d。再同佢講清楚，呢d係你食，呢d係bb食，呢d係我食。同佢講bb食開既野，要買係好麻煩要去特定既shop先有，所以大家食各自既野。

冷氣果d就呢幾日都唔敢再開，平時我女起左身，佢都開多陣既，呢幾日係即關。好好彩，我女暫時仲未有野掉落街，而呢個幾星期，我直情係無再見到佢既MOBILE，佢往日係通處放，放係TABLE，同係TV櫃，驚死你唔知佢講完電話。
私人傳訊

bobobooo


別墅

積分: 851


7#
發表於 09-7-10 17:02 |顯示全部帖子
9年15個？！咪一年2個？？AIYA........咪嚇我呀！真係救命呀！


原帖由 JuiceMum 於 09-7-8 16:44 發表
I am very sorry to hear about your situation. I had more than 15 helpers from the time when my kid was born. She is near 9 now.

One thing i would like to remind you is that if you kid is still a n ...
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見