吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 琴晚網上重溫恐怖熱線，聽左個感人既鬼故！ ...

自由講場今日: 3325|主題: 1304020

收藏本版

發帖

返回列表

跳至頁

樓主: 小路

琴晚網上重溫恐怖熱線，聽左個感人既鬼故！ [複製鏈接]

小路

琥珀宮

積分: 161935

好媽媽勳章醒目開學勳章畀面勳章環保接龍勳章大廚勳章

1^#

發表於 07-10-6 00:08 |顯示全部帖子 |倒序瀏覽 |打印

琴晚聽左個鬼故好感人，話說有個警察打上去恐怖熱線講，佢三十年前做警察時係守黃大仙既，果時九龍城寨都係屬於黃大仙管轄範圍，話說有一晚有人報案話城寨有個單位傳出臭味，咁佢地都慣架啦！因為果度道友多，又多人獨居，所以死左無人知都唔少既。咁佢地收到call，就同一個資深D既同事一齊去現場睇下(仲call埋消防去爆門)，係上樓梯時已經聞到好大陣味，經驗話佢地知係屍臭味黎，佢地去到門口正想爆門之際，佢個同事話聽到屋裡面有聲，咁佢地就按鈴，跟住有一個大概六歲既女仔開門，消防見到有人開門就即刻閃左，咁兩個警察就問個小妹妹有咩人係屋企，個妹妹話得佢同媽咪，咁佢地就問個媽咪係邊，個女仔話係房訓緊覺，當時佢地以為有人的話就可能係老鼠或其他野令到有臭味，跟住佢地問小妹妹媽咪係邊，佢指住間房話係裡面訓覺，個資深既走埋去間房，打開門望下，即刻面色變晒，原來個媽媽已經死左好耐架啦！跟住個資深警察同小妹妹講，話你媽媽係訓左，但睇怕唔會醒架啦！你跟我地出去，我地搵人幫你執起你媽媽，但個妹妹話，唔得住呀，媽咪叫我食飯先，咁打電話上電台果個警察就走去廚房望下，佢話望完之後呢三十年都記得當時既情形，佢話廚房有三送一湯，碗白飯仲有煙既！咁兩個警察互打眼色，一切盡在不言中，個資深警察同個妹妹講，你媽媽叫你食飯，咁你食埋先啦！我地係樓下等你，你食完係廚房個窗度同我地揮手，我地再上黎接你！
故事就係講到呢度，但我覺得個心好UP，一定係個媽媽死左之後，怕個女無飯食，所以做左鬼仲煮飯俾個女食！:cry: :cry:

0 0 0

私人傳訊

小路

琥珀宮

積分: 161935

好媽媽勳章醒目開學勳章畀面勳章環保接龍勳章大廚勳章

2^#

發表於 07-10-6 23:26 |顯示全部帖子

係上星期日(30號)，但第幾節就唔記得啦！

原文章由 手提電腦 於 07-10-6 00:32 發表

可唔可以講講什麼日期和邊一節重溫?
Thanks

私人傳訊

小路

琥珀宮

積分: 161935

好媽媽勳章醒目開學勳章畀面勳章環保接龍勳章大廚勳章

3^#

發表於 07-10-6 23:32 |顯示全部帖子

岩岩有個新既版本，原來我朋友記得呢件事、我轉述如下︰

(呢單野我記得呀，但係邊有３送一湯者，個女仔好細，亞媽係長期病患者，失救至死架，條屍訓係床，個女人大約３０幾歲咋，冇講個老公去左邊架，個女仲未知亞媽死左．

佢唔知亞媽死左，佢亞媽一直做返平日咁，不過只係煮白飯，個女仔見次次佢食飯，但亞媽就冇食又訓返係床，佢識去比水佢亞媽飲，直到連米就來冇佢亞媽先搵人來救個女，３送一湯佢講大左啦．)