論盡家傭

收藏本版
發帖
返回列表
跳至頁

首頁
1

尾頁
   0
gsn320


別墅

積分: 512


1#
發表於 10-8-13 14:00 |顯示全部帖子
依家個姐姐大錯就無, 不過想想都睇佢唔順眼, 有咩方法換左佢又唔洗補一個月比佢!

我真係唔係一個要求高既人, 家務一般清潔就ok,
要對我兩個小朋友好!
佢做乜都比我感覺是是但但, 又成日搵借口
我奶奶上黎睇住佢會好d 積極d, 一唔上黎又打回原形!
如果要搵人睇實先好, 我洗乜用佢呢?
奶奶話佢唔岩, 佢就話太太話!
我話佢唔岩, 佢又話以前我果個完約姐姐教!
永遠係人地錯, 佢無錯!
d 借口一個好笑過一個!
有時我真係覺得佢唔用腦,
大仔有小病, 又話佢好驚, 唔識處理, 要我處理..
奶嘴頭要我分唔同顏色, 比佢容易睇, y-cut 同兩個孔都唔夠清楚?
叫佢下午有時間睇下大仔個櫃桶邊d 底衫唔岩著幫我拎出黎, 佢就話件件都ok...最後都要我自己搵
成坐山咁大"更"飯塞入我個仔個口, 我個仔"滕"唔落就啖啖吐,都唔識改下方法, 同佢講太多喇, 佢就話以前果姐姐都係咁!
有時我真係唔覺得佢有當我兩個仔係人
愛心, 細心, 耐性自問唔識教ga!
私人傳訊

gsn320


別墅

積分: 512


2#
發表於 10-8-14 09:20 |顯示全部帖子
我都係想搵定新姐姐佢一到即補錢叫舊姐姐走!
奶奶哩家野...易請難送...佢果套我又唔buy!
佢上黎幫我睇實個姐姐我好感激佢,
但唔好成日係我個頭上, 硬生生加對角,
成日同我大仔講, 你咁樣媽咪鬧, 媽咪嬲, 媽咪唔鐘意...
媽咪就黎係發皮4怪獸!!!
佢做錯, 咪話佢知, 唔好將d 野四維放, 玩具玩完一份收好再玩另外一份, 糖唔係唔比食, 有節制無問題...
關我唔鐘意咩事?
日日同我個仔玩打!打!打!
次次打電話返屋企, 我個仔就話打我patpat!
簡直嬲到震!
終於知道咩叫學好三年, 學壞三日!我教左佢三年..
呀99三日佢我"扶返正"
另外又成日要check 住姐姐又唔知幾時又"唔小心"人地又教錯佢d 乜!
刷牙, 書包有無清潔內衣帶返學, 奶樽點樣stream, 乜都要睇一次...呀大姐你做得好, 我咪小好多煩惱low! 你又唔洗成日比人睇住...我奶奶唔黎兩日你又打回原形! 都三十幾歲人..仲成個靚妹, 要求完全唔合理! 你如果唔用心做, 我點配合都唔會有好效果...你做完, 我又要跟你尾, 你唔覺得好無癮咩?
個c6又日哦夜哦, 唔想補錢比佢走...
d 說話無point 到日日想同佢開戰!
議而不決! 只會日日講埋d 無建設性既野就係佢既寫照!
呀仔間保母車又未齊學生, 未開, 日日被迫留堂等
我收工接佢, 有日佢仲叫我可唔可以打比校巴姨姨, 叫佢接放學...我d 眼淚係個心度流....
自己daddy 又就黎唔係度...日日送呀仔返左屋企先去睇佢,
又要8點前趕返屋企陪仔仔食飯..陪下細仔, 順便檢查下d 手手腳腳....
忙! 好忙! 身心有d 疲憊!!

"申"下, 不喜勿插!

[ 本帖最後由 gsn320 於 10-8-14 09:38 編輯 ]
私人傳訊

gsn320


別墅

積分: 512


3#
發表於 10-8-18 09:52 |顯示全部帖子
我決定裝cam喇!
睇下有咩可以做出信証據!
另外已搵新姐姐!
之前都有d 十五十六,
但自從前晚...我已經覺得佢一定唔可以留低!
我唔係歧視佢, 但佢真係無腦!
星期六, 我返半日,
我一點半返到屋企大仔就要同我出門上堂
大小姐黎左成個月, 都應該知道啦!
返到去, 大仔仲訓係床..
姐姐話, 大仔話今日唔洗返學!!!
??????
大仔話, 姐姐叫佢食完飯訓覺!!!
??????
我唔想追究邊個講d 咩,
我淨係知道大小姐你三十幾歲, 大仔得3歲半!
是非黑白都唔識分? 有一日我個仔同你講媽咪話今日出去玩, 你就同我帶佢地出去?
唔清楚可以問我丫!!!

前日,
我係院醫睇我daddy, 打返去睇下佢地點,
順便叫大小姐有時間洗落米,
等我返黎先煮餸!
佢同我講, 大仔倒"捨" lemon tea, 但細仔又要訓覺
???????????
咩問題呀?
你想我點?
鬧大仔做乜倒潟 +叫佢自己抹乾淨, 等你抱bb 訓?
定想我飛返黎抹?
定係想講我知你唔得閒洗米?
我都未話你做乜比佢飲lemon tea?
第一日黎我同你講左唔可以隋便比野佢食!
哥哥已經要返全日, 6點幾先返到屋企,
雖然你得一個, 要你睇兩個可能吃力,
但都係兩個鐘頭, 你都攪唔掂?
咁簡單問題, 唔洗我教麻?
梗係抹乾淨先啦, 你由得佢, 咪比佢踩到成屋都係囉!
洗米要幾多時間? 你咪放bb 係high chair一陣!
唉~~~咁都要教佢點樣做,
我兩個小朋友交係佢手, 我覺得好危險!
原來佢真係無帶腦返工!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見