自由講場

收藏本版
發帖
返回列表
跳至頁

首頁
1

尾頁
   0
登!登!登!


伯爵府

積分: 19640


1#
發表於 19-4-16 09:10 |顯示全部帖子
話說昨日坐巴士, 都好客滿, 我坐樓上尾二排走廊位, 隔離走廊位坐了一位亞叔

不久有個女人帶了2個3-5歲細路仔上上層搵位, 當時最後一排有位可以俾佢地坐埋一齊, 坐最入個男人行去坐其他位, 讓個女人同2個細路一齊坐, 女人都唔該前唔該後

2個細路坐正我後面, 坐下無耐小朋友已踢椅背, 我望一望, 個女人有叫佢地唔好踢人椅背, 之後成程都無踢(抵讚)...不過2個細路由未坐低到落車都係玩緊仲要幾大聲吓...., 我都知小朋友係咁都無講任何野, 咪瞓陣, 突然嚇醒個心離一離....因為後面2個細路玩到好開心叫聲好大...我咪同個女人講可唔可以細聲D.....個女人有叫佢地細聲D同殊佢地, 不過仍是時大時細聲, 又話唔好再嘈唔係會俾人閙, 其實成程車個女人都有同2細路玩又俾糖佢地食, 最好笑其中一個同女人講唔可以係車食野, 個女人話係食藥......

之後佢地準備落車, 個女人就同D細路講, 你地唔好再嘈定係唔好再玩啦, 我好大壓力架...好明顯個女人係講說話俾我聽, 我無理佢, 點知另一邊走廊位亞叔就話 "你係度我地就好大壓力仲要俾說話我地聽", 個女人即時靜曬, 到個女人經過個亞叔落車時, 個女人仲要拎轉個頭好兇咁望住亞叔, 亞叔反問佢望咩望, 仲話個女人你衣家落車我地就無壓力..,個女人去到樓梯口仲話叫亞叔出街搵野笠著自己...


其實成程車個女人對住d 細路講野係好溫柔, 不過就有骨
車上唔可以食野, 同細路講係食藥...
成程車個女人無叫細路唔好玩仲要一齊玩, 架車唔係兒童樂園亦唔係只有佢地幾個
騷擾到人地, 唔覺得唔好意思, 仲覺得自己無問題...
如果個女人有叫過d細路好玩而嗌唔聽, 外人都會明白, 而唔係講說話俾人聽

講完, 多謝各位耐心細閱, 不喜勿插
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見