吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 早產嬰兒交流站..

嬰兒醫護今日: 0|主題: 79100

收藏本版

發帖

返回列表

跳至頁

樓主: 過客

早產嬰兒交流站.. [複製鏈接]

1 2 34

熊仔仔媽咪

大宅

積分: 3672

61^#

發表於 07-5-31 11:40 |顯示全部帖子

Re: 早產嬰兒交流站..

DICK9999DICK 寫道:
NgoNgoMa ,

bb由出世就已經插喉,昨日插回喉氧氣要提高到45,之前曾減到30, 唔知係咪做完手術唔夠力吸, 定係個肺有問題, 昨晚擔心到瞓唔到, 一陣去醫院要搵醫生問明白.

DICK9999DICK,

唔駛太擔心, bb 的進展係咁樣, 行前 2 步就會退後 1 步, 又或者原地踏步一排, 跟住又會突然大躍進. 當時我的 bb 都係咁, 我每日都好緊張佢用幾多氧氣, 每日都希望 "最好今日比尋日減 5 度就好啦". 去到醫院見到同尋日一樣會好唔開心, 如果比之前差咗就更唔開心. 其實 bb 的進展係唔可用日去做單位, 而係要用長 d 的日子做衡量. 你試吓將 bb 今個星期同上星期比較, 又或同上個月比較, 分別就會明顯 d, 亦唔會俾自己同 bb 太大壓力.

你個 bb 啱啱做完咩手術呢? 肺片花同肺"冧"咗我的 bb 都有經歷過, 主要都係講肺功能差. 呢樣嘢急唔嚟, 要俾時間 bb 架.

另外 bb 插喉應該唔會傷害喉嚨的 (不小心操作除外). 之前我也有這擔心, bb 在醫院好像不大會哭, 是不是傷了喉嚨呢? 你放心, bb 現在哭得很大聲, 完全沒有問題!!!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

62^#

發表於 07-6-6 09:50 |顯示全部帖子

Re: 早產嬰兒交流站..

YoYoi,

我個 bb 已經返咗屋企差不多 2 個月, 最初佢都係一放落床就大喊, 我要成晚抱住佢, 佢伏喺我身上就瞓得好好. 後來諗諗吓咁唔係辦法, 因為時間越耐佢越唔願意自己瞓. 咁我就慢慢訓練佢, 喺日頭試吓俾佢瞓喺床度玩一陣, 最初佢又係大喊, 慢慢可以幾分鐘先開始喊, 過一陣就可以玩耐 d. 秘訣係要有耐性, 同埋大人要喺 bb 身邊同佢傾偈, 同佢玩, 等 bb 唔會驚. 到咗夜晚, 通常 8 點左右佢食完奶後我會 9 點零放佢喺床, 因為已經玩咗成日, bb 好攰, 所以佢可以瞓到起碼個零鐘. 然後 11 點零佢會起身食奶, 跟住 1 點左右又可以瞓多個零鐘, 到 3 點左右起身又食奶. 但係 3 點半食完奶後佢已經瞓夠, 唔肯再瞓床了, 咁就要人抱住同佢玩, 佢會瞓一陣但好快又醒. 我覺得要訓練 bb 自己瞓覺係要俾好多時間同耐性, 冇得心急的. 雖然 bb 自己喺床仔度都只係瞓得幾個鐘, 但由最初完全唔肯到而家肯瞓幾個鐘, 都係我哋好辛苦咁慢慢同佢試出嚟. 我而家試緊 8 點零先同佢沖涼 (之前晏晝 3 點零), 等佢黃昏前唔會咁快眼瞓, 可以延遲到夜晚至瞓, 希望佢慢慢半夜 3 點幾食完奶後都可以瞓一陣床仔. 唔知其他媽咪有冇咩心得可以分享一下呢?

肺炎鏈球菌我會下星期帶 bb 去打, 足月計係 2 個半月. 我諗你最好請教你的兒科醫生, 等佢同你安排.

我的醫生都有建議同 bb 曬太陽, 我都驚出面多塵 (因為我屋企樓下而家有工程), 所以我會趁日頭有陽光時, 帶 bb 靠近窗台曬一陣, 每次幾分鐘. 要注意唔好將 bb 直接面對太陽, 要背向太陽至唔會曬親 bb 呀.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

63^#

發表於 07-6-6 11:42 |顯示全部帖子

Re: 早產嬰兒交流站..

我的 bb 也要吃維他命, 這是針對早產 bb 骨骼較弱而需要吃的. 我的 bb 沒有特別抗拒吃維他命. 如果你的 bb 不喜歡, 可以嘗試用針筒餵他, 等他已經完全吃了後才餵奶.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

64^#

發表於 07-6-7 12:11 |顯示全部帖子

Re: 早產嬰兒交流站..

DICK9999DICK 寫道:
各位媽媽,昨天去醫院bb已經可以食9ml奶,真開心!!希望過2天甩喉成功就好啦!!

不過,自從13/5生bb以來,我的奶奶只去過醫院看我一次,至今未來過,坐月同煲薑醋都係我兩公婆自己搞,而且佢一開始已經唔贊成我生第2個,所以表明唔揍bb,就算揍都要比4000元(唔包任何野)重要另比家用,但細仔個兩個bb(囝)無比錢,佢都成日揍返屋企過夜,隔日就上細仔屋企睇佢哋,話等細仔兩公婆休息吓,咁係咪我生兩個女我哋兩公婆就唔駛!!

DICK9999DICK,

屋企人的關心真係好緊要的. 你的奶奶係咪平時同你兩公婆關係都係麻麻地? 而家你仲係坐緊月, 唔好太唔開心, 要自己錫自己. 如果你唔開心狀態唔好又點照顧 bb 呢? 奶奶唔幫你湊, 咁你會自己全職湊番, 定係會請工人呢? 呢 d 係好現實的問題, 你同你老公要好好商量. 諗番我真係好幸運, 我的媽咪同奶奶都肯幫我湊 bb. 之前我個 bb 返屋企, 我請咗幾個禮拜假照顧佢. 今個禮拜我要開始返工, 咁我媽咪同奶奶就輪流嚟我屋企幫我睇住 bb, 同佢玩. 個工人就專注餵奶同做家務. 你要開心 d, 趁而家好好保養身體, bb 出院後你就更忙啦. 有咩唔開心, 就同大家申訴吓啦.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

65^#

發表於 07-6-12 09:26 |顯示全部帖子

Re: 早產嬰兒交流站..

YoYoi,

bb 容易喊係因為冇安全感, 你多 d 抱佢, 等佢感受大人的體溫同心跳, 佢會安穩 d 冇咁易喊. 同埋你同佢講多 d 嘢同按摩身體, 刺激佢的感觀同發展, 對佢都有幫助的.

bb 舒服就自然會笑. 而家你的 bb 幾大? 我的 bb 足月計約 1.5 月就識笑, 而家 2.5 月會經常笑, 尤其是你同佢玩, 同佢傾偈的時候. 俾 d 心機, bb 大個 d 就自然會有多 d 表情同反應架啦.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

66^#

發表於 07-6-22 14:28 |顯示全部帖子

Re: 早產嬰兒交流站..

YoYoi,

bb 食奶真係好睇心情. 最初我的 bb 返屋企又係唔太願食奶, 每餐都係 2.5oz 左右, 最差果幾日全日只係食到 14oz, 仲要差不多每日都嘔一次, 令我非常煩惱. 後來健康院姑娘教我唔好睇時間表定時定候餵 bb, 當 bb 一想食就要餵佢, 咁密密餵之下佢變成每日食 8 餐左右, 好神奇, 有一排可以一日食到 35/36oz. 最近我帶 bb 睇兒科醫生, 佢建議 bb 轉食 S26 或 A+, 佢話雖然冇醫學根據, 但係好多人都覺得呢兩隻奶粉增磅容易 d. 咁因為 bb 啱啱出世喺 ICU 都係食 Premature S26, 我就幫 bb 轉咗 S26. 食咗 2 個禮拜左右, 我覺得 bb 真係重多咗. 而家我幫佢戒緊夜奶, 但係佢都維持到一日食 30+ oz.

其實你有人奶俾 bb, 我相信係最好的. 如果 bb 扭計唔願食, 你試吓喺佢半夢半醒之間餵佢, 佢會冇咁容易發脾氣, 會食得快 d 同多 d. 而家我都係盡量喺 bb 眼瞓的時候餵佢, 真係事半功倍. 我的 bb 一醒的話, 真係好容易扭計架.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

67^#

發表於 07-6-22 14:29 |顯示全部帖子

Re: 早產嬰兒交流站..

podi,

你囝囝早排先病完, 今次又咩事? 希望佢快 d 生生猛猛!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

68^#

發表於 07-7-4 01:10 |顯示全部帖子

原文章由 podi 於 07-7-4 00:10 發表
amon28,
今次評估係東區醫院幫我安排, 只收$100. 如你有問題可以打比我(真的, 我好想同你share), 其實依家只不過係初部, 我知道囝囝有呢個case我都不停流淚, 但時間總會過, 我唔想錯過左任何幫囝囝既機會, so我 ...

podi,

唔好太擔心. 我都有認識朋友的小朋友有自閉症傾向, 但係其實個小朋友係極度聰明的. 只要有適合的跟進, 就好有機會慢慢納入正軌. 要俾多 d 信心你自己同你個囝囝! 之前咁辛苦都過咗去啦, 積極 d 面對, 同埋搵多 d 唔同的機構同醫生試吓再做評估同攞意見啦. 加油呀!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

69^#

發表於 07-9-27 12:23 |顯示全部帖子

原文章由 cynthiafong 於 07-9-27 10:45 發表
BB07082007 媽媽你好,我個bb係晌屯門醫院出世架,依家晌nicu呀...你個bb依家近況點呀?我雖然依家坐緊月,不過我依然堅持日日都去探去2次,因為我希望比最大o既支持佢呀...

不過,bb依家面對一d心臟o既問題..我好擔心呀, ...

cynthia,

我的 bb 係 24 週 6 出世, 在醫院住了 4 個月 (NICU 3 個月, 初生嬰兒病房 1 個月), 足月計現在已經快 6 個月. 我的 bb 做過心導管手術 (PDA), 後來雙眼亦做過激光. 在住院期間他亦遇過肺炎, 有一段短時間用氧量很高. bb 出世時只有 805g, 現在15 lbs, touch wood 樣樣進展都不錯.

這個 thread 的媽咪都經歷過類似的事情, bb 出院後情況各異, 但總的來說, 你要對 bb 和自己有信心! 以我的經驗來說, 曾經有一段日子覺得 bb 好像沒有進展, 每天都很失落很憂慮, 但突然間有一天, bb 有極大的進展, 令你不得不感嘆. 所以你要加油! 在坐月期間要努力保養自己身體, 因為 bb 出院後就需要你的全面照顧啦.

至於 PDA 手術, 整個過程不足三十分鐘, 當然期間父母會很擔心. 你如果有任何問題, 可以問清楚醫生, 讓自己心安. 加油呀!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

70^#

發表於 07-9-27 13:39 |顯示全部帖子

原文章由 BB07082007 於 07-9-27 13:34 發表
HIHI 熊仔仔媽咪.唔好意思我有一件事想問呢希望你唔好介意... 你 BB 用豬鼻用咗幾耐?因為我好擔心 BB 用得太耐會有影响.我個 B B E 家出世都差不多成個幾月都仲係用緊. 曾經佢都有用貓{蘇}但姑娘話佢用咗 3個鐘度 ...

豬鼻係咪一開始就用果種? 如果係的話大概 2 個月, 跟住換咗另一種, 大概 2 個禮拜左右, 然後就轉用貓鬚. 當時我以為轉用貓鬚即係等於好快可以出院, 點知都等咗差不多一個月呀.

呼吸呢樣嘢, 急唔嚟的. 其他嘢都 ok 的話, 就等 bb 慢慢進步啦. 攪順咗呼吸, 就要學用口食奶, 係另一個挑戰.

你哋唔好太心急, 慢慢嚟啦

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

71^#

發表於 07-9-27 14:23 |顯示全部帖子

原文章由 BB07082007 於 07-9-27 14:02 發表

:cry: 我都明呼吸唔好可以急... 但每日去醫院不奇然好希望 BB 快 D 可以轉用貓鬚.因為現在佢用緊個一個攪到個鼻仔損哂

少少損咗冇大礙的 (唯有咁諗), 當然媽咪會心痛... 寄望 bb 努力加油, 可以快 d 返屋企, 到時就靚哂媽咪又開心哂架啦!

有時我睇返 bb 係 NICU 的相, 都不期然心中一澟, "咦, 原來 bb 果時係咁的樣架喎!" bb 身上有喉管, 面上有膠布, 又有紅印等, 當時喺醫院覺得冇咩嘢, 但而家睇返, 真係好慶幸 bb 而家樣樣都 ok, 白白淨淨, 健健康康. bb 的進展好奇妙的, 佢哋既然選擇咗咁快出世到呢個世界, 已經走上咗一個特別的人生旅程. 呢個旅程一定係充滿繽紛, 充滿挑戰, 但係佢哋都係勇敢的鬥士 (睇佢哋身上的戰蹟就知道), 我哋作為父母的要支持佢哋呀!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

72^#

發表於 07-9-27 17:10 |顯示全部帖子

原文章由 cynthiafong 於 07-9-27 17:04 發表

熊仔仔媽咪,好多謝你o既意見呀..我個b其實大致同你個bb差唔多case呀,醫生話bb依家o既情況尚算初期,將來要問對o既問題唔知會有幾多呀,只知PDA手術係一定要做...唔好意思,我好想知呢個手術係咪要開刀做架?因為我地 ...

據我所知, 暫時香港所有 PDA 術都是在葛量洪做的. 我的 bb 做的是開胸手術. 我當時的心情真的很差, 因為我滿懷希望, bb 可以靠葯物將導管關上, 誰知最後要做手術... 不過 bb 那麼小, 應該不會有做手術的記憶, 亦不會痛吧 (自我安慰)... 為了他, 這個手術是必需的. 你要堅強 d, 努力加油.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

73^#

發表於 07-9-27 19:23 |顯示全部帖子

原文章由 cynthiafong 於 07-9-27 18:21 發表

熊仔仔媽媽..希望你唔會介意我係同bb爸爸一齊睇你o既信息呀,佢話你講得好對呀..我地係應該對bb充滿信心o既,我會支持bb到底呀!!我知我地一定可以一家團聚架!!!

多謝你支持呀! ...

My pleasure! Cynthia 的先生,你要同你太太互相扶持, 特別女士較易多愁善感, 亦會傾向覺得自己有問題才導致 bb 早產, 心理壓力和內疚感會很大. 作為丈夫的要體貼多點, 這個時候要多用言語和行動安撫太太呀.

當然, 男子漢大丈夫, 可能都好辛苦, 不過你是一家之主, 亦是家中精神支柱, 太太和 bb 都需要你支持架!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

74^#

發表於 08-1-3 13:58 |顯示全部帖子

原文章由 Sam512 於 08-1-3 13:46 發表

我BB尋日仲因為吸氣吸得淺, 要用貓鬚, 好擔心

我哋好多都係過來人, 大家都有類似的經歷. 其實你的 bb 31 週出世已唔算太早, 問題應該不大, 你唔需要太擔心. 俾時間 bb, 等佢慢慢長大, 好多問題自自然然會得到解決. 即使而家要用貓鬚, 亦只係暫時性. 要對 bb 有信心, 要支持佢, 同佢一齊加油呀!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

75^#

發表於 08-1-4 13:52 |顯示全部帖子

原文章由 Sam512 於 08-1-4 13:06 發表

有無媽咪記得BB係幾多week個肺強壯, 條氣好D? 姑娘話我BB條氣唔順, 又成日卑面色人睇!

我記得 QE 姑娘同我講 bb 個肺喺 36 週左右會比較成熟, 我的 bb 亦喺差不多時候有明顯好轉. 唔好太擔心, 俾多少少耐性啦.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

76^#

發表於 08-1-7 16:10 |顯示全部帖子

原文章由 Sam512 於 08-1-7 13:04 發表
BB尋日2.08Kg喇, 但都係用緊貓鬚, 係35weeks, 我真係好擔心! 你地個時有無帶人奶卑BB? 有乜辦法多奶D? 我已日日飲木瓜魚或章魚花生, 又飲奶同食芝士, 兩邊夾埋都係得2安 ...

哎吔, 奶量呢個問題確實令人頭痛. 我當時都係好辛苦好努力但係只得好少好少. 但係我都係努力堅持每日泵奶, 後來直到 bb 差不多可以出院就無奈地停止咗. 講真每日的 output 真係好少, 到 bb 食量開始增加的時候就一日的份量都唔夠 bb 一餐食. 我又係又飲湯又按摩又飲多奶茶, 想盡辦法都係唔多. 後來諗吓, 自己真係已經盡咗力, 最起碼 bb 開頭都有食過人奶就心安理得囉. 我諗每個媽媽的人奶份量都唔同, 冇得勉強的.

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

77^#

發表於 08-1-9 16:20 |顯示全部帖子

原文章由 Sam512 於 08-1-9 14:06 發表

你個BBd當時有無用貓鬚, BB係幾多week出世ga? 我好擔心!

我的 bb 係 24 週出生的, 所以情況比你的 bb 更嚴竣. 一開始的時候 bb 是要放在 open 的床上, 好讓醫護人員能隨時照顧他. 到情況轉佳時再轉到特別保溫箱, 然後又好轉些時 (這時轉用用貓鬚) 又轉回 open 的床, 最後離開 ICU 到初生嬰兒病房. 到甩了喉就出院啦.

我理解你一定很擔心, 不過我們這些 20 多週的 bb 也安然無恙, 你要有信心才是. 再加多些耐性, 要開開心心去醫院探望 bb, 替他加油呀!

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

78^#

發表於 08-1-9 18:26 |顯示全部帖子

原文章由 08準媽媽 於 08-1-9 17:13 發表

熊仔仔媽咪
請問咩叫做貓鬚呀？我bbe家用緊呼吸機唔知幾時先可以用貓鬚呢？

貓鬚同呼吸機唔同, 呼吸機係要用喉管經口或鼻將氧氣輸俾 bb, 一般度數都在 20 以上. 到了 bb 肺功能較佳的時候, 醫院會嘗試只用貓鬚, 即是只是一條很幼的管, 用膠布貼在 bb 面珠. 這時氧氣度數較低, 主要是靠 bb 自行用肺呼吸. 其實能轉用貓鬚的話 bb 已經有很大進步, 距離出院的日子不遠了.

你的 bb 現在才 1 個月大, 應該還在用呼吸機吧, 對嗎? 他的心臟導管能否關上?

[ 本文章最後由熊仔仔媽咪於 08-1-9 21:58 編輯 ]

熊仔仔同D豬係爹哋媽咪心肝寶貝豬

私人傳訊

熊仔仔媽咪

大宅

積分: 3672

79^#

發表於 08-1-16 23:06 |顯示全部帖子

原文章由 lovemaggiew 於 08-1-16 19:40 發表
我亞b成日在家哭，每次飲完奶後好似好辛苦，去大困難。佢早產又輕，我想用米水開奶比佢飲，但係又唔知幾時先可以開，你地有冇經驗可以同我分享吓呀？ ...

我的 bb 最初都因為輕磅而有用米水開奶, 我覺得對增重似乎有少許幫助. 我每次只會用一小撮米, 然後加幾碗水, 水滾後再用慢火煲一小時, 煲時會加一小塊果皮. 米水煲好後不會太杰亦不會太稀, bb 並沒有不良反應. 後來bb 逐漸長大, 又開始食固體食物, 我就再沒有用米水開奶了. 如果你真係想試的話, 可以一日試兩餐, 觀察反應, 如果ok 先至逐漸增加次數.

熊仔仔同D豬係爹哋媽咪心肝寶貝豬

私人傳訊