咁多位媽咪:
我番黎喇.... 呢個月真係我人生中最難過0既時刻....
阿囡發現面上有個瘤.... 都未知點醫治, 又發現佢個心有"第3下心跳聲"....
照過個心, 好彩冇事.... 點知照照下又照出個腦可能有事, 再加上佢個瘤... 都唔知會唔會連住個腦....
於是又要照腦.... 入左院.....
好感恩, 個腦都係冇事....
而家可以集中處理個瘤.....
呢個月, 日夜擔心.... 使左幾萬蚊睇病, 錢可以搵番... 但如果阿囡有乜事, 真係唔知點算....
好彩我老公同家人同我一齊渡過... 加上囡囡極為堅強....
可憐佢2個月多0的就做1次腦部x 光, 1次胸肺x 光, 心臟照聲波, 腦部超聲波 同埋腦部磁力共振....
仲要食左幾次安眠藥, 種過豆打過顯影劑....
佢身體受苦, 做父母0既我就心痛不已....
總算check清楚個心同腦都冇事....而家睇緊專科醫個瘤.... 希望可以快0的好番....
呢段期間好彩多禱告, 令我可以堅強過渡....
所以大家唔好為左少少事而唔開心,唔夠奶呀, 冇人幫手呀, 阿b扭計呀等等.... 都係好少好少事.....
bb 健康係最重要.... 其他一切都係bonus....
呢個係我親身經驗..... 原來驚自己個bb 有嚴重心漏同埋腦部生瘤.... 係咁恐怖0既一回事....
我未試過一路睇住超聲波0既mon, 一路兩行眼淚滴到落地.....
好好彩我地又遇到好0既醫生.... 雖然極貴但值得.....
而家我對佢個瘤0既康復都好有希望.... 一切交托比神, 同埋醫生....
0係度我好想多謝關心我0既朋友, 特別係tiggerkitty, shirleyswl, cws1986, loveannis, 卡卡媽, 丘師奶等及其他不能盡錄.....
囡囡而家冇乜事.... 個瘤對健康冇影響, 只係外觀有少少唔靚 (0係左邊太陽穴位置)
我地積極醫緊佢個瘤, 希望好快佢回復靚靚
謝謝大家~~
[ 本帖最後由 siufung 於 10-4-24 02:05 編輯 ]
老虎囡2010年2月10日於嘉諾撒出世喇, 早過預產11日~ 重6.71磅