嬰兒用品今日: 0|主題: 93239

收藏本版

發帖

返回列表

跳至頁

樓主: ling_198710

孖B請一個工人? [複製鏈接]

OSMing

大宅

積分: 3511

1^#

發表於 16-4-23 10:44 |顯示全部帖子

回覆 ling_198710 的帖子

我孖b已四歲幾，一直都係一個工人湊，so far無問題。咁家庭環境許可咪請兩個囉，唔得嘅就要在其他方面調較，無話唔得。
分享我經驗，bb階段時，我媽會每天來跟眼，買埋餸黎，姐姐唔洗出街嘅，主力湊孖b, 咁bb瞓覺時，佢咪可做下清潔。你有99 喺度跟眼就ok 啦！其實唔洗擔心兩個bb一齊喊點算，個人認為bb喊下無咩問題，餵緊一個，另一個喊都無辦法，食奶遲一陣唔會餓親，確保安全就得。Bb 嘅作息由細培養，習慣佢地同一時間瞓覺，咁就易handle 好多，會有多d 時間處理其他事，精神亦會好d. 咁夜晚放工就自己可跟番，姐姐就煮飯洗碗搞埋其他濕碎野，瞓覺就唔好要姐姐睇埋喇，否則佢日頭會唔夠精神，將心比己，要體諒。要教好姐姐點樣分配時間，優先次序。你請工人時佢已知要湊孖b, 唔洗擔心定搞唔掂先。上一代d人，小朋友都係一級級上，事在人為。

到bb大d會坐下，又會企嘅階段，我覺得搖椅好幫得手，坐定定一齊食野，放在搖椅上一齊哄瞓覺，唔洗下下抱住，寵壞就難湊。有時行開行埋，將佢地繫在搖椅上，比d玩具佢地玩，離遠望住佢地就可做下其他野。由初生階段就習慣bb唔扭抱好緊要，媽媽要喺放產假期間好好訓練姐姐，自己亦要睇得開，唔洗咁緊張。

揾左工人姐姐未？最好請個後生d, 因為體力同精神好緊要。加油！

私人傳訊

OSMing

大宅

積分: 3511

2^#

發表於 16-5-21 09:46 |顯示全部帖子

回覆腰果眼的帖子

係呀，掃完風斜斜地放喺highchair 再餵另一個，屋企放唔到兩張都放一張，真係幫到手，放bb 喺sofa 唔安全，初生勉強可以，再大的識轉身動作多d會碌落黎。我對孖b坐搖椅都坐到兩三歲，廳都擺張床，日頭喺廳瞓，姐姐除左去洗手間，都係stay 喺廳或廚房，我個廚房望到廳，所以無問題。瞓覺放落床，食野或行開行埋就放搖椅，有時間就放出黎地墊活動下，就係咁。

私人傳訊

OSMing