我開刀當日7點前就要到醫院，先見姑娘，姑娘會俾手術衫你著定，會俾locker你放物件，之後就等人幫你照多一次胎位，之後又要等，我記得我好似係第四個開刀，等到早上11點50分先輪到我，其間先生係外面走廊等，我都可以係走廊等。推入手術室時我好緊張，但d姑娘好好人，不停安慰我，入左手術室過床後，等左陣麻醉師就叫我盡量屈膝到心口，有d辛苦因為個肚大，佢就幫我係大概尾龍骨位打麻醉針，少少唔舒服但唔痛，醫生之後會用凍棉花掂個肚，問你有無感覺，因半身麻醉，當醫生掂高過個肚我先感覺到凍，先生大概呢個時候就入左黎陪產，之後無耐就開刀，開刀我感覺唔到，但可能陀得高，醫生推我個肚就感覺到，醫生推左一陣後,大b就出世，之後聽到喊聲，醫生繼續推肚，好快小b又出世，姑娘跟住就抱bb俾我睇，放係我心口一陣同俾我錫一下，之後等左一段時間姑娘先推我去產後房休息，先生就去同bb skin to skin, 我唔記得休息左幾耐，姑娘就推返我去病房，先生就有大概半小時時間幫我執好d野係病床(因非探病時間)同陪下我，生過程好快，由入手術室到小b出世都係40分鐘左右，醫生，麻醉師同姑娘都好好人，係我意料之外，亦唔痛，但可能因麻醉藥關係有d想嘔同肩膀不停震。(因個日我好緊張，唔知有無記錯，如有錯其他姊妹請分享其過程。)
陪產都有大概廿分鐘，老公無野要準備，入手術室前姑娘會俾套衫同帽佢換。skin to skin 係bb一出世後就扒到係媽媽心口感受媽媽心跳，嘗試吸吮母乳，研究話有好多好處，除左媽媽可以，醫院都俾bb出世後同爸爸skin to skin, 醫院仲會幫佢地影相，我覺得個一刻好珍貴，如果你老公有時間，我覺得要去。
發表於 
返回列表
