論盡家傭

收藏本版
發帖
返回列表
跳至頁

首頁
1

尾頁
   0
enahau


大宅

積分: 3102


1#
發表於 10-5-6 12:58 |顯示全部帖子
我仲慘過你，我個工人嚟咗十個月，佢既特點係極慢手兼笨，唯一好處係永無駁咀，我就貪佢呢樣好，開頭一直都慢慢教，好指細咁教，教到依家都仲教緊，我囡囡佢照顧咗咁耐，到依家仲係朝朝起身同沖涼都大哭，成日俾粗手粗腳既工人整到，我囡仲係唔聽佢話，基本上無論做咩，例如餵飯咁，我餵就四十分鐘， 工人餵就兩個鐘，我叫起身就即起兼無哭,佢叫起身就遲到，我曾經放手俾佢做,但我囡就遲足成個星期，我唯有自己叫囡起身，我依家仲陀咗細b,十月生，無可能會俾佢照顧，佢搞我三歲囡囡都仲未搞掂。
我屋企得個四百幾五百尺，佢條友仔清潔廁所要個半鐘，廚房廚櫃由朝到晚用五個鐘都仲未搞掂,仲好污糟，超級慢，我開始好聲氣到依家成日都忍唔住要鬧佢,都無用，佢依然故我，我已放棄，救命，唯有等我坐完月,就炒q咗佢，我實在忍無可忍。所以笨同慢工人我同樣真係接受唔到。
私人傳訊

enahau


大宅

積分: 3102


2#
發表於 10-5-8 11:10 |顯示全部帖子
原帖由 kyvl 於 10-5-7 18:32 發表
我睇哂你地寫既回覆, 其實你地D姐姐唔算蠢, 只不過係大意, 唔小心同無心裝載. 我個賓姐先係"蠢"既真正人板.

事件一: 我親身示範教佢蒸魚, 先蒸熟, 後落豉油熟油. 第二日叫佢自己試吓做, 條魚生歐歐未蒸就走去落豉油 ...

我果件都不弱，嚟咗十個月，第一日已同佢講，我部洗衣機擺位有啲唔太好，係爐頭下面，曾經試過煲湯滾瀉漏到下面洗衣機同電線度導致漏電，叫佢一定要小心，事關人身安全(雖然之後我己搵師傅修理過，但移位要大裝修，我打算今個月尾大裝先算)，之後仲幾乎一個月提佢幾次，因為條友仔幾乎每次煲湯一定滾瀉,尋日終於出事，我返到屋企個總制跳咗，佢坐係度咩都無做,飯又未煑,我問咩事，佢話唔知發生咩事停電，我一睇洗衣機成塊板都係水，就知咩事，於是佢話佢無煲湯，只係洗衫時唔到心倒咗啲水係洗衣機面板同電線度，佢唔識為佢有問題，仲黑面，我忍無可忍，終於大鬧出口。
私人傳訊

enahau


大宅

積分: 3102


3#
發表於 10-5-9 00:11 |顯示全部帖子
原帖由 crt1234 於 10-5-8 16:12 發表
睇見部分回覆
指「我頂唔順個家僱咁鬼蠢,炒之而後快」之類既言論
我反而諗
如果當有一日自己有個蠢(智商偏低)既子女果陣,就會嫌棄佢地?
或者有人會問點解將
自己既子女同無親戚關係既工人來比較?
但當自己既子女出來 ...

係咁，祝你永遠搵襯都只搵到啲蠢工人，呢度所有既蠢工人都過俾你，你屋企三日唔埋兩日漏電，壞水喉，成日煮啲生嘢你哋食，希望你可以用你既愛心去感化佢哋，阿們。
我想話你知既係無咁大個頭無載咁大頂冒，我仔女好蠢既話,我唔會叫佢去做佢能力範圍以外既工，我亦好相信佢會係試用期就俾人炒，而我哋用工人根本無試用期，要用愛心我可以去做義工，唔使花錢請個癈人返嚟，幫唔到手不特只，仲要我照顧埋佢，無玩啦，我唔使返工咩，係你先玩得起。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見