吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 宮縮流啡入院

大仔大女媽媽會今日: 0|主題: 177860

收藏本版

發帖

返回列表

跳至頁

查看: 17350 | 回覆: 11

[2008年] 宮縮流啡入院 [複製鏈接]

agneslee28

別墅

積分: 842

1^#

發表於 07-11-30 10:14 |顯示全部帖子 |倒序瀏覽 |打印

打從七個月開始，宮縮的情況頻密了，一天有十至十多次。十一月頭，忽然肚痛，第二天流啡及淺粉紅，到了廣華醫院去。

醫生診斷為作早產，做機後發現五分鐘宮縮一次，及有輕微陣痛，便進了產房，入院時才三十週，必須打兩支強肺針，及食藥控制宮縮，後來宮縮情況能受控制，轉到產前房住了十多天，現在回家也十多天了，一直食藥及臥床。醫生開假直到生bb為止。

醫生話我的情況是因為子宮敏感，而家唔准用手摸個肚皮；另外因為胎水多，20-25為較多的指標，我是23，醫生話胎水多有五成機會係正常，五成機會係因為bb有先天結構問題、發育不良或母親有妊娠糖尿。嚇死我，我之前係私家照過結構，尚算正常。所以醫生要我驗血糖，發現血糖有輕微超標，因為現在長期臥床，未能活動影響了血糖，現在要食營養餐。

本來我book了到私家醫院生，現在取消了，因為醫生話胎水多好大機會早產，目標希望過到三十七週，完成後期發育期(三十四為基本完成發育)。所以我都係會去廣華生，住院十多天，眼界大開。有空跟大家分享。

如果大家在懷孕後期出現經期般的陣痛(有規律)，過頻的宮縮，流啡，見紅，或滲水，必須要立即入院呀。

希望各位媽媽都要平平安安。

[ 本文章最後由 agneslee28 於 07-11-30 10:17 編輯 ]

0 0 0

我們愛，因為神先愛我們。

私人傳訊

agneslee28

別墅

積分: 842

2^#

發表於 07-11-30 18:21 |顯示全部帖子

原文章由 bobomi0060 於 07-11-30 11:33 發表
好多謝你的分享, 我係第一胎.. 連縮宫是什麼樣都未知(我而家剛33週)...因亞b每次踢我時個子宫都好似想尿尿咁..同有點痛..
但我都有好似經痛的跡象.
越近生.. 個心就越不安... ...

宮縮係會成個肚變成一舊石頭咁，好緊好聚，大約二三十秒後才會抒緩下來。

如果下腹陰陰痛，可能係懷孕後期bb重量增加所致，同埋同下腹既韌帶和肌肉有關，如果痛楚沒有規律性，就可以放心了。

我們愛，因為神先愛我們。

私人傳訊

agneslee28

別墅

積分: 842

3^#

發表於 07-11-30 18:27 |顯示全部帖子

原文章由 kakashi 於 07-11-30 15:08 發表
thanks for sharing, wish you and your baby healthy.
how's your experience in Kwong Wah?
is the doctor and nurse good?
how abt the environment?

我入院的時候聽護士講係爆棚既時節。最高峰一日有五十幾個b出世。忙到佢地死咁濟。

整體來說，對醫護的感覺是不錯的，產科主要有三四個高級醫生，挺親切。顧問醫生係梁永昌，係係贊育過來的，好有料，好細心。

可能因為我有早產的機會，佢地做o左好多詳細檢查，俾我睇開的私家醫生仔細，所以都有d信心。

但衛生方面，真係麻麻，如果會去廣華生，必須要自備消毒洗手液，因為我住十二日所有洗手既洗手液機都係壞o架，咁樣好唔衛生，同埋對bb無保障。

[ 本文章最後由 agneslee28 於 07-11-30 18:29 編輯 ]

我們愛，因為神先愛我們。

私人傳訊

agneslee28

別墅

積分: 842

4^#

發表於 07-11-30 18:30 |顯示全部帖子

原文章由 fionchau 於 07-11-30 17:22 發表
我都已踏入35wks+4days，但都未feel到什麼叫宮縮。d人話宮縮時，成個肚都會硬。所以我有時feel到個肚有小小硬咗咁，我即刻摸下個肚，但又摸唔到個肚成個硬。所以我唸唔似係宮縮，係bb郁到某條神經線吧！
我一由18wks開始，下體都 ...

你要聞下如果似水的話有無腥味呀，如果黏黏的是正常分泌，但又稀又透明又有腥味，就係羊水喇。要小心呀！

我們愛，因為神先愛我們。

私人傳訊

agneslee28

別墅

積分: 842

5^#

發表於 07-12-1 11:54 |顯示全部帖子

原文章由 boboT 於 07-11-30 18:46 發表
agnes, 我好你少少, 現時 32wk幾, 因為宮縮, 今個月已經入住兩次醫院, 我要求出院, 醫生只好寫多幾日假比我, 仲講左比我知早產有幾咁可怕...醫生話以後如果一個鐘縮2次就即刻返產房. 祝大家嘅 bb 都足月足磅. 順順 ...

你要多臥床休息呀，因為早於34週生產，雖然而家存活率好高，但睇住bb要吊水、住係兒科、又或者有咩問題要接受治療，都會好難過呢。

努力，我要過到三十七週。

但而家又好擔心胎水過多的問題。唉唉唉！

我們愛，因為神先愛我們。

私人傳訊

agneslee28

別墅

積分: 842

6^#

發表於 07-12-1 11:59 |顯示全部帖子

原文章由 emma_lws 於 07-11-30 22:39 發表
我29週果陣都開始有宮縮呀..次次都會痛
到31週覆診果陣同醫生講佢就安排我返醫院覆診喇
過左幾日去到醫院同醫生講完佢叫我留院觀察
我訓左8日,入院開頭冇野,,到夜晚開始黎料,直頭5mins一次宮縮
所以就推左我落產房, ...

我地個情況好相似呢，48小時係食adalat，但我食到血壓好低，要改食另一隻adalat retard，你而家停了藥嗎？我出院後醫生一直開藥俾我食，大約食到三十六週左右。你唔食藥頂唔頂得住呀？宮縮頻密又痛真係好辛苦，企又唔得坐又唔得，你一定要瞓多d呀。

萬事小心，避免四處走動。加油！

我們愛，因為神先愛我們。

私人傳訊

agneslee28

別墅

積分: 842

7^#

發表於 07-12-1 12:03 |顯示全部帖子

原文章由 bonnie1013 於 07-12-1 09:52 發表
吓!咩咁大件事架!
我由5個月開始有宮縮, 依家33wk, 都縮得好密, 昨日去覆診同醫生講, 我計過最密果時2個小時內有11次, 佢只係叫我唔好用手捽個肚, 唔係會早產, 同埋如果肚痛就要馬上入院咋喎 ...

係呀！唔好用手捽個肚喇，因為子宮敏感你越捽越收縮得頻密，我而家見bb郁都係用隻手按住。每次宮縮既時候，要盡量停止活動，靜靜坐下或躺下休息，放鬆，便會好一點的了。

我們愛，因為神先愛我們。

私人傳訊

agneslee28

別墅

積分: 842

8^#

發表於 07-12-2 20:02 |顯示全部帖子

原文章由 emma_lws 於 07-12-1 22:24 發表

我唔記得左藥名lu..你講我先記得
我都低嫁..不過唔係太低所以佢照俾我食
不過食左2轉就冇食lu..因為打左強肺針俾bb
醫生話bb出世都俾佢出世嫁喇..不過生完佢要訓箱lo
好慘呀..所以依家少d郁..希望佢冇咁快 ...

三十五週幾都安全喇，我而家仲有兩日先三十四週。呢兩日宮縮又密返少少，即刻咩都唔敢郁，淨係瞓。呢幾日我覺得阿b郁得好厲害，壓到我下陰好痛，有時好似有想衝出o黎既感覺，好驚呀。我好驚經常宮縮會迫到佢要提早出來，希望俾我捱多三個星期先啦。
我都想三十七週先生。

你都要小心呀！

我們愛，因為神先愛我們。

私人傳訊

agneslee28

別墅

積分: 842

9^#

發表於 07-12-5 13:39 |顯示全部帖子

原文章由 emma_lws 於 07-12-2 20:16 發表

我前晚都係呀..又密左la..5mins/1time..不過我未見紅唔想入院住ar
琴晚直頭下腹落d好痛(核突d.係有毛毛果個位)..一宮縮就痛..好似想柯出黎咁
搞到我成晚唔敢訓..好驚見紅自己唔知..你有冇好似我咁呀??:cry: ...

emma_lws, 你最近點呀？一切何好？呢幾日入o左醫院做檢查，尋晚先放返出o黎，呢個星期跟妊娠糖尿餐單食野，血糖全部合格，個肚圍細o左一寸，醫生話希望減胎水可以抒緩宮縮情況。

阿b個頭仔由二十九週開始已經向下，醫生話宮縮會令佢感到有壓迫感，會下擠，所以搞到成日感覺到好似想痾出O黎咁。個宮頸仲未變弧形，仲可以捱多陣。

好希望等到三十七週。而家早晚都要食一次控制宮縮藥。食到三十六週。

你都要加油呀！

我們愛，因為神先愛我們。

私人傳訊

agneslee28