tize2002 發表於 14-10-10 16:49
回覆 rose-mag 的帖子
但顧問為何明知不能都要講美國可以用35萬呢?既然你朋友的爸爸有能力付50萬,為何要博 ...
好多嘢局外人係唔明嘅,我都問過同樣問題,就好似個個都睇過警訊,一樣上保藥黨嘅當,好多人都以為自己一定唔會中計,到頭來願者上釣。我只可以講有D所謂移民顧問可以係租一張檯就係公司,有D租個信箱添,平日home office,呢度老人家多,會搵一D人代填表格代睇書信,我媽媽都試過唔想煩我,俾少少錢人地填表,果D大大話識話幫人填咗十幾年表格應該都好熟。But sorry,真係錯漏百出,所以而家我叫媽媽點都好,等我幫佢睇幫佢填,慳番錢之外,費事填錯就大件事,特別係有關政府嘢。
三藩市City係同其他地方唔同,就好似香港咁,住港島住西環同銅鑼灣或北角小西灣全部都有分別,仲加埋九龍同新界。成個三藩市City人口好多,但都有分住宅多同商業或工業區,近DT都有學校,唐人埠好多間小學中學,唔好睇少果度新移民多,PSI score唔低,好幾間小學都係市內10大高分小學,900分以上嘅學校都有唔只一間半間。另外三藩市派學校係攪珠抽籤,唔係你住學校隔離就一定入果間,你只有少少優勢,但一切都係睇你彩數。至於你話好唔好住,見人見智,租係唔平,而且地方細,人口密度都比外圍地方高,但買嘢方便,好多人可以冇車,行路搭巴士都慣咗,AP某程度上好多鄰居互相關照,老一輩嘅就鍾意呢種熱鬧。
住三藩市市中心外圍都有好好嘅區,D屋大到靚到不得了,去到二三百萬以上,我就真係住唔起,萬聖節去果區trick or treat多糖都你唔信。銷售稅喺灣區裡面算高,但都有其他城市高過三藩市,但最低工資三藩市比好多地方高,所以有人鍾意搵工喺三藩市但住周邊外圍細D嘅城市,但又要計番交通費,搭Bart單程都幾蚊,未計你要泊車嘅費用。
當然三藩市有部份地區係幾雜吓,租係平但治安就麻麻,住果度嘅人一般能力範圍內揸車出入,唔得要搭巴士就自己小心,可以的話就唔好去夜街,有小朋友又唔自己揸車的話,我反而建議衡量下究竟你想要一間大屋有花園有地方俾小朋友,但要自己打理保養,定話住個地方人口密度高少少但買嘢咩都齊嘅地方,當然就冇理想獨立屋花園啦。三藩市City好多新移民,有D真係窮嘅,佢地生活環境可能冇咁理想,但小朋友一樣讀到書,我見幾個入間學校,個個都話唔好,而家已經係醫生護士藥劑師,好多嘢唔係個個人接受到,但唔代表一定唔好,最緊要自己適應。
呢度咁多意見,睇怕你都有排煩,各有各好,你自己睇下邊樣重要D邊樣可以係次要。
花旗太太生活在花旗國,留意時差,你問我未必即時答到。