懷孕前後今日: 7|主題: 329756

收藏本版

發帖

返回列表

跳至頁

查看: 108797 | 回覆: 2

有冇預產期係０９年８月 (Part 8啦!!) [複製鏈接]

JessBB

大宅

積分: 1003

1^#

發表於 09-7-30 00:28 |顯示全部帖子

我都報到先!! 啱啱先話睇晒今日d post 同覆下人!! 咁快又part 8, 真係.....勁呀!! 我依家都訓喇!! 明天再傾!!

私人傳訊

JessBB

大宅

積分: 1003

2^#

發表於 09-8-4 16:13 |顯示全部帖子

Hi!! 各位姐妹! 我返嚟喇!! 我失蹤咗成個星期, 咪就係因為我個細b搶閘出咗世囉!!

我上星期三留完最後一個post, 第二朝一早就好肚痛, 仲以為自己食錯嘢肚呵!! 痛咗好耐又呵唔出喎!! 咁我咪開始懷疑自己陣痛, 跟住數下幾多分鐘痛一次, 再打去問下朋友陣痛係點, 因為私家診所又未開門, 我又唔見咗幫我開刀生嗰醫生電話, 痛咗我三個鐘先可以confirm我係陣痛, 我每十分鐘痛一次

, 仲諗住bb唔會咁早出嚟!! 我老公仲一d都唔緊張, 問我係咪食錯嘢, 佢仲堅持返工, 叫我真係先打比佢喎!! 激死我呀!!

因為上胎我開刀生, 都無經歷過陣痛, 所以我都唔知咩事!! 佢話咁啱月尾唔想比人扣咗勤工一定要返工, 我咪鬧佢依家我生得你仲同我講勤工??

男人係咪真係粗心大意到呢個地步呀???

另外我一早約好10號開刀, 又比晒錢擇日, 嗰單嘢攪到我咁頭痛!! 點知依家又嚟特發嘢!! 就咁30/7我就入咗院開刀, 生咗細b囉!! 但因為我之前book咗10/8, 嗰日入到法國要等手術室有位我先可以開刀, 就咁我就陣痛咗10個鐘先等到手術室, 仲因為唔知幾時開刀, 全日都無得食嘢, 又痛又餓, 好慘呀!!

入到手術室仲要自己一個面對, c6又唔入得, 個醫生打咗好耐支麻醉針又打唔到個位, 打咗兩三針打到我好痛, 嗰刻我真係覺得自己好淒涼, 忍唔住喊咗出嚟!!

好彩個麻醉師好好人, 仲安慰我, 又同我抺眼淚, 話"無事, 唔好喊" 我先忍到住收聲咋!! 我都好多謝佢, 我一路等細b出世, 佢一直同我傾計, 好細心!! 我細b出世無大佬咁重, 只得6.6磅, 所以我一上到病房見到老公都喊咗出嚟!! 因為我大仔有成8.6磅, 細佬咁輕我好唔開心, 一見老公咪怪我老公平時唔幫手湊仔, 唔比時間我休息, 淨係顧自己!! 攪到我唔足夠休息令細b咁輕磅, 佢同我講對唔住, 我咪話佢唔係對我唔住, 係對個仔唔住咋!!

但好彩入院四日, 佢好照顧我, 每日都由07:30陪我到22:00!!

我都有餵人奶, 呢兩日每次泵奶都有4.5安, 足夠bb食, 但我晚上都有補奶粉!! 喺醫院細b已經啜損我個乳頭, 所以我要泵比佢食, 我又有一面乳線塞咗, 好痛呀!! 希望可以快d通返啦!!

唔知我地仲有邊個生咗呢?? 等我睇下"報喜室"先!! 返嚟再睇返d post再傾過!!

[ 本帖最後由 JessBB 於 09-8-4 16:28 編輯 ]