自由講場今日: 270|主題: 1303840

收藏本版

發帖

返回列表

跳至頁

樓主: mimi987

積分: 10301

1^#

發表於 20-7-3 16:43 |顯示全部帖子

本帖最後由快樂股民於 20-7-3 18:57 編輯

一個都無, 而且我覺得經濟仲好好添, 首先股市日升夜升, 出街食飯好多時要等位, 最跨張試過訂咗枱，但去到都可以話無位; 去按摩都係咁, 去幾間足浴店所有師傅都做緊野, 老闆call跑場師傅但個個都話忙緊; 想去食糖水, 點知間間糖水舖都坐滿晒, 門口出面仲要企咗十幾二十人, 搞到我要返屋企飲汽水就當食咗糖水.

香港經濟好差? 幾多隻股票可以一個月升幾十%; 世界經濟大蕭條? 納指創歷史新高啦, 仲要創咗唔知幾多次新高; 道指雖然未創新高, 但過去一季的表現係三十幾年來的最佳季度表現.

我完全唔覺香港以至世界經濟好差, 反而我覺得經濟好到不得了.

私人傳訊

快樂股民

子爵府

積分: 10301

2^#

發表於 20-7-4 07:50 |顯示全部帖子

本帖最後由快樂股民於 20-7-4 10:38 編輯

ricecooking 發表於 20-7-4 00:51
好慶幸98， 03，到今次經濟差，身邊都無人因此失業

好多人話98-03時期經濟好差，我又係唔覺。首先，當時我去邊度食飯都係爆到七彩，試過訂咗枱去到都可以無位，夜晚OT到十點幾，之後同幾個同事出去食飯，個知客答我哋要等四十八張枱！夜晚十點幾仲要等四十八張枱，我唔敢想像七點係乜嘢景況。

當時有人同我講，係因為我成日幫襯d收費大眾化的餐廳，所以先至咁樣，佢仲話d高消費嘅餐廳就慘啦，拍晒烏蠅呀！佢咁講我又信以為真，之後我去半島酒店嘉X樓食飯，我以為拍烏蠅所以冇訂位，結果去到咪無位囉，我仲被人鬧做乜唔訂位，嘉X樓算係高消費吧，咪一樣係爆。

我唯一同意係沙士時拍烏蠅，但只不過係d人唔敢出街，而唔係經濟差，疫情一過咪又恢復返要等四十八張枱的景況。

多口講句，08年金融海嘯，d人又係話經濟超差，但我發現去到邊都係爆到七彩。