大仔大女媽媽會今日: 0|主題: 177860

收藏本版

發帖

返回列表

跳至頁

查看: 1977 | 回覆: 3

[2008年] 好煩, 好唔開心!! [複製鏈接]

irisang2007

男爵府

積分: 7737

1^#

發表於 07-9-20 17:22 |顯示全部帖子

其實我都覺得你肚入面既小生命, 係上天賜與你既一份小禮物, 雖然係而家黎睇, 佢可能會為你既生活帶黎壓力, 但你諗o下, 如果你能夠生佢出黎, 將來回想起你地一家人共同渡過既日子, 一定會覺得好值得.

你知嘛, 我媽媽當年生完我同我細佬之後, 唔小心又有左bb, 但因為我爸媽當時覺得自己冇經濟能力再養多一個人, 所以最後冇要到個bb, 事隔都20幾年, 我媽媽都會經常諗返起呢件事, 而且都仲係覺得好傷心, 佢好後悔點解當年冇要到個bb, 佢成日都講個bb可能好想出世, 但佢就冇給他/她這個機會.......

唔好咁輕易就放棄一條小生命, 因為個bb同你兩個仔都一樣, 都係你同你老公既愛情結晶品.

私人傳訊

irisang2007

男爵府

積分: 7737

2^#

發表於 07-9-21 15:03 |顯示全部帖子

KBmama

其實我同你都係一樣, resigned先發現自己有左, 我而家係同6299一齊住, 我原本打算搵到新工後, 就同老公搬出去住, 因為我6299實在係d超級麻煩既古老石山 (例如: 1. 因為我今胎係第一胎, 佢地成日同我講, 第一胎最好生仔啦, 生到仔, 第二胎我理得你生乜.....2.佢地朝朝早都6:00起身, 係個廳度大聲講野發出各樣噪音, 好嘈, 我都老公都冇覺好訓....3. 成日都招呼佢地d大陸親戚返黎屋企住, d親戚又係屋企食煙, 我地又唔出得聲....4.佢地兩老成日輪住霸住個洗手間, 如果我想去, 就要等佢地出黎, 立即衝入去先有得用.....5. 初一&十五唔準我地洗頭, 佢地話如果我地洗頭就=想佢地死.....6. 成日同我老公講, 話佢娶左老婆就唔想要父母....7. 成日想管住我同我老公, 成日襯我同老公出左街, 入我地房巡視, 又成日話我地間房混亂, 唔打掃等等.....唉.....其實好多問題我同老公都有同佢地傾過, 但反而比佢地話返轉頭, 話我地唔應該對長輩有意見, 有乜事都要遷就佢地, 佢地完全唔聽我同我老公既意見, 而家搞到連我老公都驚左佢地, 我同佢地更加係計都冇得傾)... .

因為有左bb, 所以暫時都搵唔到工做, 我同老公搬出去住既計劃又要順延, 唉....而家我日日係屋企對住6299, 真係好慘, 有時我都會返我媽度, 但因為地方太細, 都唔係咁方便成日返去....我曾經都有諗過如果唔係呢個時間有左就好喇....可能世事真係冇完美啦, 有陣時我都驚自己會有產前/後抑鬱, 但當我諗起肚入面既bb時, 我就會諗, 我一定要堅強d, 因為我想小b將來可以好似我一樣學會堅強. 我相信好既日子將會係前面等緊我........ 哈哈!

私人傳訊

irisang2007

男爵府

積分: 7737

3^#

發表於 07-9-21 23:28 |顯示全部帖子

KBmama & hannah616

好多謝你地既鼓勵, 為左小b, 我一定會努力撐落去.
其實有時我都好想同我老公呻我對6299既不滿, 但因為我唔想佢難做, 始終佢都係夾心人, 有d野就算同佢講, 佢都幫唔到d乜, 講得多, 又驚佢會覺得煩, 佢已經成日比我6299迫, 我唔想再比壓力佢, 但好彩係呢度可以同一班媽咪傾o下計, 同佢地分享一下自己既感受, 咁都可以令自己放鬆d.