單親天地

收藏本版
發帖
返回列表
跳至頁

首頁
1

尾頁
   0
chun199412


複式洋房

積分: 241


1#
發表於 14-5-6 02:12 |顯示全部帖子
媽咪想離婚 爸爸係文盲 我應該點做？
是咁的 媽咪由上年開始有離婚念頭，
佢離婚原因係不想再受爸爸帶來既壓力 ，
佢由我同哥哥出世之後個十幾年 都不斷比爸爸發惡時打打鬧鬧
受粗聲粗氣對待，搞到佢每晚訓教都會夢見爸爸動粗既畫面，每晚都會在夢中大叫 然後係夢中喊 而我係隔離房每晚都會聽到慘叫 個一刻非常痛心。
加上爸爸係從事第一級產業 即日出糧 又唔識字 睇信都要靠我地，佢完全無草錢既念頭 過住手停口停既日子 造成媽咪沉重既經濟負擔，而且我同哥既衫褲鞋文具99%都由媽咪出錢，媽咪不明白點解自己成為家庭經濟支柱。
仲有一個原因就係心理壓力 爸爸放工時間大約凌晨時間2-3點返屋企 每次返屋企都會整一整醒媽咪 又問東問西 唔答又鬧，搞到媽咪又驚又無教好訓，而媽咪係早上6點起身返工 無足夠睡眠。種種壓力令佢出現紅斑狼瘡既皮膚病 一緊張就會滿面通紅 紅得不自然 淨係睇中環個d皮膚科醫生已經洗超過十萬大元。
所以佢想離婚 佢已經單方面向律師行提出離婚 但要分居2年 直至現在還剩一年多。

再說爸爸既情況，爸爸係文盲，加上脾氣暴躁，中意賭波賭馬，佢未知媽咪真係想離婚。但係應該感受到少少，因為呢排媽咪每星期唔返屋企兩、三日 佢就發惡問媽咪去x左邊到 因為正常一個老婆點會唔返屋企訓。
你地可能想知媽咪唔返屋企訓去左邊，答案好明顯，就係去左第二個男人到訓。而爸爸係仲未知情的。呢加有個問題就係，我同哥都擔心爸爸面對離婚個一刻會點，有機會斬人，亦有機會唔比媽咪走，媽咪走個一刻我真係唔知點做好 ，點應付爸爸....

再講下我既睇法
我係一個岩岩完左DSE既學生 大我一年既哥哥最近靠自己努力去左日本讀書生活，變相少左個人同我一齊面對呢件事。對媽咪離婚我係贊成既，因為我唔想再睇到媽咪受苦，我意識到一旦媽咪有離婚既念頭 已經無得返轉頭。另一方面，失去老婆既爸爸 ，可能會變得悲慘，成五十歲先無左個老婆同家庭，一定會比爸爸既兄弟姊妹睇唔起，無面見人，加上唔識字 點樣生活落去。我預料佢地離婚後 我會同爸爸一齊住落去。但係有好多問題唔知點做好，想各位比比意見我。。。

1.媽咪直接同爸爸提出離婚，定係一走了之好？
2.假設媽咪提出離婚，而我在場，我應該點做？
3.萬一爸爸情緒不穩，我應該做咩控制場面？
4.媽咪提出離婚後，佢應該即日走定係繼續一齊生活到離婚手續完成？
5.媽咪係咩時候咩地方講離婚最好？
6.每次媽咪唔返屋企訓，爸爸返到黎都會整醒我，問點解媽咪唔返黎，又自言自語鬧媽咪死左去邊，搞到我都訓得唔好，我應該係呢段時間用咩態度去面對呢件事？
離婚真係對我好大影響 ，對將來我結婚，我既家庭，我既婚姻家庭組織思想都好大影響
希望大家幫幫忙。。。
私人傳訊

chun199412


複式洋房

積分: 241


2#
發表於 14-5-6 11:13 |顯示全部帖子
酸棗仁 發表於 14-5-6 04:32
你老"豆", 似乎好被動喎!
(不是老竇, 真正嘅老竇係"竇燕山", 有五個仔仔, 全部都....., 所以, 稱自己老竇 ...
首先，多謝你既意見
我每晚確切聽到媽咪大叫 成間屋得一女人 大叫既聲音係女人聲 難道是鬼叫嗎？

另外，我寫第一級產業 係唔想講爸爸份工作名 係想為佢留返一些面子 尊嚴。而爸爸係因為即時出糧 加上佢冇文化 冇草錢既思想 從來不用銀行去草錢 只會不斷入錢到馬會 佢工作生活不需要對人禮貌 唔識去了解人感受。試問 一個男人唔草錢，唔識去美化一個家庭 唔識去體諒老婆 ，佢既老婆又點會去願意跟佢？？？這還與婚姻無關？

不論一個人有冇錢 有病唔去睇醫生 代表呢個唔識諗。
我媽咪係試過睇普通西醫中醫 睇過無效先搵貴既醫生
而中環既醫生 需要佢比整個療程費用先 所以一次性比左十萬多元 一個生活左半生既成年人 正常會草錢 為將來打算 十萬元係一個近五十歲既人身上出現 就代表佢有米？
一個人有冇米 你點樣評估到？
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見