自由講場今日: 172|主題: 1304043

收藏本版

發帖

返回列表

跳至頁

查看: 17263 | 回覆: 9

教練經驗不足錯判傷勢，導致小朋友延誤診治［長文慎入］

[複製鏈接]

mamaflo

洋房

積分: 39

1^#

發表於 20-5-24 20:36 |顯示全部帖子 |倒序瀏覽 |打印

早前小朋友喺銅鑼灣中央圖書館附近，TXX上跆拳道，完堂時意外跌斷左手。受傷後教練幫佢做簡單first aid（敷冰同噴止痛劑)，叫嫲嫲帶佢回家休息。

離開後，兩老無力揹亞仔回家，及後由老公送阿仔入院。我立刻打俾教練問情況，佢先情況嚴重，話check返CCTV再回應。我同佢講小朋友隻手，連同手指郁唔到。而且小朋友受傷後，係必須即時通知家長，唔係家長通知對方。

睇條片係小朋友意外跌親，明白係意外。事發時佢踩上張墊度，有個師兄整緊啲equipment，佢嘗試去攞，師兄避開就失足跌倒。當時教練同嫲嫲根本睇唔到過程。而且CCTV影唔到佢跌喺死角位的情況。

睇完X-Ray，佢隻手唔止斷骨，因為骨折舊骨打橫左，推開另一條骨甩埋骹。
醫生話呢個傷勢係即時造成。我send咗張X-Ray俾教練。佢問候兩句，之後同解釋當時未夠仔細同小朋友檢查，會好好檢討，日後會小心處理。

第二日同我講啲堂hold住，我直接講小朋友唔想再上，佢好驚再受傷，但對方嘅回覆真係令到我好唔舒服。
話小朋友玩嘅時候唔夠腳力平衡，所以跌倒，鼓勵佢要練身手靈活。好返後再去館到同佢傾下計，練好體格。叫我鼓勵小朋友，繼續上埋餘下嘅堂，要佢學堅持。又話要學習面對困難，如讓他退縮，將來再遇困難就會逃避，是個不良的影響。

受傷絕對係意外，之後嘅處理手法令我好懷疑教練嘅專業。小朋友跌斷手同埋甩骹，竟然檢查唔到？一位跆拳道教練，教授高危嘅運動，面對好多學生受傷嘅情況，難道每一次處理都咁輕率？低估小朋友受傷嘅程度？而且他受傷後亦冇通知家長，做法極不妥當。更加妄下判斷話小朋友靈活度唔夠先受傷？

對方為咗避免責任，強調報名時我已簽咗免責聲明。表示已諮詢法律意見，佢哋嘅中心有足夠保護設施，小朋友係監護人照顧下，自己跌傷。嫲嫲全程坐喺門外面等，又點叫照顧呢？再者教練嘅疏忽，係錯誤判斷傷勢而非受傷嘅過程。

依間跆拳道館主要學生係小朋友同埋幼兒，如果考慮學生嘅安全，係咪應該為佢哋買第三者保險？為學生提供基本的安全保障呢？

今次分享嘅經歷，希望提醒各位爸媽要謹慎為小朋友選擇跆拳道館或其他活動中心。唔好忽略中心及小朋友嘅安全保障。另外受傷後嘅處理方法，比起受傷嘅過程更重要。