時政擂台今日: 15|主題: 60089

收藏本版

發帖

返回列表

跳至頁

查看: 6923 | 回覆: 3

積分: 54189

2018復活節勳章畀面勳章 BK Milk勳章

1^#

發表於 19-11-25 11:56 |顯示全部帖子 |倒序瀏覽 |打印

1. 68歲伯伯人生第一次投票，主持問點解，阿伯開始痛哭：「因為中大同理大囉，我同老伴去投票，佢睇見理大好似打仗咁睇到喊。我哋老人家衝又衝唔得，走又走唔得，憑乜嘢啫，咪一張票囉。（繼續痛哭）年輕人為乜啫？為我哋生活自由，要拋棄自己生命、尊嚴同前途。我要政府妥協，判佢哋無罪釋放。」主持問佢對選舉結果安慰嗎，阿伯嗚咽幾秒先講到嘢：「係呀。」

2. 44歲阿叔以前係淺藍，721後黃到發金，「冇可能容忍黑社會同警察勾結，民建聯當日支持修例，我投票係要槍打出頭鳥。李慧琼一陣出來不用辭職，我係要佢解散民建聯，但我多謝林鄭月娥團結所有香港人。」

3. 有個北區圍邨阿叔的當區區議員一向自動當選，今屆有個後生仔參選，會入村同佢傾計，佢同兩個深黃兒子都投票畀佢。「但我反而擔心，明年立法會選舉，佢哋會令選舉更不公義，例如用配票，我希望民主派議員諗好策略。」

4. 有個師奶以前有投票，但對任何政黨冇立場，呢六個月明白警暴同催淚彈令所有香港不能再獨善其身。「你哋咁樣整治我哋年輕人，我真係好心痛。我希望當選議員要求林鄭成立獨立調查委員會，徹查721同 831查警暴。」

5. 有個阿叔聲音哽咽，話呢幾個月絕望到即使自己對參選新人毫不認識，都要排一個鐘隊投票畀佢。「我只係好痛恨嗰班人助紂為虐，呢個係香港人的勝利，我希望新任區議員同理大校友攜手救返理大裡面啲後生仔。」

6. 有個男人住元朗水邊，終於等到人挑戰自動當選多屆的區議員，「你做得出打市民，就預了比市民兜你走，所有警暴不能容忍，獨立調查一定要做。五大訴求，缺一不可，願榮光⋯⋯」然後激動到講唔落去。