吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 好鬼死嬲......嬲到喊!!!!!

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2635 | 回覆: 26

[2008年] 好鬼死嬲......嬲到喊!!!!! [複製鏈接]

KUROMI-BB

子爵府

積分: 12600

1^#

發表於 08-12-3 16:13 |顯示全部帖子 |倒序瀏覽 |打印

好鬼死嬲呀......嬲到我喺工司都流眼淚!!!!!

好長篇.....唔好意思,俾我講晒出嚟發洩吓啦!!!!

話說約1個月前有一日我工人要去一去移民局,原本可以叫我媽媽嚟睇寳寳豬一日,但佢咁啱整親條腰,於是就叫2姑9上我屋企湊寳寳豬啦,所有安排好,原本雙安無事......

.....嗰朝返到公司唑定冇幾耐,d電話就嚟嘞.......係我媽媽,原來佢哋走咗去我屋企諗住同寳寳豬玩,預先又唔講聲

,點知摸門釘。我話2姑媽應該係度湊緊寳寳格......點知原來佢帶咗寳寳豬返佢屋企

,少於10分鐘車程,本來冇所謂,但第一:可唔可以話聲人哋亞媽我知先呢,第二:其實我2姑9成日俾d危險玩具寳寳豬玩嫁,佢俾過一個入咗一粒約1cm直徑珠仔嘅樽俾寶寶搖,但個蓋係好易開倒,寳寳吞咗就唔知點算

!!!!喺佢屋企就真係俾乜寳寳豬玩都唔知!!!!!我係叫你嚟我屋企凑呀,無la la帶走人個仔呢.......又唔知有冇執齊臭豬寶d日常用品及食品。我當時嬲到爆

,又唔發得脾4,於是好聲好氣打去問佢,佢又話3姑9尋晚去完北京返嚟想見隻寳,叫佢帶寳寳豬出去同佢飲茶。第一:去飲茶你由我屋企直接帶佢出去咪得囉,因乜解救要帶返你屋企先呢,根本佢就等咗e個幾會好耐,密謀要帶我個仔去佢屋企玩一day!!!!第二:兩個姑9私底下自己商量帶人哋個仔周圍去都得嘅......唔洗話聲俾我知嘅,寳寳豬係我個仔....唔係你哋個仔呀!!!!!

仲有......................

0 0 0

私人傳訊

KUROMI-BB

子爵府

積分: 12600

2^#

發表於 08-12-3 16:25 |顯示全部帖子

..........就因為咁,我懶cute咁當係我個仔出咗個e-mail send晒俾佢哋,內容如下:

喂喂...........以後大家想嚟同我玩時,煩請起碼早一晚打電話話聲俾我媽媽知吖,以便於安排嘛..........今朝公公婆婆冇預先講聲就走咗過嚟,二姑媽又湊咗我去佢屋企度,三姑又話要同我出去飲茶呀!!!...........人紅就真係........heeee.............

同埋最多喺樓下商塲飲吓茶好喇,唔好離開屋苑範圍住啦,等我再大個D先啦!!!唔該晒!!!!

我好歡迎大家嚟我屋企同我玩嫁!!!!......(^_^)P

咁之後都冇乜嘢,各人照常咁上下就自己走嚟同寳寳豬玩(我屋企十足冇掩雞籠!!!)......當然照舊冇預先講聲,不過冇帶寳寳豬周圍去就算啦!!!

係有一次我daddy又話要同寳寳豬出去飲茶,我話費事俾人話我唔公平,都係喺樓下飲好喇,後尾佢哋都有听話!!!

仲有..........

私人傳訊

KUROMI-BB

子爵府

積分: 12600

3^#

發表於 08-12-3 17:04 |顯示全部帖子

.......到今日......我daddy, mommy&家姐又自己走咗去我屋企,到咗先打俾我話要同寳寳豬出去飲茶,我話唔好喇,無謂俾d姑9話我厚此薄彼嘛,佢哋話夾埋工人唔講咪得囉,我話你咪教識我工人講大話,下次d姑9帶走寳寳豬又夾埋扼我,收線時佢哋應承咗,話喺樓下飲算喇!!!!

之後我8掛打電話問佢哋玩緊乜.....點知佢話行緊街,我話"你哋走咗喇咩?",佢話未,跟住講咗第d嘢,話寳寳飲完茶瞓緊覺,我再問佢哋喺邊行街,佢話喺商塲,我話我哋個商塲邊有嘢行(因為好細嫁咋),佢就終於話:"係呀......出咗去呀......工人喺出面推住寳寳瞓緊,我哋shopping緊!!!我哋好誠實

嫁,你工人話去啦去啦.....好悶呀,出去行街啦!!!"

真係火都嚟.......明明應承咗唔去+嘛....仲要懶咗我個工人話去,仲話好誠實話番俾我知.......真係吹漲.....明明自己想行街,又要嚟玩我個仔,搞到我個仔要喺街瞓!!!!!

仲大條道理叫我咪咁緊張!!!!!!

真係嬲到爆!!!!!

d眼淚即時標出嚟,佢哋係"哈"我返緊工冇辦法,佢哋可以為所"肉"(嬲得滯唔記得咗點寫!!!)為!!!!我真係好想自己喺屋企凑個仔呀!!!!

其實由我個仔出世之後,所有親戚都係咁,簡單d講就係唔俾我用我嗰套去湊個仔......個個都一大堆意見,而且唔單只齋講,仲要格梗嚟先斬後奏......激到我唑月都喊咗幾次

!!!

我知佢哋個個都好我個仔(係真係好好!!!),我3姑9同我家姐仲話:"鬼叫你個係咁得人鐘意,怨就怨你生得個仔咁得意啦!!!".......真係唔知好嬲定好笑

!!!!

我淨係想講一句,e個係我個仔,可唔可以听我話,俾我用番自己嗰套嚟湊我自己個仔呀???!!!!!!

私人傳訊

KUROMI-BB

子爵府

積分: 12600

4^#

發表於 08-12-4 10:28 |顯示全部帖子

睇咗你哋d回應真係舒服好多......多謝晒

!!!!好彩仲有咁多媽咪明白同支持我!!!!!

Allyly, 我同你諗法一樣......唔洗搭車去就冇所謂,如果去遠地方就一定要我或爸爸帶至安心囉!!!!

原文章由 Allyly 於 08-12-3 18:37 發表
睇完, 我都好明白你! 因為會好擔心佢地唔知會唔會帶o左bb 去d 危險的地方! mouth: 婆婆都會唔問我帶阿b 去街, 不過一定帶bb 車同埋只限於同區, 唔可以帶bb 坐車去遠地方! 我諗如果婆婆唔問我, 帶o左bb 出去第二區, ...

私人傳訊

KUROMI-BB

子爵府

積分: 12600

5^#

發表於 08-12-4 10:44 |顯示全部帖子

係囉.....唔知點解d老人家硬係要咁!!!

之前我媽媽同我講,叫我叫工人喺寶寶豬d粥仔度+鹽,佢話食d鹽個人先有力喎,我話咁細個盡量唔好食鹽啦,食澱粉質已經夠產生能量,咁細個又唔洗拓泥,而且我覺得我個仔都唔知幾大力,尤其係我老公夾硬攬住佢嗰陣,佢就會好大力咁推開佢嘞

!!!

點知尋日佢私底下叫我工人要落d鹽落d粥仔度

,好彩我工人話番俾我知,跟住我工人話少少冇問題,咁我就話:"NO!!!!! I said NO!!!!!

教壞晒我工人......俾佢激到啤一聲!!!!!

原文章由 shatinese 於 08-12-3 19:07 發表
超級明白你的心情+超級認同個point!!!!

我99係朝9晚7係我家控制我個b, 雖然我每天返工前都會ready好bb食粥的材料比工人姐姐, 但99總是要有佢個套, 要bb食肉唔食菜(怕涼!), 帶bb出街唔出聲話佢又唔高興, ......., 昨 ...

私人傳訊

KUROMI-BB

子爵府

積分: 12600

6^#

發表於 08-12-4 11:09 |顯示全部帖子

唉.......講到我工人.......其實佢係我姑9過檔俾我嘅,佢之前喺我姑9度做咗16年,所以所有親戚朋友其實都熟晒,好似一家人咁,抱括我屋企嗰邊。佢同我嘅關係似係一個長輩朋友嚟幫我手多過顧主關係!!!!所以好難搞!!!!

所以d姑9同我daddy mommy講嘅嘢佢係唔好意思逆佢哋意嫁,我之前已經講過有乜都要話我知,但我d姑9有時會直接話我老公知,其實我老公都唔鐘意佢哋帶寶寶周圍去,但嗰d係佢家姐,又好難話唔俾,所以就搞成咁囉!!!

我尋晚返到去已經再3講:"No next time......don't let it happen again!!!!"佢都仲要話其實ok吖,我再話:"NO....I said NO is NO!!!!!"

原文章由 karenPC 於 08-12-3 23:47 發表
你嘅經歷我都行過, 我都幾認同shatinese 嘅YOU ARE NOT ALONE.
反而我覺得你工人有點兒那個, 佢有責任睇住bb, 依家係你請工人返嚟, 唔係你家姐or 其他人, 佢應該聽你order, 如果你姑9 想帶bb 出去, 工人應該第一時間 ...

私人傳訊

KUROMI-BB

子爵府

積分: 12600

7^#

發表於 08-12-4 11:21 |顯示全部帖子

之前我未請倒工人,成日要佢哋嚟我屋企幫手,所以佢哋已經習慣咗自由出入我屋企,又好難話e+唔洗人幫手就唔俾人嚟囉!!!同埋其實我同d姑9d關係好好好好嫁,而且佢哋都真係好鬼死我個仔嫁!!!

我工人尋日同我講:"Is ok la...they love this boy ma!"
我話:"I know, but they can't do whatever they want because of this reason!!!"
跟住工人話:"You may hurt them if you don't let them do that."
咁我即刻話:"But they are hurting me now!!!!!!"
我工人即時無話可說!!!!

原文章由子霖於 08-12-4 00:08 發表
睇完... 好明白你感受...
個時大仔係99度又係咁,無問過我帶佢周圍去,有2次仲出埋海tim
我係佢亞媽,都唔知自己個仔去左邊
當知到之後,當然好嬲la,真係好嬲

之後生小b,我地搬近左,亦請左工人,因99揍唔掂,以後99黎我家 ...

私人傳訊

KUROMI-BB

子爵府

積分: 12600

8^#

發表於 08-12-4 11:58 |顯示全部帖子

我唔係唔俾佢哋帶寶寶豬落街喎,之前佢哋成日同我個仔落樓下飲茶同落公園玩(我工人日日都有帶寶寶豬落公園晒太陽同吸新鮮空氣嫁),我都完全冇問題喎。我唔覺得落樓下同出遠d對於我個仔嚟講係有分別囉!!!

因為如果樓下,我工人會跟埋睇住,但如果佢哋帶寶寶豬出去係唔會帶埋我工人去嫁,咁佢哋就點搞都得,做咗乜又冇人話番我知。d姑9成日喺我面前都俾糖我個仔食嫁,次次都俾我喝停嫁,跟住佢哋仲會話:"e個媽咪咩都話唔得嘅!"又話:"唉...媽咪,唔好咁囉嗦啦!"第日我個仔大個d識听真係唔知點算!!!唔喺我面前我就真係唔知會俾d咩佢食囉!!!

講都講過晒喇,佢哋都知.......但唔會明白囉!!!佢哋唔覺得佢哋有問題嫁,佢哋係覺得我有問題呀!!!!同埋佢哋唔會不滿唔嚟睇寶寶嫁,佢哋會笑笑口"hou"我返咗工自己又走嚟嫁喇!!有次我媽咪哋激嬲咗我,我叫佢哋一個禮拜唔好嚟睇寶寶喇,點知佢打俾我老公話要嚟呀

.......咁個女婿冇"奶油"唔俾佢哋嚟假!!!!

有次我個2姑9嚟探寶寶,帶咗樣玩具嚟,我放工返到屋企,連我工人都話唔適合寶寶豬玩,有危險呀!!!我只好話收埋佢,但唔好俾2姑媽知囉。我之前都有同佢講過話呢d玩具危險,但佢一句話"唔怕"。我知佢兩個仔都係咁大,所以佢覺得係冇問題嫁。但e個係我個仔,而且我係等咗佢7年至有嫁,我唔打算賻囉!!!!!

原文章由 bosch 於 08-12-4 07:46 發表
個 main point 係咪唔想其他人帶走BB 唔通知一聲? 仲要係你地信唔過既人? 加上佢地講大話?

我阿媽帶BB 出街冇通知我, 多數響屋企附近, 試過一次過海. 我覺得冇問題, 俾BB 出去吸收下新鮮空氣和陽光, 仲有接觸多d ...

私人傳訊

KUROMI-BB

子爵府

積分: 12600

9^#

發表於 08-12-4 12:00 |顯示全部帖子

因為e d係我嘅心底說話!!!!

原文章由 Allyly 於 08-12-4 11:37 發表

答得好絕!

私人傳訊

KUROMI-BB

子爵府

積分: 12600

10^#

發表於 08-12-8 10:43 |顯示全部帖子

Thank you.........星期日佢哋冇人敢嚟

!!!

原文章由 灝灝B 於 08-12-4 12:09 發表
我62咁霸道﹝霸住林林唔俾返屋企﹞都唔敢帶我個仔4圍去ar！去邊度都會預早同我講or約埋我一齊去，因為佢哋明白，咁細個BB去人多地方會有一定危險，同埋接觸細菌機會會大增ga ma！

雖則佢都好想《曬》孫，但就唔會如似你班屋企人咁囉 ...

私人傳訊

KUROMI-BB

子爵府

積分: 12600

11^#

發表於 08-12-8 10:47 |顯示全部帖子

咁好彩我老公係企喺我嗰邊,佢會"氹"番我嫁

!!!

原文章由 Forever@Friends 於 08-12-4 15:50 發表
睇完之後真係好似自己, 感同身受！

其實你既情況同我既差不多, 只不過我冇咁多親友"自出自入", 我媽咪一定唔會帶bb出街, 佢都話唔好成日帶出街, 否則bb習慣左第日會扭去街, 而且佢更加未試過自己跟bb玩 ...

私人傳訊

KUROMI-BB

子爵府

積分: 12600

12^#

發表於 08-12-8 10:49 |顯示全部帖子

佢係咪有病???教壞只需1秒,教好個b"慢"吓手要10年嫁!!!!!

原文章由 Forever@Friends 於 08-12-4 15:53 發表
有一日仲嬲, 99話寵壞孫係嫲嫲既專利, 要教好係由佢父母去教.......... 你話嬲唔嬲呀唔幫教好不得只, 仲話要寵壞等我教, 吹漲 :-( :-( ...

私人傳訊

KUROMI-BB

子爵府

積分: 12600

13^#

發表於 08-12-8 10:51 |顯示全部帖子

佢係咪有"莽"想症,記錯咗個b個佢嫁???

原文章由 karenPC 於 08-12-4 16:04 發表
尋日我姑9 又嚟料啦:
我尋日同老公帶BB 去街, 去到夜晚9點先返屋企, 佢竟然嬲我哋, 因為我哋帶BB 出街, 冇話佢聽, 真係幾好笑, BB 係我哋嘅, 又唔係佢嘅, 佢又當咗BB 係佢咁. 依家佢仲嬲緊我哋, ...

私人傳訊

KUROMI-BB

子爵府

積分: 12600

14^#

發表於 08-12-8 10:53 |顯示全部帖子

"唔該其他人唔好咁多事啦!".........agree!!!!

原文章由 老鼠仔 於 08-12-4 16:59 發表
睇完晒你地d 經歷, 比我都激c, 佢地真係好過份, 好彩我c6都可以話下事, 奶奶0個邊d人唔敢亂黎, 不過我都成日會聽到d:佢媽媽成日乜都唔比bb食呀, bb好慘呀....等等.......
有時聽到都火架, bb係我既, 唔該其他人唔好 ...

私人傳訊

KUROMI-BB

子爵府

積分: 12600

15^#

發表於 08-12-8 10:56 |顯示全部帖子

又唔關個工人事噃......佢好我個仔嫁,同埋佢都凑得幾好同啱我心水嫁!!!

原文章由 bosch 於 08-12-4 22:14 發表

個2姑9真係絕貨!! 我都好憎呢人, 明明自己有錯仲要反話係人地既錯!!

如果交去托兒所去睇得唔得呀? 話晒果度應該唔會亂咁交個BB 俾人. 不過咁又一筆開支, 可能要炒左工人. ...

私人傳訊

KUROMI-BB

子爵府

積分: 12600

16^#

發表於 08-12-8 11:01 |顯示全部帖子

我都"雪"咗一吓.........好痛呀,媽媽!!!!!
佢有冇喊呀???

原文章由 Allyly 於 08-12-5 13:02 發表

係呀, 睇唔倒既時候咩都可以發生, 呢張相係我尋晚去婆婆度睇bb 時影既.... 點發生我唔想講喇, 總知就係人為既啦! 心都痛! (由塊面落到去下巴)
http://i89.photobucket.com/albums/k223/allylok/1204_205320.j ...

私人傳訊

KUROMI-BB

子爵府

積分: 12600

17^#

發表於 08-12-8 11:11 |顯示全部帖子

"基本尊重都無!".....呢句啱听!!!!

你同佢哋講流感係冇用,佢哋會話:"咪咁緊張啦媽咪,接觸多d細菌至會產生免疫力+嘛!!!"........不過某個程度上我都認同嘅。

你話d真實個案(意外)俾佢哋知,佢哋只會即時話唔會咁做,不過之後就唔記得,又或者唔會做d一模一樣......但會做d類似但佢又唔知有同樣危險性嘅嘢嫁!!!所以係嘥氣!!!