自由講場

收藏本版
發帖
返回列表
跳至頁

首頁
1

尾頁
   0
嵐嵐mimi


大宅

積分: 3640

醒目開學勳章


1#
發表於 09-11-10 10:13 |顯示全部帖子
我個女係一個脾氣差, 硬頸, 成日同我玩對抗既人, 我每日都要又打又鬧佢至會去溫書、食飯、沖涼、訓覺, 每一樣野都唔會叫一次就去做, 一定要講到又打又鬧, 喊晒至去做…..由於我自己、老公 & 我阿媽都覺得再係咁打同鬧都唔係辦法, 佢都係唔聽, 所以我已經採取, 佢一發脾氣, 我都唔會理, 由得佢嘈, 同發癲, 之後發覺由佢嘈多兩嘈, 佢就會當冇事發生, 走過黎同你講野

阿女今年讀小一, 學校有好多網上功課同遊戲, 基本上, 每日都要做既就只有
“每日一篇”, 佢太鐘意上網玩學校俾既遊戲同練習, 所以我每日放工返到屋企, 佢就第一時間同我講話要做, 因為佢想每日都攞到第一名, 而我自己每日都希望佢做左自己既功課同溫左默書先, 每次我話要佢做晒功課 & 溫好默書就可以做網上功課, 佢就次次都發脾氣, 話要做左網上功課先, 當然, 我係唔會妥協, 佢就會開始發脾氣。尋日又係咁, 咁岩我阿媽又係屋企, 佢就話我太執著, 俾佢做左先都得, 不過就係因為我知道, 就算俾佢做左
“每日一篇” 之後, 佢都唔會放手, 佢只會想做埋其他練習, 所以我一定要佢做晒d應做既家課

真係我太執著???
私人傳訊

嵐嵐mimi


大宅

積分: 3640

醒目開學勳章


2#
發表於 09-11-10 12:13 |顯示全部帖子
原帖由 tammy2008 於 09-11-10 11:17 發表
唔係呀~ 妳做得好好喎 ~

妳放工係咪已經好夜? 佢其他功課都原封不動地等妳放工先做的嗎?



小朋友真係唔好俾佢地扭慣, 第時有排家長受 ~

努力呀 ! ...



其實我都幾早放工嫁, 基本上每晚 6 點半都一定返到去, 而佢自己都會係我返到屋企之前做晒d功課, 除非係唔識做啦, 不過我一返到去, 都要睇功課, 而且佢寫字好似打風咁, 成日都要擦左再寫過 (本來想唔擦, 不過老師話家長一定要擦, 要佢地寫靚d), 而且我屋企仲有個歲半既仔, 佢好痴我, 我一返到去, 佢就痴到實, 一邊要同個仔玩下, 一邊又要去睇佢d功課, 基本上都攪到 7:30 左右啦, 咁工人姐姐就會煮飯, 大約7:45 - 8:15 左右就會開飯, 要睇下姐姐煮幾耐, 個女食飯又食得慢, 要食成個鐘, 攪到d時間根本唔係好夠用, 9:30 又話要上床訓啦

每日都攪到我好緊張, 我成日都希望佢拿拿聲攪掂d野, 希望係 9 點左右做好晒, 咁佢都有半個鐘時間玩下

但佢就成日攪對抗, 真係好煩........
私人傳訊

嵐嵐mimi


大宅

積分: 3640

醒目開學勳章


3#
發表於 09-11-10 12:20 |顯示全部帖子
原帖由 cy101 於 09-11-10 12:17 發表


會唔會呷弟弟醋?


我諗唔多唔少都有d, 不過佢就好鍚細佬, 但係佢就好羨慕細佬淨係玩, 可以唔駛做功課 & 溫習.....
私人傳訊

嵐嵐mimi


大宅

積分: 3640

醒目開學勳章


4#
發表於 09-11-10 14:07 |顯示全部帖子
原帖由 joey_23 於 09-11-10 12:34 發表
我建議你叫工人姐姐提早煲落飯,湯,準備好配料先,到你返黎先落鑊抄,煮,蒸...等等,叫工人姐姐掌握在特定時間晚餐,那就會容易控制!小朋友食飯食得慢這一點,如果在一個鐘內完成,基本上對佢地來講係健康既,超過一個鐘就令 ...


我成日都同個工人講要早d食飯, 最好就到7:30 - 7:45, 講一次佢先做一次, 唔講個日, 佢又係遲, 有時講左都係做唔到, 我屋企又唔係日日要整"九大鬼", 成日係屋企都叫佢早d整定d送, 咁咪可以早d食囉.....佢又係唔聽, 次次都係等到我返黎至洗菜, 煮飯, 真係講極都唔聽嫁........

私人傳訊

嵐嵐mimi


大宅

積分: 3640

醒目開學勳章


5#
發表於 09-11-10 14:12 |顯示全部帖子
原帖由 joey_23 於 09-11-10 12:34 發表
我建議你叫工人姐姐提早煲落飯,湯,準備好配料先,到你返黎先落鑊抄,煮,蒸...等等,叫工人姐姐掌握在特定時間晚餐,那就會容易控制!小朋友食飯食得慢這一點,如果在一個鐘內完成,基本上對佢地來講係健康既,超過一個鐘就令 ...


你講得好岩, 依家當佢發脾氣既時候, 我都係採取唔理佢既態度, 過一陣, 佢又會當冇事發生走黎同你講野, 我都知自己有好時都好唔冷靜, 佢一唔聽話, 我就想鬧佢, 我 d EQ 真係越黎越差.....

等我都試下同佢坐低傾下個時間表, 等佢知道邊個時間可以做網上功課.....其實佢依家都有一個時間表嫁啦, 不過就冇寫明做功課既時候係做D乜, 依家咁樣, 我都係同佢協議左先, 睇下佢做唔做到.....有時鬧完佢, 都真係有D心灰意冷嫁, 攪到自己真係唔識點教女好
私人傳訊

嵐嵐mimi


大宅

積分: 3640

醒目開學勳章


6#
發表於 09-11-10 14:17 |顯示全部帖子
原帖由 Ivyyim 於 09-11-10 14:09 發表


係啦, 我都唔明, 點解小朋友寫字唔靚, 要家長來擦.
係都由小朋友來擦...而且小朋友剛學寫字尼幾年, d字都沒定性, 都沒有自己風格..
對小朋友真係有d打擊...
想佢寫得靚..不如多寫...好似英文抄寫本咁....國內都係 ...


老師都係建議家長們要擦功課, 家長會個時話, 功課一定要靚, 不過考試個時就一定要快, 當然快得黎, 都要睇到個字係寫得岩既......如果個女寫得好少少, 我都唔會擦, 而且仲會讚佢寫得好添, 仲同佢講下笑 "乜今日學校冇打風咩", 但係有時, 真係成個字斜晒, 英文字又出晒界, 咁都要佢再寫過嫁啦.........
私人傳訊

嵐嵐mimi


大宅

積分: 3640

醒目開學勳章


7#
發表於 09-11-11 08:59 |顯示全部帖子
尋晚佢又好少少, 佢知道自己要做晒功課至可以做網上功課, 冇再同我拗, 可能就係前一晚佢做晒功課之後, 就衝左去做網上功課 & 練習, 就攪到尋日唔記得帶四方紙, 又有一樣功課原來係未做既 (因為個樣功課學校係冇叫佢地寫係家課冊, 所以如果佢唔講, 我係唔會知有呢樣功課), 咁我當然係串佢啦, "抵死啦, 成日顧住做每日一篇, 攪到乜都唔記得晒, 我都講左叫你做好晒d野, 執好晒個書包, 就可以去做網上功課, 你就求求其其, 咁好啦, 依家乜都唔記得晒, 等你返到去俾老師鬧都好", 佢睇落好唔開心, 可能就係咁, 我尋日返到去, 佢就同我講做晒d功課就可以做網上功課.....而我尋晚都盡量去控制我既情緒, 唔好又打又鬧....希望可以維持耐d啦........
私人傳訊

嵐嵐mimi


大宅

積分: 3640

醒目開學勳章


8#
發表於 09-11-11 09:36 |顯示全部帖子
原帖由 november11 於 09-11-11 09:29 發表
點解你地可以咁仁慈對d細路 ?
駁咀 ? 同我發脾氣 ? 無可能

我會 "置諸死地而後生",
一駁咀, 發脾氣, 我會唔比佢做網上功課

用老師黎大我, 唔會有用,
我會同佢講你唔交功課, 老師問責, 你可以照講"呀媽唔比我做", ...



有一日我真係嬲都爆炸, 個日我真係冇俾佢做, 因為 "每日一篇" 係唔可以做番之前個日既, 所以個個小朋友每日都有做, 係佢有一日冇做囉.....
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見