原帖由 kitwong 於 10-7-6 16:35 發表
最近老豆食唔到野，每餐只食到四份一，差唔多有一個月，上星期五外展醫生去睇佢，話收佢入院檢查 ...
之前我地一路都有問外展醫生幾時去，佢一路都比唔到日期我地。琴日晨咁早打黎搵我要我陪老豆入院，但我未起身，搵唔到我，姑娘就搵左亞媽陪老豆入院 ... 問題就係呢度
醫生星期五去睇完佢以經寫左紙安排佢入院，老人院姑娘完全冇通知我老豆星期一要入院，星期六我落老人院交錢，姑娘亦冇講比我聽老豆要入院檢查 ~ 叫佢幫我地問外展醫生出信比社署幫老豆買輪椅，又冇問，老豆隻杯裂哂又唔出聲，老豆跌親又唔同我地講，姑娘整親老豆又話老豆唔小心整到，唉 ...
原帖由 kitwong 於 10-7-9 12:48 發表
前日我落去同佢講，佢話不嬲都有餵佢 ~ 講真，我真係唔信，佢成日話要比佢自己試吓食，佢隻手冇力，食食吓佢就唔多想食
以家老豆要用凝固粉，我問老人院佢地話冇，要我地自己買，我問番醫院姑娘佢話老人院實有，佢仲話比佢拎埋出院番去用 ~ 點知琴日出院冇拎到，琴日我行左幾間藥房先買到，我見老豆杯水係落左凝固粉，即係話杯水係醫院度拎番黎，但醫院姑娘話落左粉既水唔可以放咁耐，放得耐會變番水，唔知今日同佢換左杯水未呢
講真，有好多野我都冇出聲，唔出聲唔係代表我滿意，老豆跌親整親冇人通知我，最過份係佢地整親老豆，就打黎話我聽老豆自己整親，試過有次姑娘打黎話老豆自己整親，到我落到去另一個姑娘自己講佢整親老豆，佢地係小做小錯，唔做唔錯，最好就唔好煩到佢地，唔好要佢地幫手做咁多野 :;pppp:
雖然我地送左老豆入老人院，但唔代表我地唔關心佢，我地係照顧唔到佢先送佢入去，如果可以自己照顧佢既亞媽一定唔肯送佢入去
老豆入院個日亞媽自己同醫生講左話想幫老豆申請買輪倚，醫生通知左社工幫佢申請。前日我打去福利署問可唔可以申請補助金買凝固粉，佢叫我去醫院搵社工，咁我再過醫院搵社工，我多口問邊度申請政府買位既老人院，睇怕老豆都唔合資格，原來申請政府買位既老人院係要個老人家行得幾步先合資格申請，老豆都行唔到，即係申請唔到，社工話可以申請護老院，但排既時間長 d ，大約要 5 年，以家等半個月會有醫生去老人院同老豆做評估，再多半個月就有結果合唔合資格，有結果會通知我，亞媽話同佢排住先，唔知到時等唔等到
原帖由 kitwong 於 10-7-9 13:04 發表
師父 , 如果有得投訴我一定會，但老豆係度住，我怕投訴完佢地唔知會點對老豆，其實呢間都唔平，連埋尿片要六千幾，如果我地有能力一定同佢轉院，但我地問過其他幾間，老豆要全護理會好貴，差唔多要七 , 八千蚊，仲有好多什費，所以我地放棄同佢轉院
亞哥知老豆入左醫院，前日我打比佢叫佢去睇吓老豆，老豆入左老人院都有兩年幾，佢只係去過一次，果次係老豆出院我地要搬 d 野上老人院比佢，得我同亞媽，又要湊住熙熙，又要推架輪倚，仲有兩大個膠箱同幾他野，要我同亞媽發哂脾氣鬧佢先肯同我地一齊拎野上老人院，只係去過果一次，之後就影都冇
老豆以家仲瘦過我，亞媽都話老豆咁唔劑得好耐，我地成日想亞哥去老人院睇吓老豆，但亞哥就影都冇
我亞姨仲衰，有時見亞媽對我好，成日講 d 說話好似想亞媽同我鬧交，亞媽同另一個亞姨講，以家多數係我去老人院睇老豆，好彩有我幫吓手唔係佢都唔知點算，d 人心地真係唔多好 :;pppp:
原帖由 kitwong 於 10-7-13 03:14 發表
今朝單野亞媽以經唔多滿意，唔知係咪唔夠訓亞媽有 d 火
返老人院要經過條樓梯先入到去，落車後我同熙熙入去搵姑娘出去抬老豆，入到去有個姑娘傾緊電話，亞叔叫佢幫手後上左上面果層搵多個人落黎幫手，因為要三個人先抬到，你有你叫，呢個姑娘繼續講電話冇理我地，我就係度等亞叔，等等吓見到亞媽行入黎，亞媽見到姑娘仲坐係度傾緊電話即丙佢
果度有個女人日日都去，初初我以為佢係度做，原來唔係，係佢亞婆係度住所以佢日日都會落去照顧佢，下晝四點幾佢就去，到夜晚九點幾先走 ...
攪掂完老豆我同佢傾計，佢都覺得以家呢兩個新姑娘唔掂，因為佢日日都係度，睇到好多野，佢同我講姑娘成日鬧我老豆，我地係到就一個樣，走左又另一個樣，佢話睇到化哂，唔係佢都唔使日日落去幾粒鐘
佢仲同我講之前見過姑娘幫佢亞婆換完屎片後拎佢亞婆條洗面巾黎抹手，係佢親眼見，佢話人地放個老人家係老人院都係想佢有人照顧，點知呢間野 ... 下冊三百多字粗口
發表於 
返回列表
