嬰兒用品今日: 0|主題: 93239

收藏本版

發帖

返回列表

跳至頁

查看: 2364 | 回覆: 0

孖B餵人奶 [複製鏈接]

lexing

大宅

積分: 1136

1^#

發表於 11-3-23 18:06 |顯示全部帖子

我好想同大家分享! 因為而家對我黎講係蜜月期~ BF得好開心~ 大家都一定得! ^_^

我o既哥哥妹妹就來8個月, 除咗頭一個月內有加奶粉之外, 打後一路全人奶. 生完之後, 等到第4日先開始見有少少奶擠到一兩滴渣, 其實QE姑娘主張一開始餵人奶.. 因為第一胎, 我餵咗2日佢地其實齋啜冇食過嘢, 有啲唔忍心, 加上開始大喊先加奶水比佢地.. [而家諗起好後悔, 因為只要有信心, 總之不停咁餵, 我相信會快好多上奶]

出院後, 開始泵, 埋身比較少, 因為咁係偷到時間休息.. 盡量到比人奶, 夜晚先比奶粉, 好似飽啲冇咁易肚餓醒..

一段時間後, 基本上一日每人只係補一、兩餐奶粉, 但隨住佢地食量大咗, 只係靠泵追唔到多奶...於是係我先生鼓勵下, 決定改變為埋身.. 唔用樽! 我唯一o既擔心係佢地會食唔飽.. 由於妹妹唔太另啜, 於是只係揀食得好啲o既哥哥埋身 [睇返轉頭, 根本就應該兩個都埋身, 當然, 自己會辛苦好多, 真係冇乜時間休息].. 最痛苦o既時間亦都黎啦!

哥哥好肯啜好肯食, 佢一餓就埋身, 食得好密吓.. . 但佢係唔會食得晒, 於時每日都好忙好趕咁埋身完再泵(兩邊)... 呢段時間真係好大壓力! 好驚唔夠好驚佢地唔飽好在意泵咗幾多 [其實真係唔好諗咁多, 照餵照泵, 保持開朗, 飲多啲水, 另我都有鮮奶豆漿, 魚湯後期都冇飲啦] 然後.. 到咁上下時間, 發覺量多咗好多! 終於都追上有多.. 奶粉已經冇用好耐啦!

哥哥變到肥肥白白.. 而妹妹.. 因為成日嘔奶, 又比哥哥食得少.. 比較細粒.. 同埋佢只係食樽, 同我少咗好多親蜜時間.. 一路大佢開始成日望住點解我成日餵哥哥... 開始想我(雖然係我諗, 但佢o既反應確係咁).. 而一直埋身o既哥哥.. 同佢建立咗好深好深o既牽絆.. 我諗呢啲係所有BF媽媽最寶島o既感覺!

BF, 一定會遇到乳線堵塞/硬塊/白點等問題... 試過一次好嚴重, 平時搏命按住泵, 好快冇事, 但嗰次搞到紅晒.. 仲發燒, 去健康院啲姑娘又幫唔到, 後尾自己發現因為有白點塞死咗先出唔到... 用消毒過o既針挑咗佢就冇事啦! 亦因為呢次, 返過QE揾人奶姑娘再CHECK吓係咪真係好返, 帶出另一個問題, 哥哥食奶好自然食得好叻.. 而妹妹... 就麻麻地.. 姑娘建議就因為妹妹唔識, 比佢食多啲先好, 埋身多亦會變得好似哥哥咁肥美!

於是開始咗2個全埋身啦! 妹妹的而且確比之前肥咗啲... 3個月過去, 開始要返工, 佢地唯有日頭用樽, 我係屋企時就埋身! [而且晚間埋真, 會刺激多啲, 多奶啲]

返工前個半月, 開始儲起奶係冰格... 由17杯到一直keep 住 27杯... 返工時共泵兩次... 因為一定夠, 而家有多, 我選擇咗比佢地飲新鮮啲o既奶.. office 泵完的4杯會比佢地第日即食... 到星期六日就全埋身... 有需要用冰格奶時, 頂多只會用最1個月前的...

到佢地7個月時..因為粥仔o既量開始穩定.. 咁我都係時間減產... 返工只泵一次.. 返屋企都係埋身... 夜晚唔再泵.. 除非佢地食剩好多仲好谷先泵...

所以而家完全唔駛擔心個量, 埋身餵佢地係最開心o既時間.. 長久以來o既習慣, 一想食就叫你對你笑, 埋位時就好開心hea hea 咁笑.. 以前幾咁辛苦咩都值得! 尤其是佢地健健康康! 見到米芝蓮手腳, 脹卜卜o既瞼蛋.. 咁都值得!

希望我o既經驗令想BFo既媽媽更有信心! :)

P.S. for reference 原本用medela swing, 但2個月後開始覺得泵得少, 又扯到好痛啦喎, 於是轉手AVENT 手泵, 非常之好, 可能有人覺得攰, 但我唔覺, 慣咗啩... 而且覺得泵得清啲又多啲! 一路用到而家...

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

嬰兒用品 今日: 0|主題: 93239

嬰兒用品今日: 0|主題: 93239