自由講場

收藏本版
發帖
返回列表
跳至頁

首頁
12

尾頁
   0
SandyKL


琥珀宮

積分: 151883


1#
發表於 10-6-2 21:52 |顯示全部帖子
我係電視見到條片，國際人道救援船已扯白旗，但成班以色列海軍係船上照開槍，仲打船上既人，好慘呀!班船員，我見到不禁嗌左出黎: 唔係人!

唔止美國唔出聲，仲有佢班兄弟歐洲國家，無一國好似當年聲討中共六四咁群情洶湧。政治唔止醜陋，仲好污衊。

六四我會let go，我會還看今天中國，仍然有許多未解決，政府開放財源俾人民，但大陸人民及官員承受得了此財富嗎?德育又有否相輔而來?

對於對89年六四仍然懷恨的人，請不要屣時間黎說服我，因為我既信念讓我不執著過去，只要活好當下，擺脫仇恨，讓它隨風，不願意生活在任何過往之陰霾，尤其係政治方面，抱住忘記過去，努力向前係我對六四既態度。



原帖由 hongkongC9 於 10-6-2 17:43 發表
64中共當然可惡, 其實我都覺得全世界好多國家為了自己政權利益都係無惡不作, 睇吓以色列惡過華秀隻狗嘅行為就知, 殺人如草芥 , 佢個BIG BROTHER ~ USA咪係鵪鶉咁, 政治真係好醜陋!:evil: ...

[ 本帖最後由 SandyKL 於 10-6-2 22:00 編輯 ]
私人傳訊

SandyKL


琥珀宮

積分: 151883


2#
發表於 10-6-2 23:45 |顯示全部帖子
活在當下就等如拋棄自由、公義、和平、自尊、理想、夢想嗎?相反，比緊抱過去，緊抱過往之不自由、不公義、過氣既理想、夢想，更實在去追求、去更新、去努力生活。


我不會否定任何紀念六四之行為思想，但也請不要否定擺脫六四情緒影響既人，以平常心看待六四不等如忘記六四，亦不等如背棄上述所有。你有權背負六四呢個十字架，我亦有權選擇不去背負。

若要人隨自己信念去走，硬將自己信念套在別人身上，那與果班極權者有何分別?咪又係戴住追求、相信民主假面具既左仔。


原帖由 lumijuli 於 10-6-2 23:06 發表


活在當下...沒錯,
只是, 人就是為了活在當下, 就拋棄自由, 公義, 和平, 自尊, 理想, 夢想...等等值價觀念嗎?

平反六四, 不等如要推反中共...

[ 本帖最後由 SandyKL 於 10-6-2 23:52 編輯 ]
私人傳訊

SandyKL


琥珀宮

積分: 151883


3#
發表於 10-6-3 00:24 |顯示全部帖子
係我寫得唔夠詳細，忘記過去意思係忘記六四之前所帶黎既負面情緒，努力生活，唔俾呢種情緒影響，當年身為廿多歲青年既我，比你地更熱血，震怒情緒貼心而來，那又如何?可以改變事實嗎?

現已冷靜看待，生活上有D事已成事實不能改變，那就以心去迎合改變，相信更能產生正能量，去實踐信念包括你先前所提出的。

清白名份?如果有此信念令你產生正面情緒，繼續罷!年輕人，我尊重任何不勉強別人隨自己信念的信念。


原帖由 lumijuli 於 10-6-3 00:01 發表


SORRY, 係我膚淺, 我唔明你講甚麼...

我對六四的態度只是還他們一個明明白白的名份.
不是仇恨, 不是悲傷, 只是還他們一個清白.
私人傳訊

SandyKL


琥珀宮

積分: 151883


4#
發表於 10-6-3 00:32 |顯示全部帖子
「懷恨」意指對造成六四慘劇既人仍有憤怒情緒，如果「懷恨」你認為用辭不當，咁我改為「介懷」。激與溫和之用辭隨人解讀。


原帖由 牛精仔 於 10-6-3 00:21 發表
冇咁嘅打算去說服人, 但真係唔明 , 點解會用懷恨黎形容紀念64, 要求平反嘅人, 每年64, 我第一樣諗嘅, 都係失去親人, 連悼念拜祭權利都冇嘅父母, 廿一年, 子女仍死得不銘目, 難道, 佢地又可讓它隨風 ? ...

私人傳訊

SandyKL


琥珀宮

積分: 151883


5#
發表於 10-6-3 00:41 |顯示全部帖子
呢句一早已成為紀念六四之標語，相信需要接收呢句說話既人，係接受既一早接受左，不過睇成績，只能講改善中，仍未達到理想。


原帖由 lok1503 於 10-6-3 00:26 發表


有感而發：

前事不忘，後事之師。
私人傳訊

SandyKL


琥珀宮

積分: 151883


6#
發表於 10-6-3 00:46 |顯示全部帖子
攞到重點。


原帖由 DoReMi媽媽 於 10-6-3 00:28 發表
”毋忘六四”, 不能忘, 更不應忘, 哩個係歷史教訓, 要銘記於心, 不能再讓歷史重現, 重蹈覆徹. 但我唔會將六四變成十字架, 變成包袱, 永遠的去背負, 沉痛, 緬懷, 執着, 於事何補?
現實是殘酷的, 真相是無情的, 閱歷, ...
私人傳訊

SandyKL


琥珀宮

積分: 151883


7#
發表於 10-6-3 00:50 |顯示全部帖子
但願如此!六四有感，各自抒發啫


原帖由 lok1503 於 10-6-3 00:43 發表


希望你明白，大家只是理性討論，up till now, 沒有人要求你與其他人，意見1致。
私人傳訊

SandyKL


琥珀宮

積分: 151883


8#
發表於 10-6-3 01:03 |顯示全部帖子
對已死之人不能有所改變，佢地會因為中共道歉而翻生嗎? 中國因中共一句對不起而能令人民生活在清廉自由環境下嗎?

如果呢一句對不起可以令以上答案全為是的話，我，就算係需要一場革命都會參加。


原帖由 lok1503 於 10-6-3 00:50 發表


the man who quits never win. 為何你會覺得不能改變 ？218 事件，國民黨最終都要道歉。
私人傳訊

SandyKL


琥珀宮

積分: 151883


9#
發表於 10-6-3 01:15 |顯示全部帖子
呢個唔係我既結論，只係我既意見、我既感覺。我眼所見係毛主席仍主政的年代，中國既發展每日在我眼中，我覺得中央採取比由60年代以來開明既態度確係安慰，但唔係滿意，仍有好大改善空間。


原帖由 lok1503 於 10-6-3 01:00 發表


為人父母，子女若是改善中，應該很安慰。

純粹好奇，你如何得此結論 --- 仍未達到理想 ？
私人傳訊

SandyKL


琥珀宮

積分: 151883


10#
發表於 10-6-3 01:36 |顯示全部帖子
呢個亦係我既希望，最豈碼在內地上網可以見到BK及其他香港以至各地既網站。


原帖由 lok1503 於 10-6-3 01:25 發表


我的子女，由 0 分 變更為 20 分，我會安慰，但仍希望他盡力而為，變到合格。
私人傳訊

SandyKL


琥珀宮

積分: 151883


11#
發表於 10-6-3 01:56 |顯示全部帖子
日本當權政府，都從無承認當年曾在中國殺害有如中方報稱咁多人數，亦冇任何一個政黨走出黎認錯。我對此不存寄望。

在六四死去子女的母親確值得同情，不過我相信，呢批母親能活得自在，對死去既子女比中共一句道歉、拜祭，更慰在天之靈。

原帖由 lok1503 於 10-6-3 01:17 發表


不會。

所以天安門母親其實很值得同情，她們的要求只是：中共道歉 / 拜祭子女。
私人傳訊

SandyKL


琥珀宮

積分: 151883


12#
發表於 10-6-3 19:34 |顯示全部帖子
在日本歷史上佢刪左呢一段歷史，中國人可抗議，日本要一意孤行，都奈佢唔何，難道要殺日本人去洩忿嗎?但在中國近代史中，實實在在紀錄左呢一段歷史。

秦始皇焚書坑儒，經歷多年，此事實仍在，教科書仍有此一段歷史，當年資訊不發達，此史實亦可留下，憑今天資訊如此發達，我未擔心過我地中國人政史中會將六四此段事實就此埋沒。

我有說過希望世人忘記此事嗎?之前已再詳細講左在76#，不再重覆。


原帖由 CutieMommy 於 10-6-3 05:00 發表
d

照你咁講,南京大屠殺,日本軍殺左咁多中國人.日本而家話改歷史教科書,話當時只係"進入"中國...因為日本軍都死左好多人.你都同意????... 照你既羅輯,就算日本道歉,或把史實繼續記載,死左嘅人都唔會番生...不如忘記 ...
私人傳訊

SandyKL


琥珀宮

積分: 151883


13#
發表於 10-6-3 19:55 |顯示全部帖子
我願意睇別人感受，而不願意睇別人謾罵。

自由等如可以隨便罵人嗎?我亦冇權阻止你表露你未好好管理的情緒，你只係正在屣你寶貴既時間啫。我亦與你一樣，表達自己感受啫，何需氣急敗壞呢?

如果去參加別人喪禮，你會對死者家屬講悲傷不要停，讓佢永遠延續下去嗎?而我會講節哀順便，保重身體，努力生活下去，呢種係風涼話嗎?



原帖由 CutieMommy 於 10-6-3 14:57 發表


冇人耍刻意說服你,我諗你唔會係"北大人"掛?!?.
說服左你,就可平反六四咩??
唔好自我彭脹啦...
e度係自由廣場,大家講出自己意見姐.

你話你會"Let Go"六四.
如果 六四 死者係你既至親,我睇你仲會唔會講 Let Go 講得 ...
私人傳訊

SandyKL


琥珀宮

積分: 151883


14#
發表於 10-6-3 20:24 |顯示全部帖子
當時場面有點失控，除左學生，仲有其他懷著不同目的既人混左入去，當時解放軍坦克車出到天安門廣場，有片段確係坦克車被破壞，軍人被人打，但究竟在軍方開槍前或開槍後既事?咁就難判斷。

事件發生官與民各有各說，但只能相信一件事，天安門當年確實死了人，軍方確有開槍鎮壓，官民各有死傷，至於數字方面，未能確定，因為官與民都有不同版本。

以當時情況，清場係應該，但重點不應出動真彈。

原帖由 kk80400 於 10-6-3 18:53 發表


佢地將d軍車...一架架...推返
又燒車....果時...除咗北京之外
各省都有學生聚集
如果你係共產黨
你覺得要點平息呢?
1. 同佢溝通唔聽
2. 叫佢地和平撤離唔聽
3. 出到宵禁令唔走
咁你覺得應該點做呢?
佢地要推返共產 ...
私人傳訊

SandyKL


琥珀宮

積分: 151883


15#
發表於 10-6-3 20:55 |顯示全部帖子
中共將所有責任推係江青及呢班四人幫身上，毛伯伯係老共元老，又係打退國民黨既人民英雄，就算係鄧伯伯被佢迫害到三上三落，個仔被批鬥到跛左，事後都不敢對毛主席不恭。

撇除六四，我非常尊敬鄧伯伯，在黨中極左勢力中，仍然能獨排眾議，改革中國，可惜佢太怕學生勢力，當年毛主席最懂利用除了工人，就係學生，無產階級係鞏固佢在黨中勢力最佳武器。

我相信鄧伯忌趙紫陽好似毛主席咁利用學生去打壓政敵，至於佢是否過份憂慮?真係一個不能解的謎。


原帖由 WChan 於 10-6-3 20:27 發表
用真彈, 有死傷都是鐵一般的事實.

其實當年負責64既官員好多都死左或退左休, 現時既政府點會唔知道當年係有錯失, 只係佢地唔可能公開認, 咁咪即係話"鄧老"做錯事, 正如大家都知文化大革命有問題, 但一樣唔會公開認 ...
私人傳訊

SandyKL


琥珀宮

積分: 151883


16#
發表於 10-6-3 23:33 |顯示全部帖子
共產主義係浪漫主義一種，非常高理想但唔實際，人又點可以與其他人均分自己所有呢?但對於當年在國民黨統治下，被地主、軍閥壓榨既平民，軍紀嚴明而又講求人人平等共享財富，仲視工人階級為最珍貴資產既共產黨，變成人民一服解苦良藥。

世上還淨下非常共產國恐怕只有北韓吧!

六四平反恐不能，除非過多幾代，或換下當家。鄧伯伯係中共一位被高度評價既領導人，佢對六四到老仍然有所憾，亦感到心痛，係佢女兒鄧琳書中《鄧小平》有提過，我覺得已象徵鄧對六四死去的學生有悔意，有交待。至於接捧人如何去定性，我唔係覺得咁重要，死者矣已!再執著，失去始終已失去，能變只有我地既心，接受六四，揮走傷痛，繼續監察現政府反而係首務。

原帖由 WChan 於 10-6-3 22:53 發表
正如中國現時都已經唔係行共產主義, 基本上佢地已經走入經濟型體系, 但佢地唔會認自己唔再係共產黨, 只係會話呢D係中國式既共產主義LOR, "共產主義"宜家只係一個包裝而已.

六四可唔可以平反? 我相信呢個會係一個死結. 毛主席與鄧伯伯係全個政府無人敢動既部份.
私人傳訊

SandyKL


琥珀宮

積分: 151883


17#
發表於 10-6-4 00:23 |顯示全部帖子
有，我在電視上有睇過，當時天安門上有人豎起「打倒李鵬」「打倒小平」標語，有人仲係鏡頭前，將一支竹吊住一個玻璃瓶，然後將佢打碎，並高叫「打倒小瓶(小平」。

我在網上搵唔番呢條片，但舊年係BK呢度有媽咪提過話，支聯會買去呢條片，至於係唔係，難以求證。不過呢一條片，我係實實在在見過，亦同樣見到吾爾開希一臉傲慢用手指指住李鵬說話，在網上亦同樣摷唔番，不過唔緊要，一切在已存在我記憶中。

好難叫未睇過呢D片段既人去相信。官方與學生各有失誤。


原帖由 kk80400 於 10-6-3 23:52 發表




或者你地睇下當時d短片
佢地有d口號係
打倒李鵬
打倒鄧小平
爭取民主自由 等等
私人傳訊

SandyKL


琥珀宮

積分: 151883


18#
發表於 10-6-4 00:27 |顯示全部帖子
中共最大恐懼就係有人以民主作藉口，推翻政權，並且對外國所倡議民主制度好忌諱，佢地心見中民主=亂。


原帖由 lumijuli 於 10-6-4 00:11 發表


黨主席=黨?
爭取民主自由=推翻共產黨?
在國家中加入民主自由也好, 在共產黨加入民主自由也可以.

現在中國一個很大的問題就是國=黨, 黨=國...
私人傳訊

SandyKL


琥珀宮

積分: 151883


19#
發表於 10-6-4 00:30 |顯示全部帖子
對，中國仍然係最貧窮既國家，生活富起來，可思想精神卻仍然係世上最窮困國家之一。


原帖由 lumijuli 於 10-6-4 00:02 發表
# 中國評論﹕法官=貪官 仇官情結難解（明報）(05:10)
http://hk.news.yahoo.com/article/100602/4/idv6.html

# 「這政府，太黑太貪污了」（明報）(05:10)
http://hk.news.yahoo.com/article/100602/4/idt8.html

還有深圳市長貪 ...
私人傳訊

SandyKL


琥珀宮

積分: 151883


20#
發表於 10-6-4 00:41 |顯示全部帖子
香港市民只係和平遊行，並無築起帳篷佔用立法局外地方個多月。

每個運動產生一定有原因，當時大學生畢業找不到工作，政府剛改革開放，益左社會上一班個體戶，以往大學生職位由國家指派，政府不再咁做，任大學生自由去找工，物價高漲，政府有限度開放經濟，未有在政治上配合，社會產生一批不滿政府既人，不止學生。

大家都有表達訴求方法，但是否文明又另一回事。當時全個廣場都充滿打倒小平、李鵬標語，當然，呢一點並不應該就係以搶砲去對付廣場人民既理由。


原帖由 小bie豬 於 10-6-4 00:28 發表


但學生並無"推反共產黨""推反政府"嘅口號
你並不了解六四事件嘅起因和發展,
只憑你所見的一小部分來自行判斷扭曲事實,
請你先了解事件,你便會知道學生為何會要求李鵬和鄧小平下台!
還記得香港早年嘅7.1大遊行,市民 ...
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見