自由講場

收藏本版
發帖
返回列表
跳至頁

首頁
123

尾頁
   33
rainbow666


複式洋房

積分: 257


1#
發表於 14-9-3 20:31 |顯示全部帖子
我諗我真係黑仔王，揾著間咁差既公司
100% pay，有90% service俾返我都已經好開心架啦
唔係要你over 100%，你俾多我反而唔要!!
但....




2012年9尾，我喺網上揾左幾間韓國pw agent ，透過email問左幾間既價錢。
當中公司iwxxx價錢係最抵既一間， 細公司，上網揾過冇負評。

2萬幾蚊既收費唔係$2，當然要同Mr Chan 商量過先架啦，唔會草草決定落單！

2012件10月再email聯絡iwxxx既職員查詢有冇我想影既studio? (因為iwxxx 網站內冇)
職員覆左我有代理嗰間studio, 之後就email 往來問多少少資料(當中係冇再提及價錢的).


因為10月比較忙，所以約左11月先上office傾。

上到office時，因為Mr Chan 想影外景，所以我就同Paxx (負責人) 講可唔可以加錢加外景(2013/10影紅葉) ?及到時一天內影晒室內+外? 想喺民族村影

Paxx 話

1.可以加外景， 加$7500 就ok啦

2.收費包左韓服，如果唔著都係lee個收費。(我就冇所謂既，未試過著韓服咪試下囉~ 老公就冇興趣，話著到個人好肥)
3.萬能亞豬媽跟埋去外景而唔再要第2次收費 (口頭offer俾我，一時大意冇叫佢mark invoice度)
4.室內+外都係同一team 人幫我影

5.可以俾我著婚紗去民族村影 (<--最吸引我既point) (口頭offer俾我，

一時大意冇叫佢mark invoice度)

我知道韓國既化妝會比較偏白，而Mr Chan皮膚黑及唔想親友們睇到相時嚇一跳，所以當時已經同Paxx提出化妝方面唔駛咁白、自然膚色OK架啦及其他小問題，Paxx有mark低。。。

大致傾左我想要知既野，Mr Chan冇一齊上黎，所以點都要返去同佢傾

最後Paxx拎個價錢出黎啦
(依。。。同我之前睇既唔同既?)
Paxx話9月尾時已經喺FB公報10月調整價錢

我就同佢講：

1. 我唔會時時刻刻留意你既專頁 (我之後check返佢專頁9月23號通知加價，我喺9月25號時email問拎價錢表，公司email address我係喺website找，不是在FB中知道的)
2. 二萬幾蚊既消費唔係$2，我當然會格價及同我老公商量，電郵上冇提及10月會加價(如果我知會加價的話，我一定會喺10月前上黎傾。)

3. 明知加價既，仲send 個舊價俾我？及點解唔講我知email入面既係舊價呢？

(我唔係要對方俾返個舊價我，我只係以事論事。。)



Paxx見我好似幾日都冇回覆及佢又想做到生意，就主動email左幾次，講及左一d問題

1. 為答謝我對佢公司有興趣，依升級30p相簿免費 (都唔知係唔係價錢表單野，所以free俾我)
2. 問左studio 可以做到一天內影晒室外+內 (email內仲有埋個時間表俾我睇)


同Mr Chan講，雖然係加左價，但都係抵過其他公司。。

攪Wedding要好花錢，我地都希望慳得一蚊得一蚊。。並唔係為左佢free既野

所以商量後約左12月同Mr Chan上去傾。



自己都係做服務行業，都知道用信用卡及EPS消費，商戶會被銀行收手續費。

我就同Mr Chan講，我地又唔係冇現金喺度，不如我地去撳ATM拎定cash俾deposit，唔好要人地俾銀行收手續費啦

(依家諗起，都覺得自己傻，為他人著想)


上到去，因為上次Mr Chan 不在場，所以都係repeat一次之前既內容。

加外景一事，我地都仲係心大心細，Paxx就話可以保留lee個offer到2013年8月初，如果我地想加既，可以隨時通知佢，因為距離2013/10仲有一段時間，Paxx
話依家收左deposit都唔係即時幫我地book studio...等



我地諗左一陣，都係決定join，Paxx問我地俾信用卡還是EPS?
我地話俾現金，跟手我就喺銀包度拎左十幾張$1000出黎，當時Paxx及佢同事O左咀，我諗佢地係冇諗到我地帶左萬幾蚊現金上黎
(lee個場面我同Mr Chan都好深印象)


咁樣。。我地就開始中左伏喇。。
私人傳訊

rainbow666


複式洋房

積分: 257


2#
發表於 14-9-3 20:31 |顯示全部帖子
落deposit時，冇即時confirm埋makeup及dress shop

如是者，返到去慢慢研究完，大約7天左右啦。。

就email通知makeup及dress shop既決定。。

我又冇特別有咩問題，所以自己認為冇必要去contact agent。。。

到左2013/3 收到email, 通知我makeup and dress shop要揀過，點解呢？

打去問，Paxx話冇同嗰兩間公司合作啦。。。咩咩IOS900。。。等理由

Ok! 我明白。。冇問題，咁我再揀過啦，我又再揀完後通知iwxxx

(後來發現原來係iwxxx唔同韓國中介A合作，轉左同韓國中介B合作，而我之前揀既makeup & dress shop係冇同韓國中介B合作的，所以要我改)



到6月尾，我通知Paxx, 我地決定加外景



2013年7月尾時收到一位自稱Ryxx 既職員email說依家dress shop可以free升級俾我，問我會唔會考慮？

我將之前揀既及依家話free upgrade既dress shop俾過姊妹B睇，

姊妹B話新過間d款ok, 可以考慮轉。。

咁我睇完之後，覆左Ryxx ok，free upgrade lee間。。

(當時覺得好開心，因為覺得lee間公司服務都幾好，有free upgrade都會問下client，通常都係要client問agent有冇free upgrade，好少agent會主動)



到左9月，收到Ryxx既通知要交尾數及話我知我既case由佢follow。。

當時多口問左佢一句

"axx 有冇同你講加外景嗰度？Paxx offer俾我1.亞豬媽跟埋去 2.著婚紗喺民族村影"

Ryxx 話Paxx 冇講過及冇睇過之前mark低左既嗰張紙，另外以佢所知婚紗及亞豬媽係唔可以跟出去外景。。。

(下。。。唔係丫？ 我想著婚紗影外景架！)

Ryxx說會通知Paxx同我傾。。

隔左一天收到Paxx喺韓國既IDD,叫我唔好心急上去俾尾數，等佢返黎傾左先

(當時我都仲係好信任Paxx 及lee 間公司，覺得佢會幫我處理好件事。。。)



岩岩女人仔申請左張信用卡，消費滿一定金額就有cash coupon送，當時自己心諗可以問一問Paxx 婚攝尾數用信用卡付款ok唔ok呢？

如果唔ok, 都冇所謂，maybe去korea時用信用卡消費啦。



但。。出發前三星期情緒崩潰隨之而黎。。



Paxx返到香港後，打電話俾我第一句就同我講

"由落deposit到依家，一直都冇聯絡你，你會唔會覺得我地公司冷落左你?"

(我心諗 : 一個買、一個賣，我地都唔係好熟!加上我都冇問題要問你，咁點解要搵你呢??)





"xxxxxxx，你好聰明丫！識得咁早落單，依家幫你book韓國d野咩都貴晒。"

(貴唔貴唔關我事，錢我就一早俾左你，你遲book d野貴左，係你既問題！)



當時我喺電話度冇理佢lee一句and即刻問佢尾數可唔可以用credit card 找數？女人仔貪cash coupon.

點知佢話

"你知唔知點解你個package會咁平丫？ 因為lee個係現金價！"

(下。。 咩現金價丫？由頭到尾我都係睇到一個金額咋，我冇睇到有另一個價錢。And當時我好深印象係你有問我俾credit card或EPS? 你見到我十幾張$1000拎出黎，你o晒咀囉！如果我當時睇既係credit card價，咁現金價係唔係再平d丫？ 咁你要回水囉！依家收貴左我！)

我即時同佢講返o咀深印象。。。等

(你拒絕尾數收credit card, 冇問題！但唔該你唔好用lee個籍口囉！我都係想問下你唔知會唔會方便幫手啫，唔ok既我自已諗其他辦法)



佢後來講

"唔係唔得既，，不過我地會俾銀行收charge。。咁你想credit card 度碌幾多丫？ 但銀行真係會收我地7%charge"

(嘩。。你講到好似我迫害你咁，我唔會強人所難，我都係問下啫，唔得咪算囉！)

Final, 免得話我迫害佢，我話左俾cash。。





之後開始講重點問題。。

佢話唔記得左當時有offer過我lee d條件(亞豬媽&婚紗) ，就算真係有講過, 但依家可以話我知做唔到囉！

(我真係嗰晚開始失眠，點解臨出發前攪d咁既野？個人完全唔開心！)

之後話約出黎傾清楚，唔想喺電話講，免得攪錯！



約左喺cafe見, Paxx又講多一次冇印象講過，就算係有，但都做唔到囉！

佢話 "如果你真要d衫出到去既，我可以私下降左你d衫既grade唔出聲都得架！但我冇咁做囉!"

(哈。。。多謝你啵！upgrade我d衫前，我都已經通知左你加外景，咁點解7月時Ryxx仲要問我free upgrade, 轉唔轉丫？ 咁你明知upgrade左嗰間d衫唔出得去既，咁你就唔好問我啦！)



之後就問我會唔會考慮cancel外景嗰part?

(因為依家係個外景有問題，cancel左咁就唔駛煩丫嘛！)



我話因為Mr Chan錫我，知我想去韓國本地影，所以先join 你地公司，如果唔係，我join Tiaxx都得啦，人地成個studio喺香港！而我都錫我老公，知佢想影外景紅葉，所以我自費外景嗰part送俾我老公，你依家叫我cancel外景, 咁我book10月去為咩丫？

(當時我真係講到喊，明明滿心期待既pw之旅，點解會攪到咁？)



最後佢話，試下幫我book多件mini dress free俾我代替婚紗，但冇亞豬媽架啦。。mini dress 轉韓服要自己攪掂。

(咁我個髮型點丫？真係灰晒)

之後又bla bla bla..一堆以客為先既廢話。。



喺冇辦法之下，只可以等佢回覆我mini dress嗰part...

等左2天，一心諗住雨過天晴啦。。

(點知一波未平、一波又起。。)

冇正面回覆mini dress安排既同時，又再同我講室外+內要分2 team人去做及分2日影。。。

當時晚上12點我收到lee 個whatsapp真係頂唔順啦！件事攪左成個星期都未處理好，又就黎要飛喇!

真係頂唔順，情緒崩潰，喊到收唔到聲！

(點解要咁樣對我呢？係唔係因為我唔係d麻煩客，所以見好恰就恰我呢？)

(嗰幾個星期真係好唔開心!訓唔到覺!喊到個樣殘晒!要去睇醫生食藥，醫生話如果再係咁，可能要睇精神科。。。)
私人傳訊

rainbow666


複式洋房

積分: 257


3#
發表於 14-9-3 20:32 |顯示全部帖子
嗰晚我即時同Paxx通電話，我話之前email度你話已經問左studio係ok一天內影晒既，咁點解依家唔ok？(咁即係之前講大話啦！)

跟住佢又拎堆理由出黎，又話計過d時間唔夠丫之類。。

(幾日前俾個時間表寫左韓國當地時間1pm已經會完成室內拍攝，去到民族村都係2-3pm，影2個鐘，影完都係5點幾，請問點解唔夠時間呢？咁點解又會出到個時間表俾我呢?但今日就話唔得呢?)

當然我唔可以接受分兩日啦！因為今次除左我地兩公婆之外，仲有朋友一齊去。。

我地plan好晒行程，我地兩公婆影pw嗰日，朋友就去玩先，之後第2天join埋一齊玩。。

咁你依家咁樣分兩天，我地d行程被打亂!

凌晨3點，我地依然未傾掂個問題，我個人都喊到有少少暈。。

Paxx就話有兩個方案

1. 照之前咁樣，同一天影，叫我著韓服及便服就算啦(咁即係mini dress 冇啦！著便服影我自己都得啦!)

2. 分2天影，本來分2天既package會係萬幾蚊，但依家可以俾我$7500影，但唔包韓服，可以揀加唔加韓服? 加的話要加$4000 (即係加韓服的話都係萬幾蚊啦!)

(我覺得有d奇怪，韓服自由選擇加唔加到得?)

問左佢兩次都係咁答我!

我都驚自己攪錯，所以whatsapp問清楚及叫佢寫清楚，因為我要同老公講返，由佢決定點樣做?

第2日問左老公後，佢講如果咁樣，可以考慮分2天但唔會加韓服。。

其實我真係好驚又攪錯左，因為時間得返唔係好多，事情仍未解決!

lee幾日又電話又whatsapp又email，幾樣唔同既聯絡方式，收到既資訊好混亂!加上我已經唔相信Paxx講既說話!

嗰朝我就打左個email去問佢，將我暫時幾日知道既資訊整理一次及通知佢我地既決定，問佢岩唔岩?

點知佢一睇完後打電話黎鬧我!

話對我好失望!話原來我要佢公司賠償咁大!

又話我唔信佢!又話我唔加韓服! (其實佢係我lee張單到賺少左，所以想喺第二度賺返!)

足足俾佢鬧左成10分鍾! 鬧到喊。。(真係鬧到我手騰腳震，個心好驚、好慌。。)

我同佢講

“你誤會左，email只係想問清楚件事，因為又電話又whatsapp又email，幾樣唔同既聯絡方式，收到既資訊好混亂!而唔係要你公司一定要咁樣做!

如果email寫得唔岩既，你可以同我講話我攪錯左，但你依家係打黎鬧我!由始至終都係外景嗰part有問題!算啦!cancel外景唔影啦!”

佢聽到我咁講後，又話

“你依家好唔冷靜!我當冇聽過cancel外景!你冷靜d先,你同你先生傾左先啦!”

收左線之後，我同老公傾完都係cancel外景，寧願另外搵攝影師包機票酒店去韓國影外景。。(之後我地洗多2萬蚊搵個攝影師包機票酒店影外景)

如果可以的話，我直情想cut單，件事已經攪到咁樣!我唔想再對住lee d人，仲要俾錢佢賺!

朋友同我講依家cut單冇意思!機票買左、大假請左、deposit又唔會全數退回，朋友話影左先啦，其他野到時先算!

Whatsapp Paxx 我地決定cancel外景，佢話幫我book左mini dress，free俾我!

(哈。。真係好笑啦)

我話唔需要!跟返package既內容就ok啦!

之後我就email Ryxx通知佢上門俾尾數，上到去時見到兩個女人。。

可能佢地睇到我個樣好殘、眼又喊到腫晒，及明明加外景又突然cut左，所以就問我同Paxx發生咩事?

我唔想多講，冇理到。。

想快d俾完錢離開，約左老公&攝影師喺TST傾外景d野。。

Maybe個女人聽到我同老公講電話既內容啦。。

就問我點解會突然cut外景而另外book其他人?

我話 “你問返Paxx啦”之後就走左。。

第2天，Paxx打黎講


“知道你尋日上公司俾左尾數，多謝你!知道你唔係好想見到我，所以都唔敢打俾你。雖然你取消左外景服務，但我地已經喺一個月前book左外景team，冇得更改，依家當gift咁送俾你，你地可以著便服去影。”

(佢係唔係當人地傻架?一星期前先叫我考慮cancel外景，依家又走黎話一個月前已經book左!)

我話 “唔需要!你留返俾其他客啦!我已經book左其他服務!”
私人傳訊

rainbow666


複式洋房

積分: 257


4#
發表於 14-9-3 20:32 |顯示全部帖子
事情發展到咁樣。。。原本期待的變得討厭、傷心。。。

唔知去到韓國後，當地既服務又會唔會係咁差呢？

惶恐之下時間終於去到要出發喇。。。

攝影前，攝影師俾個demo我睇而翻譯就問我鍾意邊一個場景多d?會喺我鍾意既場景影多d相。。。

由到達後、試衫、consult、第二天make up、攝影，一切都好順利，令我同老公都對韓國pw有返d信心，都打算2014年結婚前會再去韓國影多一次，但今次唔會join香港agent!

(好戲在後頭)

返到香港等左2個星期左右，Ryxx通知有相揀啦

多口問左佢一句 “Retouch後可唔可以睇下先?如果ok先整相簿.”

點知一問之下，Ryxx話”韓國行規冇得睇Retouch，直接整相簿。”

(下。。。唔係嗎?冇得睇，咁我點知ok唔ok丫?)

Ryxx再講”如果你有咩野想執既，可以寫低及圈起，我地幫你轉達studio。”

我真係唔放心，問多句 “如果我收到相簿真係唔ok既，你地中介會唔會幫我處理返??始終冇得睇Retouch，有d擔心”

Ryxx話真係唔ok既，會幫我處理返

(咁你都咁講啦!我只可以相信studio既專業執相啦。)

我唔係做lee一行既人，當然唔會識好detail咁寫要執d咩?我只係簡單寫左及圈左一d我睇到有需要執地方。Studio，我靠晒你架啦!

點知。。。



2014年3月尾Ryxx通知相簿到港，叫我俾個地址佢，搵速遞送上門

因為我&老公都要返工，冇人喺屋企收件，所以我俾左公司地址

點知轉頭Paxx就打黎話可以揸車拎俾我。。。

(我唔想見到你囉!)



老公同我一齊拎返屋企，返到去一打開，我就即時whatsapp Ryxx & Paxx


(當然佢地冇覆我啦)

點解我地d相執到爆白晒?冇血色!好似成隻ghost咁架?

不單只白過鬼，仲有幾張我老公個樣變左鍾無艷。。。(main point)

一忽白一忽黑。。。

(心諗係唔係相簿印甩色咋? 但開左隻retouch files光碟睇，都係鍾無艷!)

仲有就係我對腳有d色素講左要執走，但相簿內一d相有執走、一d相冇執走。。。

仲有其他問題啦...但唔係大件事..

最大件既事已經發生左--> Main Point


成本相簿都整得好求其!


(相係影得好好既! 但執相就...唉, 每個朋友都話唔執好過執)




等左幾天，一直都有whatsapp Ryxx & Paxx，但佢地一直都唔覆!

第5天打去搵Paxx。。。(同佢傾完電話真係好嬲丫!!!)

我問佢


“有冇睇過d相?知唔知d相有問題?“

“我老公有幾張個樣變左鍾無艷，咁都叫冇問題?“

“d相執到白過鬼丫，冇血色，我點俾d親友睇丫?“

“腳上既色素，相簿內一d相有執走、一d相冇執走“

佢話


“我打開黎睇過丫，d相ok冇問題丫，影得幾靚tim!” (真係擘大眼講大話!)


“studio已經做到佢既最高水準” (咁佢d水準都幾高啵!)

“你唔接受係你個人問題，studio就已經做左相簿架啦!如果你要求要再整過既，EMS

及相簿既收費要稍後同你傾邊一方負責!” (乜會有人俾錢買d有瑕疵既野架?有瑕疵仲屈我要!)

“翻譯當時俾demo俾你睇時，你已經approve左studio既執相style架啦“
(我只係揀鍾意既場景，冇approve過執相style!因為我都唔識睇!我識既，我自己同自己影&執相啦!駛咩出去搵人幫我影丫!)

(如果我係接受咁白既，當初我就唔會同你講化妝要自然膚色啦!)

(作為一個agent，我諗我都唔會係你第一個影lee間studio既客啦! 你明知studio係咁樣執相既，而client連化妝都唔鍾意咁白既! 咁你係唔係應該提一提client "間studio執相手法比較偏白，未必咁岩你想要既野." ，如果你提左我而我繼續揀lee間studio既，係我抵死!我冇野好講! 但你從來都冇remind過我囉!)



我只係要求iwxxx幫我追返studio重新做返好個相簿及相架俾我，都唔係要攪事!

但Paxx態度強硬及拒絕。。。

冇辦法之下，我地去左消委會投訴

我地要求既唔係用錢去賠償，而係想佢幫我地攪返掂個相簿及相架

錢係補償唔到我地既精神、時間損失


由4月向消委會投訴到依家，iwxxx一路都係賴皮&聲大夾惡
寧願賠錢乾淨了結事情，賠款不足以cover我自己去攪返掂個相簿及相架
並要求我地簽文件，唔可以將整件事透露
文件係不公平既。。只係保障佢公司
我地要求加一d條款
(要求佢唔可以用我地既pw作商業用途及是非當人情，並要求iwxxx要喺協議上簽署)

對方公司不接受及賴皮，事情停滯不前
(好笑!乜協議書唔係雙方簽署架咩?你唔簽，咁lee份就唔係協議書啦!)



去到7月，見佢依然聲大夾惡
我地都唔想再容忍啦。。又唔係等錢開飯。。
想開佢名等其他b2b知佢d惡行。。但事情又有新發展
對方ok我地要求
我地唔知係咩原因令佢改變主意啦
但。。。事件真係令我好困擾。。
(6、7月時d精神本來已經唔好，又加上lee件事，已經情緒負面到想死!)
因為係我出面投訴。。
要同消委會傾，又要講返俾老公知。。。
有時老公d怒火又要我硬食。。。(我明白佢係嬲lee一間公司攪到我地咁唔開心)
算啦、算啦。。。唔想再煩啦
7月尾我將簽左既文件交由消委會託管
當我收到掛號支票時，再通知消委會
消委會就會將文件寄俾iwxxx

到依家9月啦
我仍然未收到支票，而消委會聯絡唔到Paxx
所以我向消委會撤銷對iwxxx既投訴
協議書無效!
因為iwxxx沒有履行承諾!

私人傳訊

rainbow666


複式洋房

積分: 257


5#
發表於 14-9-4 00:39 |顯示全部帖子
希望各位小心。。
And 多謝關心！
私人傳訊

rainbow666


複式洋房

積分: 257


6#
發表於 14-9-4 07:48 |顯示全部帖子
Push
私人傳訊

rainbow666


複式洋房

積分: 257


7#
發表於 14-9-4 09:36 |顯示全部帖子
回覆 winifredwin 的帖子

替你朋友開心。。。我依家咁樣分開兩間。。都over 50K
(>﹏<)
私人傳訊

rainbow666


複式洋房

積分: 257


8#
發表於 14-9-4 11:14 |顯示全部帖子
回覆 alice_csy 的帖子

Tiaxx 係上個月蘋果有報導過，人去樓空嗰間你可以揾下韓國pw香港 agent既資料
私人傳訊

rainbow666


複式洋房

積分: 257


9#
發表於 14-9-4 11:16 |顯示全部帖子
回覆 karenlyk 的帖子

IW---←我咁樣算開左架啦。。新人唔知規條。。免得犯規，請見諒
私人傳訊

rainbow666


複式洋房

積分: 257


10#
發表於 14-9-4 11:18 |顯示全部帖子
回覆 芒果妹 的帖子

外景ok唔錯丫。。。←起碼有返d安慰
私人傳訊

rainbow666


複式洋房

積分: 257


11#
發表於 14-9-4 11:19 |顯示全部帖子
回覆 新爸看世界 的帖子

替你高興及需細心照顧太太喔(∩_∩)
私人傳訊

rainbow666


複式洋房

積分: 257


12#
發表於 14-9-4 11:53 |顯示全部帖子
回覆 Angel_Rose 的帖子

好丫。。。唔該你
私人傳訊

rainbow666


複式洋房

積分: 257


13#
發表於 14-9-4 13:00 |顯示全部帖子
本帖最後由 rainbow666 於 14-9-4 13:00 編輯
shannnb 發表於 14-9-4 12:00
可唔可以遮樣睇下d相.......
幾高質..
就係塊面出左事..
我老公變左鍾無艷
私人傳訊

rainbow666


複式洋房

積分: 257


14#
發表於 14-9-4 13:03 |顯示全部帖子
etoile 發表於 14-9-4 12:55
呢件事令你傷心又傷身，仲影響埋新婚嘅甜蜜，真係戥你慘！

響BK開名唔夠㗎，有冇D預備婚禮嗰D討論區？仲要 ...
THANKS!
有丫....都POST左..
唔好太過形容啦..唔知會唔會犯規??
私人傳訊

rainbow666


複式洋房

積分: 257


15#
發表於 14-9-4 13:16 |顯示全部帖子
本帖最後由 rainbow666 於 14-9-4 13:17 編輯
StepStep504 發表於 14-9-4 13:08
相既Quality我未見過實物唔comment...

但係你send番email比佢做總結叫佢覆番..佢竟然打電話鬧你我覺得好過 ...

D相我有俾一班新相識而大家都就黎係做人妻既新娘子睇過...
佢地都話唔掂...
LEE樣野我絕對冇講大話
如果唔係真係咁谷氣既..我都唔會上黎同大家講要小心D...
私人傳訊

rainbow666


複式洋房

積分: 257


16#
發表於 14-9-4 13:46 |顯示全部帖子
Push
私人傳訊

rainbow666


複式洋房

積分: 257


17#
發表於 14-9-4 14:29 |顯示全部帖子
Angel_Rose 發表於 14-9-4 14:13
樓主牙,我得閒都有幫過FD執相,如果你NG介意,你比一張你最NG滿意GE相我,講低邊度NG中2,我試下執NG執到你想要 ...
首先多謝你sin..
我已經自己自費拎左d相出去重新整過啦
包括重新整個相簿及相架

但都好多謝你既心意
私人傳訊

rainbow666


複式洋房

積分: 257


18#
發表於 14-9-4 15:34 |顯示全部帖子
o_Shadow_o 發表於 14-9-4 15:06
我覺得應該去消委會囉///

舊年我結婚, 都遇到好嬲既事:
已經去左消委會了..請看以下內容,THANKS!

-------------------------------------------------

我只係要求iwxxx幫我追返studio重新做返好個相簿及相架俾我，都唔係要攪事!

但Paxx態度強硬及拒絕。。。

冇辦法之下，我地去左消委會投訴

我地要求既唔係用錢去賠償，而係想佢幫我地攪返掂個相簿及相架

錢係補償唔到我地既精神、時間損失


由4月向消委會投訴到依家，iwxxx一路都係賴皮&聲大夾惡
寧願賠錢乾淨了結事情，賠款不足以cover我自己去攪返掂個相簿及相架
並要求我地簽文件，唔可以將整件事透露
文件係不公平既。。只係保障佢公司
我地要求加一d條款
(要求佢唔可以用我地既pw作商業用途及是非當人情，並要求iwxxx要喺協議上簽署)

對方公司不接受及賴皮，事情停滯不前
(好笑!乜協議書唔係雙方簽署架咩?你唔簽，咁lee份就唔係協議書啦!)



去到7月，見佢依然聲大夾惡
我地都唔想再容忍啦。。又唔係等錢開飯。。
想開佢名等其他b2b知佢d惡行。。但事情又有新發展
對方ok我地要求
我地唔知係咩原因令佢改變主意啦
但。。。事件真係令我好困擾。。
(6、7月時d精神本來已經唔好，又加上lee件事，已經情緒負面到想死!)
因為係我出面投訴。。
要同消委會傾，又要講返俾老公知。。。
有時老公d怒火又要我硬食。。。(我明白佢係嬲lee一間公司攪到我地咁唔開心)
算啦、算啦。。。唔想再煩啦
7月尾我將簽左既文件交由消委會託管
當我收到掛號支票時，再通知消委會
消委會就會將文件寄俾iwxxx

到依家9月啦
我仍然未收到支票，而消委會聯絡唔到Paxx
所以我向消委會撤銷對iwxxx既投訴
協議書無效!
因為iwxxx沒有履行承諾!
私人傳訊

rainbow666


複式洋房

積分: 257


19#
發表於 14-9-4 19:42 |顯示全部帖子
sunev 發表於 14-9-4 16:10
冇相冇真相，不可置評這一部份。

相信樓主已是一名精明的消費者，事前已周圍格价。而樓主自己也是服務行業 ...
我相信每一位新人也是會為自己的婚禮四出搜尋資料,將婚禮成本控制在預算之內,格價也是情有可原...
就是因為價格平宜,相對服務也是如此差嗎??
如果說2萬多元所收到的是這般質素的服務,那要多少錢才會收到好的服務呢??10萬?50萬?還是100萬呢?
老實說,跟其他幾間比較,價格相差也不超過四千大元,如果相差一萬大元或以上呢?
是不是會遇到比現在還更差的對待呢?
他有沒有多賺我? 我不知道,價格是他訂的
如果他不想少賺了,或者可考慮超過半年以上才攝影的訂單不接,那就不會造成因匯率改變而引起的損失..
我只知道,如果我的客人跟我購買了服務,若果沒有定下有效日期,即使客人3年後才來享受服務,我也不能因成本上漲問題而改動客人原有的服務內容或偷工減料來降低自己公司的成本損失..
公司誠信....我想這東西比任何事來得重要!
錢賺少了不重要,一間公司誠信可靠的話,自然會客人介紹客人,財源滾滾來
若一間公司連誠信也沒有了,請問如何財源滾滾來呢?

作為一間中介公司,當然不會只得我一位客人..
我估計每天都會應對多個一位以上的客人吧?
每位客人都會有他們的不同需要,作為一間客似雲來的中介
我想,他不會不用紙,筆或電腦記下每位客人的要求吧?光靠人腦那麼利害?有LUCY般開啟了100%的腦袋?
更何況當時現場,他是有用紙,筆記下我的需要.而事後另一位職員說沒有見過,也是中介公司自己的問題.
記錄了客人要求的備忘錄,如此重要的一張紙..
為何隨便放置而導致遺失呢?
若果沒有遺失,那就是內部溝通問題了..
將客人個案轉交別人負責,不是要將所有重要文件移交的嗎??
假如不是心中有鬼,何以我取消不加外景時,反而免費送贈服務給我呢?
難道是公司的傳統? 會向每位取消服務的客人送禮?
如果是這樣的話,我真的是誤會他了,原來是他公司的傳統....

由始至終,我要追討的是攝影室,而不是要中介代替攝影室賠償給我..
現在不單只沒有幫我追討,更和攝影室連成一線...
如果這樣,那我跟自己直接和攝影室接洽沒分別..
自己直接和攝影室接洽-->收相後有問題自己追究-->攝影室拒絕賠償
跟現在有分別嗎?
那為何收取我的中介費呢?
他又做過些什麼呢?? 打電話,電郵代訂...??
我想..這些我懂..我身邊的朋友也懂..

我相信我不是精明的消費者..
精明的話就不會落得如此下場吧...

或者今晚我跟先生溝通,可能會公開韓國攝影室修改前及後的婚照來證明吧..
私人傳訊

rainbow666


複式洋房

積分: 257


20#
發表於 14-9-5 11:07 |顯示全部帖子
Push
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見