夫婦情感今日: 4|主題: 42450

收藏本版

發帖

返回列表

跳至頁

樓主: VIVIANLOVEBB

積分: 81523

1^#

發表於 13-12-21 22:55 |顯示全部帖子

回覆：女人嫁錯人係精神上的折磨

其實，人就係無個樣恨個樣～

好多女仔未有拖拍就恨拍拖，到拍緊拖說恨結婚，想當年我自己恨嫁到不得了，「童景」婚後生活點樣美好，可以同心愛的人日日見面，一齊建立家庭，但點知原來婚後一齊生活過，先發覺我老公有好多懷習慣係我婚前唔知道既，完全同我想像中好唔同，因為我的幻想係單方面既，但生活係雙方面既～

到左依架我結左婚生左女女之後我就做左ftm，呢種生活正正係我由細到大的心願，我細細個就好恨結婚生bb唔使返工湊bb，雖然我依架都好enjoy，但我發覺自己同老公係湊同教育小朋友方面都有頗大的分歧～

點評

chungyanyan 估唔到有人同我咁發表於 14-2-6 18:46

madkk32 先再商量, 呢D好少事! 發表於 14-1-16 18:16

VIVIANLOVEBB 之前好恨嫁！發表於 14-1-3 11:16

私人傳訊

小manman

翡翠宮

積分: 81523

2^#

發表於 14-1-16 19:06 |顯示全部帖子

回覆：女人嫁錯人係精神上的折磨

其實，我都唔知自己算唔算嫁錯人，亦啊知佢算啊算婚前婚後兩個樣

有部份優點係結婚前我已經buy佢，我鍾意佢生活比較簡單，唔會出去同朋友打波、飲酒飲天光……仲有唔好打機，同埋專一，個人好有交帶，會自己報到，日日放工盡時返屋企，又無乜秘密，唔會話要私人空間，令我好有安全感，呢d係婚前響後無變過～

但結婚前我buy佢對我好同脾氣好，但婚後就唔同左，唔知係唔係佢唔中所講，長期返通頂的人係燥底d，婚後佢成日同我講工作壓力好大，成把話累好眼訓，成日覺得佢好無朝氣～

但婚前已知的缺點，當然婚後都一樣，無情趣、悶蛋、個人好木、唔識氹人、唔會講甜言蜜語～

但婚後佢好顧家，一出糧就攞哂返黎屋企，出雙糧就交比我分配，同埋日日放工都會問我冇無野環幫我買，佢會幫我買餸，屋企8成日用品都係佢負責買～

不過，有d野就係婚後一齊生活先知，可能拍拖個陣我盲左睇唔到，又或者日日見住問題越見明顯，我同佢係使錢方面的價值觀好唔同，而且我做事比較性急，佢做野好鍾意拖，個人超無手尾，同埋非常唔細心，最鍾意話親佢就話「我點知姐，我唔知呀嘛」，好多野我諗住正常人見到唔使人叫都會幫手，點知佢可以無動於衷，我激氣過好多次，話佢就話我都無叫佢幫手，但我覺得大人大者要叫就大家無癮喇，之後佢好坦白同我講，我要佢幫手真係要出聲，如果我出聲佢一定幫，但唔好旨意佢佢好醒目會自動波，佢咗講我又了解多左佢一樣野，唔使激死自己唔少細胞～

另外，我見有jm話 d男人人前人後兩個樣，我初頭都有少少覺得我老公係咁，但後黎經我觀察，佢唔似係專登同扮野，因為佢無咁醒目識咁做，同埋，曾經我覺得佢好怪，好難了解佢，因為我有時做同一件事or講同一番說話，佢係唔同時候會有唔同的反應，後黎經我觀察我覺得佢係好睇自己心情行事，當佢心情大好時，佢好多野好易話圍，但當佢心情唔好時，佢就好似睇乜都唔順眼，所以當同朋友、親戚有聚會時，佢因為心情好就會好多野講，見到咁多人同個女玩佢會好開心，對我把口都甜d，但係屋企佢就好多時唔出聲，又或者會黑面，所以初頭會覺得佢好似帶住假面具咁，但其實唔係～