身邊有兩個事件
Case1:
上星期六早上同大姨見面,一向佢都知自己新抱同細女不和,出黎飲茶就同我們呻佢幾十歲人還要晒心力做和事佬,教女時幫人教女,幫人教女後自己個仔又唔知聽到咩說話又唔多彩佢阿媽,佢覺得好人難做。
就好似自己細女一向早上9:00沖涼化妝吹頭髮用一粒鍾,廿幾年來大家夾好時間細女返最遲冇人會用浴室,新抱就要9:30前出門返工剛剛有半粒鍾時間碰撞,甘最初見佢哋互相搶來搶去暗地單打,佢都有出聲不如早出門嘅新抱早多15-20分鐘入洗手間,用完還可以早出門食早餐。又同個細女講用少15-20分鐘快手快腳更可以訓多陣。當然最後大家都唔讓加斗來斗去,去到一個位個新抱黑埋奶奶面彩都唔彩就返工,個女有皮氣就始終都喺自己個女,阿媽大聲話完個女,個女大聲駁斥阿媽兩日後又冇事返,唔似新抱拖埋個仔入房同住都少見面,入屋有hi走人bye都冇。
我們旁觀聽完她呻,當然唔多俾意見,最多講句樓價快跌佢兩個快處理倒喇。當然我知道比我老媽子多,就知道儲舊錢有排喇,因為嗰兩公婆每年要去旅行兩次,要收名牌珠仔記念經歷……
Case2:
當晚我有朋友聚會,一大班舊朋友girl talk,大家女人圍埋講咩啊…其中一位舊fd,大學畢業估佢都搵3萬最少,佢老公也是大學生bba出唔會搵唔到工。她話結婚前,奶奶唔俾佢住埋。本來佢打算住入奶奶屋企,奶奶一仔一女諗住到生埋仔,奶奶老爺一係俾舊錢佢哋買大啲,一係住緊層樓留返俾佢哋繼續住。我哋成班朋友唔多講自己心裡打尺,有些想食花生會和議,我們大多讀書冇佢名牌女學校出身,上大學又冇佢搵到最大個兩間讀bba,搵錢當然冇佢多。我們婚後租樓或捱樓按 有多餘錢好似佢甘,周年旅行都話去馬代都cheap,要去英國王子皇妃度蜜月個島,佢結婚更加酒店一卡鑽石要有私家車代步…同時間不斷話冇錢買樓,又話屋企個大姑奶成件老姑婆大公主性格,預佢嫁唔出呻同姑奶相處辛苦望佢早啲走有多間bb房。呢位女仔好睇唔出有呢套思想,外表俾人感覺鍾嘉欣甘講句說話細細聲聲,又高學歷又溫婉又斯文 ,還是個文青女神……
Be positive, Stay stronger,Work harder, Learn Wiser, keep fighter, much smarter