自由講場今日: 125|主題: 1303053

收藏本版

發帖

返回列表

跳至頁

查看: 2411 | 回覆: 2

德國人係咪好孤寒? [複製鏈接]

為食熊

大宅

積分: 2289

1^#

發表於 09-12-4 06:29 |顯示全部帖子 |倒序瀏覽 |打印

今日同我媽講起堂姐嫁左果個德國人（係佢以前老細），佢地宜家住德國，個個鄉下人以為佢嫁左有錢人，但佢同我講過佢地所有支出都要用Excel記數，每次返大陸之前都有整個budget，佢話德國人個個都係數口精，Ｄ數要清清楚楚喎！

佢老公叫過我幫佢在香港買隻手錶，拎埋返大陸俾佢，佢俾歐羅我，張紙仔寫埋兌換率，佢計到小數點後兩個位，岩岩好，仲多左幾豪子（我爸成日笑，話我突登去ＴＳＴ幫佢買，又要拎到黎大陸（隻錶都三千幾，我唔放行李的，驚唔見），車錢都蝕埋喎，其實我又唔係好介意佢計到甘盡，就算佢計整數，都唔多得幾多錢啦，不過我諗唔通德國人真係要計到甘盡？！

另外，堂姐第一年返去派利是，竟然人人都封５蚊人仔，包括我妹都係（我屋企同佢屋企好好熟的），我果時都帶左Ｄ十蚊利是諗住派俾Ｄ嗌唔出名既大陸人，但派唔出手，最後都係派廿蚊俾Ｄ唔識既人，５蚊係歐羅五毫子，點派得出手架？！

佢之前同我講德國人求婚戒指係無鑽石的，結婚果隻先有，但佢結婚果隻都無？唔通係佢老公自己作故仔，唔駛買鑽石？

我哥工作上會成日接觸歐洲人，佢都話德國人好孤寒，我只識呢個德國人，所以好奇想知係咪真係算死草？？