Baby Kingdom - 親子王國 香港 討論區 › 首頁 › 自由講場› C6一放假就俾好大壓力我

自由講場

收藏本版
發帖
返回列表
跳至頁

首頁
1

尾頁
   0
為食熊


大宅

積分: 2289


1#
發表於 11-6-7 11:42 |顯示全部帖子
終於又放完假了，呢幾日好辛苦！C6好鍾意出街，對所有事物都好奇，但我係宅女，鍾意留在屋企hea, 每個禮拜六之前C6就要問我呢個weekend有乜節目，要我plan（因為佢黎左HK唔係好耐，唔識地方，所有地方對佢都好有新鮮感），我真係好大壓力，點都要唧Ｄ野出黎應酬佢，如果我話無，佢就話佢會一個人出街（我想佢在家陪我），又話一個人去睇戲，我覺得佢威脅緊我，即係話我唔講有咩地方去，佢就會留我一個在家。我宜家大肚，天氣又熱，出去真係好辛苦，就算行商場我都好快會累，佢好唔體諒我，有時我好憎佢呢樣野！

我覺得同佢愈來愈有距離，以前在美國時，佢一樣係會計劃晒一個禮拜既行程，我無所謂，跟佢上車就得，宜家要我諗，老實講，香港有幾多地方去呀？我又唔鍾意睇戲（唔鍾意坐定定兩粒鐘），佢又超鍾意，我鍾意唱K, 佢又唔識唱中文。終於前兩日同佢嘈左一餐，就係lunch時佢在家係甘問我想食乜，我叫佢諗，佢又叫番我，我都話無所謂架啦，之後又要問食完去邊，我真係好火囉！我寧願佢返工時，我一個人在家食無定時，自由自在！

為左放假去邊有咩計劃，我地已經吵左無數次，我都累了，之前佢仲成日叫我去旅行，唔去遠都去近，例如大陸，唔會諗下我大肚會累又要坐飛機，直到我嚇佢係咪想我在大陸中途生個BB等佢做大陸人先唔再講。佢好似有無窮的精力，我細佢十幾年對住佢都好辛苦，宜家希望生個BB出黎，等BB陪佢去Ｄ地方，唔好再煩我！！！（呻完舒服晒）
私人傳訊

為食熊


大宅

積分: 2289


2#
發表於 11-6-7 20:53 |顯示全部帖子
其實我上兩個禮拜已經email左佢, 講我感受, 佢有道歉同埋話自己自私, 甘呢兩個禮拜佢有改善, 就係無再一個人去睇戲!但仍然改唔到每個禮拜expect有節目！搵香港景點唔難呀，但係咪要我同佢去到甘遠呀！？

我地無車，因為住在港鐵上蓋，樓下港鐵車位少之又少，就算宜家入紙，排隊都要等七個月！同埋無人會保證七個月後有人唔租車位放出黎囉！我唔想甘快搬屋，因為住左一年咋，想住多陣先！

對住佢有時真係好辛苦，每個禮拜六日要搵節目去entertain佢，已經同佢買左好多DVD, 佢又話難得放假駛乜留在屋企睇碟！又話我個人好悶，我唔知佢想要幾多fun呢！？有幾次為呢Ｄ事嘈交嘈到我肚痛，搞到我好憎佢，唔為我都為下個BB呀！做老公既唔體諒不得止，仲要俾壓力我，每個禮拜好似老闆甘要我出weekend proposal, 答唔到就放我一個人在屋企，真係愈講愈嬲！
私人傳訊

為食熊


大宅

積分: 2289


3#
發表於 11-6-7 22:39 |顯示全部帖子
回覆 tlw 的帖子

以前我地在美國生活，遊山玩水都好開心，因為好多大自然，同埋天氣無甘熱，又有車，好舒服！但HK我已經熟晒，無晒衝勁想去explore, 加上天氣熱，人又多，真係唔想出街！我唔係結左婚先變臉囉！其實我同佢鍾意做既野完全唔同，只不過性格相近，想法一致。

可能我宜家大肚，佢仲要求我成日同佢出街令我好反感啦！佢話日日返工，難得放假，無理由留在屋企，我同佢相反，果時我日日返工，就係等放假留在屋企休息！佢又要扮民主，話唔阻我休息，佢會plan自己既節目，我一聽到又同佢開拖！
私人傳訊

為食熊


大宅

積分: 2289


4#
發表於 11-6-7 23:15 |顯示全部帖子
c6唔係鬼，係ABC, 唉，上星期我地行商場，我肚痛，發脾氣，佢都無tum我，仲話話比佢聽無用，佢又唔係醫生！我真係不吐不快，佢好演技，全世界都以為佢係絕世好老公，我屈埋好耐架啦，只可以網上呻，我為咗佢，上個月仲同佢出海釣墨魚！

國慶日佢仲話想睇解放軍步操，好在佢唔識撲飛咋！八月又話同我去美食展，我都就生得啦！我就嚟谷到爆了！

私人傳訊

為食熊


大宅

積分: 2289


5#
發表於 11-6-8 09:49 |顯示全部帖子
C6無朋友，最多都係放工同事叫佢去老蘭飲野，我屋企人就得我媽會陪佢睇戲，行會展，行所有地方，今年花市好彩有我屋企人同佢去，如果唔係又俾佢迫我去維園同人迫！佢唔會諗下甘多人會有碰撞架？我聽到佢話八月去美食展我就嬲，佢就話唔駛我去，我媽會同佢去喎！

宜家天氣熱，個人係燥Ｄ，加上大肚婆情緒又唔好，我都話佢，無野令我動胎氣，除左佢，真係無諗過令我肚痛既竟然會係老公囉！

同佢買埋甘多DVD都唔睇，仲有每晚開住個電腦download幾十套戲，整到個driver滿晒，電腦又慢，未見過佢睇一個video！好似有心癮甘，純粹儲戲！又唔見佢留在屋企睇佢呢Ｄ垃圾！

我係好鍾意游水，但我好易曬黑，所以呢十年我都只會黃昏先去泳池，無車渣去沙灘，回家車程會好遠，個頭又濕立立，好辛苦！C6唔識游水，所以佢從未想去沙灘玩！佢好鍾意曬太陽，佢仲白過白鬼！所以夏天我地多數黃昏先出街。

以前在美國佢都有一個人去睇戲，但次數無甘多，宜家一星期都會最少一次，係自從我爆左佢之後，佢無再去，因為我話為個BB好，點都要忍埋我呢幾個月，如果唔係，後果自負。

我唔係成日發佢脾氣，無幾個月先一次，積積埋埋先一次過，我覺得佢好唔生性，下次再生BB之前一定要同佢約法三章！

我地宜家唯一共同喜好係買BB野，我都唔知點解會嫁佢，以前Ｄ男友個個好就我，但最後我都無揀佢地，可能覺得佢地悶，但宜家呢個好激心！如果佢屋企人在HK, 我一定會打佢小報告，話佢個仔成日扯我出街，一係就留我在家，同我鬧交，搞到佢個孫訓得唔安樂，到時佢實俾人媽爆！
私人傳訊

為食熊


大宅

積分: 2289


6#
發表於 11-6-8 09:58 |顯示全部帖子
回覆 suilangmui 的帖子

甘你地點解唔返美國？
無錯，我在HK大，唔係所有地方都去過，但無興趣去！尤其係宜家甘熱，邊個唔想在家嘆冷氣上下網呀？我地出街都無咩錢要洗既，最多咪食飯，shopping無可能次次都有斬獲姐！佢上星期無啦啦又話想去深水步呀！痴架咩！又熱又多人！最憎深水步，成條街都係男人，仲要宜家實係發臭果Ｄ！我都係無同佢去！
私人傳訊

為食熊


大宅

積分: 2289


7#
發表於 11-6-8 10:04 |顯示全部帖子
老實講，我唔係懶呀！自從我無返工後，我就閒日清潔家居，吸塵拖地，以前就係逢星期日我同佢分工合作，宜家佢梗係太得閒啦！雖然佢有叫我唔好做，等佢星期日做，我都係錫佢，費事佢返完工仲要做家務姐，點知做就左佢甘得閒諗野去激我，真係好人難做！

宜家我得閒到將佢鍾意食既水果切好晒放雪櫃，佢夜晚一路睇電視一路食，一隻叉都唔駛佢洗，唔知係咪我服侍得佢太好，無用盡佢既精力，所以佢要搵地方去！

點評

sunha  比返D嘢佢做啦, 就慣斯勢. 第日生咗你做得晒所有嘢?  發表於 11-6-8 10:17
私人傳訊

為食熊


大宅

積分: 2289


8#
發表於 11-6-8 12:06 |顯示全部帖子
回覆 OneTwoThree 的帖子

我阿媽都同C6好夾架，我爸又係宅男，唔睇戲，幾十年都無同我媽睇，宜家我媽有伴了！我相信BB出世後，佢會自己帶BB出去，掉低我在家！我唔係唔鍾意去旅行，只係宜家大肚唔去得，去得都行兩行就累！所以我咪話佢唔生性囉！我覺得全世界都可以唔就大肚婆，但作為老公係咪應該最就個老婆呀？我以前唔怕熱，宜家我好似身有個火球甘！

唔好講到我唔心足，不如話C6唔心足，我相信在美國唔會有個鬼婆對佢好似我甘對佢囉！佢未同過中國人拍拖，第一個就係我，佢梗係搵唔到過比我好先會娶我啦！想鬼婆服侍佢？俾錢都未必得啦！

佢除左鍾意出街，仲係超爛電視迷，食晚飯要仆返屋企睇電視！連宜家套花家姐都唔放過，我其實好憎人開電視，我要好靜環境，佢日開夜開我都無話過佢！

不過除非佢有第三者，否則我都唔會諗住離開佢，我只係呻下姐！唔呻我又會谷埋然後爆佢！
私人傳訊

為食熊


大宅

積分: 2289


9#
發表於 11-6-9 11:22 |顯示全部帖子
kay4884 發表於 11-6-8 13:21
睇晒全部留言......真係有啲無言

但係樓主,一味話你c佬唔生性,但你自己又有幾生性呢?行行吓街肚痛都發你老 ...
我大肚唔係大晒，所以我話全世界都可以唔就我，但要求個老公就自己都唔係過份呀！講真呀，我大住個肚去乜展物展，俾人撞親都唔抵可憐啦！佢都唔諗下既！
如果我C6唔係個個禮拜都要出街，間中一兩次，我唔會有異議架！我明白你話個老公日日做工，你想出都無得出，甘如果我係你，我都會想出下街，物以罕為貴嘛！
我有試過陪佢睇戲，佢好鍾意睇科幻戲，真係嘈到我頂唔順，精神虐待，愈嘈佢就愈鍾意！所以真係無辦法陪佢！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見