夫婦情感今日: 5|主題: 42445

收藏本版

發帖

返回列表

跳至頁

查看: 1966 | 回覆: 2

一件很煩惱的事,不知應如何做決定. [複製鏈接]

yst424

大宅

積分: 1420

1^#

發表於 07-5-10 14:36 |顯示全部帖子

Re: 一件很煩惱的事,不知應如何做決定.

其實你心目中都已經有左答案喇,好明顯地你知道佢係呃你囉,不過我好想知道,點解你又知個賤女人上個月打過比佢既,同埋如果佢話去飲滿月酒,又話唔知幾時會返,最衰既就係連電話都唔開等等,佢去歐洲飲呀,依家通宵過關架,我就唔信係因為交通問題而返唔到黎囉,有心既,幾夜都會趕返黎屋企,擺明依家就係同個賤女人x斷絲連啦,面就係地比,假就自己掉既,同埋佢自己以前衰過,又話立心改過既話,又明白同體諒你過往有幾咁痛苦既話,佢根本就唔會上去飲囉(唔好理真定假),但係好明顯,佢根本無理你感受,你自己好好諗清楚去向,究竟呢個男人仲值唔值得你去愛囉,我地旁人只可以比意見你,但係唔可以代你去決定去或留,你明白嗎

little_kiki 寫道:
丈夫他在兩年前在內地有外遇,拖拉到今年,他好像真的決定改過,給他機會.但在早一個月前那內地女子曾致電找他.
昨天,他跟我說到深圳去飲同事的滿月酒,晚上十時多曾找他,他說不知什麼時候回來.之後到現在我一直都找不到他,他亦沒有回家.
應該如何是好?曾經好明確跟他說明不容許他不回家睡.更不能接受他失蹤,昨晚整整一晚都睡不著,不停地致電給一個接駁到留言信箱的電話.
很痛苦.

私人傳訊

yst424

大宅

積分: 1420

2^#

發表於 07-5-10 14:58 |顯示全部帖子

Re: 一件很煩惱的事,不知應如何做決定.

你唔係唔知點去面對bb,而係你唔接受現實,所以你唔係可憐bb,而係要可憐自己,同埋就算有bb又點,唔理你依家係大梗肚又好,bb出左世又好,佢係要對你負責任既,佢就一定會自動自覺囉,就算真係做左單親又點o者,都唔代表唔開心架,同埋你要知道一樣野,機會你已經比過佢/比左佢,只係佢唔珍惜o者,佢唔要你同bb,呃你等等,都係因為佢無咁既福氣同你一齊咋,唔好再為呢種人浪費自己青春同時間,好好照顧bb啦,你今日既付出,將來一定有回報架,同樣地,佢今日咁對你地,將來佢一定有報應囉

little_kiki 寫道:
是,我真的很沒用,整晚一直在替他找籍口.

滿月酒的帖我看過了,他真的是去了飲.
那女的說已回了家鄉,沒辦法見面了.
他只是貪玩跟朋友去玩,晚一點會回來.
天光了,可能喝醉了到朋友家睡.

這都是我整晚幫他想的籍口,但相信任何一個外人看,都不會相信罷.
多謝你們的說話,很多事自己明白但偏偏會加上各種籍口去找他解釋,甚至是他半句也沒有跟過我說,也還代他說謊來騙自己.
可憐我不知如何面對bb.

私人傳訊

yst424

大宅

積分: 1420

3^#

發表於 07-5-10 15:27 |顯示全部帖子

Re: 一件很煩惱的事,不知應如何做決定.

請你唔好誤會,我唔係鬧你,只係我見你到咁樣比個衰人呃,我真係好睇唔過眼囉,十幾年感情又點,你對佢痴心一片,佢只係當你痴左線咋,幾多年感情都好,佢係唔珍惜你就係唔珍惜你,你依家唔孤孤身一人,你仲有BB陪你,不過人係有一刻會突然清醒既,希望你呢一刻快D到,我有個好朋友既父母,佢地幾十年黎都好恩愛,又係比人視為無範夫婦,佢地成60幾歲喇,不過個男人,最終都係因為一個20幾歲既女人而離開佢地走左去,臨走前仲同一個同自己生活左30幾年既老婆講:你都無佢對我咁好,你又唔夠佢靚,總之咩都唔夠佢好啦(佢即係指個女人)...........我朋友個媽媽幾傷心,無諗過以往對佢好好,好錫佢既老公竟然一朝變臉,不過佢都好快睇得開,因為D仔女好錫佢,只要你有BB或者其他事情做寄託,你就唔會成日沉迷係呢個階段,成日去轉牛角尖喇,加油啦,你只欠一步咋,呢一步就係對自己同BB將來既一步呀 ,同埋你話BB4歲,一個人負擔唔到,你要記住一樣野,就算你同佢繼續一齊唔分開,都難保佢有一日走左去唔理你地架,到時咪又會一毫子都唔會過你手,係唔係