Baby Kingdom - 親子王國 香港 討論區 › 首頁 › 自由講場› 好擔心，爸爸出事

自由講場

收藏本版
發帖
返回列表
跳至頁
好擔心，爸爸出事   [複製鏈接]

首頁
1

尾頁
   2
麟媽媽


王國長老

積分: 82645

好媽媽勳章 王國長老


1#
發表於 17-7-18 09:57 |顯示全部帖子
我爸爸80歲，洗腎（血液透析）已經半年，情況很好。我爸亦係糖尿引至腎衰竭的，佢功能更差，你爸有三成當時我爸只剩一成！本來佢唔肯洗腎，但後來腎功能引至的痛症同後遺症越來越多，不得不洗。我哋冇選擇洗肚（腹膜透析）因為一日做太多次，又怕腹腔做口易感染，所以去洗腎中心洗血。現在一星期洗2次，我爸好精神又有番胃口，又唔使介口介得咁清，生活質素比之前好，你知道老人家戒口好唔聽話架嘛。洗血比洗肚好，但費用相對高好多。千祈唔好亂食中藥，中藥入邊好多重金屬，影響損害腎功能的。
私人傳訊

麟媽媽


王國長老

積分: 82645

好媽媽勳章 王國長老


2#
發表於 17-7-18 10:02 |顯示全部帖子
樓主，腎衰竭病人要小心進食，鉀同鏻係可以對腎臟好大傷害，問醫生拎個單張了解乜食物含高鉀/鏻，未洗腎之前要好好戒口。
私人傳訊

麟媽媽


王國長老

積分: 82645

好媽媽勳章 王國長老


3#
發表於 17-7-18 10:06 |顯示全部帖子
嫂子户 發表於 17-7-18 10:01
想問一下，我老爺腎功能指數係17X,，佢76歳，醫生話指數500先要洗腎，咁去看中醫調理一下好唔好？（西醫話 ...

醫生無錯，正常人係100 ，500毒素都好高，我爸爸洗腎之前爆標入院，當時佢指數係800！入咗ICU緊急洗血，執返條命仔。好多植物都含好高鉀，所以食中藥係好高風險，我唔會建議，因為每一劑中藥入面，實在太多唔同嘅植物，腎臟係頂唔順啲重金屬架。
私人傳訊

麟媽媽


王國長老

積分: 82645

好媽媽勳章 王國長老


4#
發表於 17-7-18 11:16 |顯示全部帖子
貓咪達人 發表於 17-7-18 11:04
你好麟媽媽，多謝你分享先
我爸爸一直都睇開政府醫院，因為經濟原因，冇能力長期到私家醫治，想請教一下， ...

我爸爸亦都係睇政府腎科嘅，首先要了解乜嘢係洗腎？香港常用嘅洗腎方法有兩種，腹膜透析（簡稱洗肚）同埋血液透析（簡稱洗血）
腹膜透析係於肚上面開一個造口，有兩條導管一出一入，每日做二至三次，將藥水灌入腹腔而將體內毒素釋出，呢個療程係可以係屋企自己做嘅，不過老人家未必handle 到，可能需要有人幫佢做。另一樣血液透析，係要去洗腎中心做嘅，全程由醫護人員處理，將血液抽出過機洗去毒素再注入體內，過程大約2至3小時，每星期二至三次，因人而定。
香港政府係有資助腎病患者做透析治療，可惜只限於洗肚，如果想做洗血就要患者支付有關嘅醫療支出。

私人傳訊

麟媽媽


王國長老

積分: 82645

好媽媽勳章 王國長老


5#
發表於 17-7-18 11:28 |顯示全部帖子
至於我爸開始洗腎之後，精神尚算幾好，洗腎過程佢就訓下又或者睇住電視咁囉，我哋姊妹多，就輪流接送佢往來洗腎中心，係落雨麻煩啲啫。之前未洗腎，戒口好嚴格，我老豆又扭計又偷食，激到我地死死下，而家洗咗腎，醫生就話唔使戒得咁清，講真我爸爸都80歲，我哋花錢洗腎唔係想佢活多十年八年，只係想佢生命質素好啲，後期腎衰竭積水嚴重，食嘢都食唔落，手腫腳腫，我爸爸因為腎影響，年初背部劇痛，行都行唔到要坐輪椅，坐低瞓低都好痛！洗腎之後呢啲情況全部改善，洗血唯一唔好係次次都係手度拮針，初時我爸爸隻手拮到瘀晒，見到都肉痛。
私人傳訊

麟媽媽


王國長老

積分: 82645

好媽媽勳章 王國長老


6#
發表於 17-7-18 11:50 |顯示全部帖子
再講下洗腎費用，如果做洗肚，政府係有資助，洗肚藥水十蚊一包，每日約三包，另加導管配件，一個月大約三幾千。而家亦都有啲洗肚機可租借，過夜時候洗肚，呢種方法都幾好，因為係瞓覺嘅時候做，不過要有人喺左近，如果中途有乜嘢事，個機響家人可以幫手。
洗血嘅費用就高得多，如果去私家醫院嘅洗血中心，每一次嘅費用可以係幾千蚊，一個月要幾萬蚊， 十分高昂！不過，亦有一啲慈善機構資助嘅洗腎中心，洗腎費用平啲，每次千幾蚊，我爸爸就係呢類洗腎中心洗血，每個月洗血費用連埋醫生檢查，約$15000-17000。呢類慈善機構洗腎中心，床位有限要排隊架，我哋都排左一段日子，因為我老豆扭扭零零唔肯洗，到佢肯洗嘅時候剛好輪到，我哋真係好好彩，如果去私家真係燒銀紙架。
私人傳訊

麟媽媽


王國長老

積分: 82645

好媽媽勳章 王國長老


7#
發表於 17-7-18 12:02 |顯示全部帖子
morikawa 發表於 17-7-18 11:54
洗血好貴，未必人人負擔得起

我明白，好在政府有資助冼肚費用。當然，洗肚之後病人活動能力少左，成日就係屋企等洗肚，我爸爸因為咁所以唔肯洗肚。加上腹腔有造口，感染機會自然高d，但洗肚好處係成本比較低，費用有限。
私人傳訊

麟媽媽


王國長老

積分: 82645

好媽媽勳章 王國長老


8#
發表於 17-7-18 12:10 |顯示全部帖子
樓主唔好太擔心，當年我老爺都係做腹腔透析，洗肚洗得好的話，我老爺都洗肚左差不多10年先至過身。
私人傳訊

麟媽媽


王國長老

積分: 82645

好媽媽勳章 王國長老


9#
發表於 17-7-18 15:27 |顯示全部帖子
旻旻豬 發表於 17-7-18 15:09
15000-17000是已計了政府資助後嗎？洗血中心是各醫院都有嗎？如洗血受感染机會是否比洗肚會低D？
不好意思 ...

洗血政府係零資助的，每月萬幾係慈善機構資助的洗血中心，政府醫院係可以比到你住嗰區附近資助洗血中心資料比你嘅。洗血風險比洗肚低都係指感染問題，因為洗肚有造口而洗血由醫護人員處理，咁風險低d。不過唔代表洗血係最好嘅選擇，都要睇埋個人嘅體質，比如血壓高如果洗血風險又會高啲，因為大量抽取血液進出體內，血壓唔穩定嘅話都有風險，所以最好由醫生評估用邊一個方法比較理想。
私人傳訊

麟媽媽


王國長老

積分: 82645

好媽媽勳章 王國長老


10#
發表於 17-7-18 15:35 |顯示全部帖子
旻旻豬 發表於 17-7-18 15:09
15000-17000是已計了政府資助後嗎？洗血中心是各醫院都有嗎？如洗血受感染机會是否比洗肚會低D？
不好意思 ...

原來你媽媽已經89了！如果而家食得瞓得就唔好考慮洗腎了，因為洗肚之前要做手術安裝導管於腹腔，而洗血亦要做一個手血管手術將來洗血用。89歲如果身體尚可的，就無謂要佢老人家做咁多手術，我爸爸做血管手時係79歲。
私人傳訊

麟媽媽


王國長老

積分: 82645

好媽媽勳章 王國長老


11#
發表於 17-7-18 15:38 |顯示全部帖子
PCMW 發表於 17-7-18 15:34
聽講用芫荽煲水日日飲，聽講可以洗乾淨個腎

大多深綠色植物都含高鉀，而鉀係好傷腎的，如果真係有腎衰竭，唔好胡亂服用偏方。
私人傳訊

麟媽媽


王國長老

積分: 82645

好媽媽勳章 王國長老


12#
發表於 17-7-18 17:27 |顯示全部帖子
貓咪達人 發表於 17-7-18 17:02
見到你咁講，有返小小曙光感覺，我老爸身體開始機能唔好，行路都唔可以太耐，好怕佢腎出埋事後，就好快離開 ...

樓主，你唔使咁心灰，我爸爸由第一日醫生叫佢洗腎到佢腎功能得返幾個巴仙開始洗腎，足足拉鋸左三至四年！政府醫生亦都講明，資源有限唔係個個病人會Offer洗腎呢個option ,話如果我老豆再扭扭零零，可以安排佢去紓緩治療，我老豆問乜嘢叫做紓緩治療？醫生就答佢即是善終服務！我老豆當時㷫過火屎，嬲個醫生叫佢等死，我咪話我老豆囉，人哋安排你洗腎係俾個選擇俾你，你而家意識清醒，無人可以幫你做決定，我老爸係一個好硬頸嘅人，最初話寧願死都唔會洗腎，但到末期腎衰竭帶來嘅痛症同副作用係佢承受唔到，最終都要簽字洗腎。其實你爸爸都仍未到末期，醫生Offer洗腎都係想舒緩佢嘅病情，最終你哋決定洗定唔洗，都係你爸爸話事。所以都要得到老人家嘅意願，做仔女只可以做多d research 同醫生多了解溝通, 幫佢哋分析利害。
私人傳訊

麟媽媽


王國長老

積分: 82645

好媽媽勳章 王國長老


13#
發表於 17-7-18 17:31 |顯示全部帖子
bluegor 發表於 17-7-18 17:10
積極面對，你擔心嗰個樣掛左响塊面度，爸爸見到你個樣咁，會擔心埋你喎。
我比較縱奶奶，只要佢肯食，都會 ...

我哋全家人都好positive 總之一家人齊心一定可以解決到問題。我老豆依家直頭放縱添啦，上星期先去食buffet, 因為醫生話洗血已經洗左啲毒素，所以可以食多啲。我哋都由得佢，希望佢有生之年，食得瞓得就好啦。
私人傳訊

麟媽媽


王國長老

積分: 82645

好媽媽勳章 王國長老


14#
發表於 17-7-18 18:06 |顯示全部帖子
旻旻豬 發表於 17-7-18 17:46
明白，謝謝你回覆。其實醫生說過這個年紀咩都唔做，，喜歡吃的給她吃，只是我担心如去到末期又不洗腎她會 ...

醫生都有分析過，佢話有啲人毒素高上咗腦，暈咗咁就熄燈，冇乜痛苦幾生修到，我老爺就係咁，洗咗肚就快10年，早上刷牙嘅時候暈咗，咁就做咗神仙。
私人傳訊

麟媽媽


王國長老

積分: 82645

好媽媽勳章 王國長老


15#
發表於 17-7-18 18:49 |顯示全部帖子

回覆樓主

其實好高興係呢度見到好多同路人，年紀有返咁上下，父母健康出現問題在所難免。剛剛上Facebook ,原來舊年今日我老豆剛剛由ICU轉出普通病房，記得舊年呢個時候，係我呢一生人感到最驚惶同埋無助！當時我亦都係一晚望天光，一晚瞓得着，仲要安慰日日以淚洗臉嘅媽子。唔好見我好似好輕鬆講述洗腎嘅種種，只係而家我爸爸嘅病情穩定落嚟，我看似輕鬆。
大家要好好珍惜父母係身邊嘅日子，有病嘅佢哋情緒係唔會太好，可能會變得暴躁可能會變得唔講道理，但大家就忍耐一下，講真，要忍又需要忍幾多年呢？共勉之！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見