夫婦情感今日: 10|主題: 42455

收藏本版

發帖

返回列表

跳至頁

查看: 4241 | 回覆: 2

如果係你! [複製鏈接]

wmpl

大宅

積分: 3000

1^#

發表於 08-11-20 16:32 |顯示全部帖子

如果為咗生活質素先至扮冇嘢,,咁個女人愛極個男人都有限啦,,駛咩講到自己咁偉大啫??就算同個男人離婚都會有贍養費,,唔會乜都冇架噃,,係冇以前咁好啫,,如果係好愛個男人嘅,,又忍得住口,,唔想離婚嘅,,咪靜觀其變,,對個老公再好啲,,另外又想辦法令到個老公唔好同出面個女人有咁多機會接觸囉,,出面嗰個如果愈嚟愈少機會見面嘅,,一係就同個男人攤牌嘈,,一係就自動退出分手,,咁咪唔駛自己做醜人囉!!

不過都要好肯定個老公會返嚟自己身邊,,又要知道個女人從自己老公身上得到咗幾多嘢??會唔會佢哋嘅感情,,其實已經超越咗自己??先至好搞咁多嘢,,如果唔係,,又為咗生活質素唔想離婚嘅話,,最好就乜都唔好做,,為持原狀算啦!!

私人傳訊

wmpl

大宅

積分: 3000

2^#

發表於 08-11-20 17:17 |顯示全部帖子

原文章由 ume 於 08-11-20 16:39 發表

想提一提，在香港離婚，老婆係無贍養費的，小朋友先會有的。

係喎,,唔該,,冇小朋友係冇贍養費噃,,咁仲要肯定多一件事,,就係出面個女人同佢老公有冇小朋友,,而家冇又唔代表將來都冇噃!!

想要生活質素又要依賴個老公先有,,咁就要忍氣吞聲又或者自己發奮圖強學識自立唔駛靠人,,唔係就講咩都係嘥氣!!

私人傳訊

wmpl

大宅

積分: 3000

3^#

發表於 08-11-21 17:23 |顯示全部帖子

原文章由 LovelyColin 於 08-11-21 09:18 發表
其實我朋友講得比我知!佢一定有小小唔開心!但係佢要顧及好多野!包括自己咁多年冇工作經驗一時間唔知自己可以做咩,自己仲好愛佢先生,自己家人一定要佢先生照顧(我朋友爸爸需要長時間係醫院護理,我朋友又冇兄弟姊妹!), ...

算啦,,咩理由都好,,決定咗唔離開就無謂再想咁多,,其實你朋友都可能係過唔到自己嗰關,,先至揾咁多理由開脫自己,,其實大家都唔係小朋友,,好多現實嘅嘢點會唔明呢??

只係我認為,,與其講咁多理由同籍口去令自己留低變得更合理,,倒不如直接承認仲係好愛個老公,,唔想同佢分開咪仲好,,哩個理由既單純又直接,,既唔駛覺得自己係為咗錢先至留低,,又唔會覺得太自我扭曲,,愛一個人係冇錯嘅,,做朋友嘅都唔好問佢咁多點解唔離開個男,,只會令佢愈嚟愈多理由同籍口!!

到佢自己發現自己有朝一日係完全心死或者個老公真係浪子回頭先至再算啦,,總之咩都好,,如今好明顯嘅一件事就係,,佢唔可以再以為自己永遠都會咁幸福,,世事一定存在變數,,無論佢老公有冇其他女人都好,,花無百日紅哩個道理大家都識,,個男人都未必真係會照顧到佢一世,,叫你朋友好好裝備吓自己先至係最好嘅做法!!

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

夫婦情感 今日: 10|主題: 42455

夫婦情感今日: 10|主題: 42455