夫婦情感

收藏本版
發帖
返回列表
跳至頁

首頁
1

尾頁
   0
wmpl


大宅

積分: 3000


1#
發表於 08-12-6 03:12 |顯示全部帖子
其實我認為唔會無啦啦由愛到要同佢結婚生仔到會有日發現自己唔再愛哩個人,,所以想問你幾個問題,,你覺得真係你唔愛你老公吖??還是佢所做嘅事令你積壓咗太多不滿無法負荷而選擇咗逃避同放棄呢??為咗唔想再受傷害,,就連關心都唔想付出,,咁就唔會失望呢??
私人傳訊

wmpl


大宅

積分: 3000


2#
發表於 08-12-6 03:48 |顯示全部帖子
咁你有冇話過俾佢知,,佢成日懶民主問你意見其實就想控制你係好令人反感呢??

有時又會唔會係佢唔係好識正確表達自己嘅人,,本身性格主觀,,不過就唔係想教你點做,,只係唔識運用語氣用詞,,但你又好在乎佢所講嘅說話,,就俾佢嘅語氣誤導咗對佢嘅感覺呢??

因我睇你老公起碼都仲會撩你講嘢,,想同你溝通,,咁應該都唔會淨係想撩交嗌咁無聊啩!!佢唔鍾意聽你講其他人嘅事,,你認為原因係咩呢??

我就覺得好少男人會對女人嘅話題有興趣,,以前都會要求我C6每次都好用心同認真咁聽我講嘢,,不過後來我覺得咁樣好無謂,,因為我講嘅事其實都唔係咁重要,,如果佢樣樣都要聽入腦就真係好唔得閒,,而且我單方面諗住佢會記得晒我所講嘅說話,,咁樣對大家都好有壓力,,跟住無無謂謂又嗌一場交傷大家感情,,而家我但求佢聽到俾少少反應就算,,如果真係一啲重要嘅事,,我會事前講明佢一定要認真聽清楚同好好記住!!
私人傳訊

wmpl


大宅

積分: 3000


3#
發表於 08-12-9 21:30 |顯示全部帖子
原文章由 紫蘿蘭 於 08-12-8 13:50 發表
樓主你講咗我既心聲, 我嗰個講到出面都話唔明, 因為佢根本唔想做, 諗住同朋友傾下, 但佢未經歷過, 都唔明我, 費時再講, 好似周圍唱衰個老公.

我嗰個都係點講都唔明架......唉,,所以我都放棄lu,,唔係放棄佢,,係放低一定要佢明白我嘅想法先嘅諗法,,因為掉返轉嚟睇,,佢都係覺得我唔明佢,,雖然事實未必係唔明,,但係人呢,,未到一個位,,唔明就唔明,,迫都冇用,,做夫妻又唔好咁執着對方一定要事事明白瞭解自己,,咁樣反而係綁死自己,,揾唔到出口架咋,,男人思維方式係唔會同我哋啲女人一樣架!!

而家我只係要求佢俾我試咗我嘅方法先,,要佢知道咩叫做尊重?!因為我同佢講,,就算我明白佢會點解會咁做,,但都唔等於我認同你,,不過我尊重你,,所以你想咁去做我唔會事事都反對你,,所以你亦都唔好干與我嘅做法!!

有時又唔好唔忍心,,見對方就嚟撞板就太肉緊咁事事提點,,咁樣就會變為嚕唆架la,,人人都有自己想法,,當決定咗一件事要點處理嘅時候就唔想旁人多多聲氣,,旁人講得太多就會覺得煩厭,,哩樣嘢男女都係一樣,,如果講得太多,,對方流露不悅,,又會覺得自己一番心意被寃枉白費,,心生怨憤,,只會爭執收場,,又何必呢??原意只係想為對方好,,但最終就因為小小事而破壞雙方感情,,根本就係本未倒置!!
私人傳訊

wmpl


大宅

積分: 3000


4#
發表於 08-12-11 05:23 |顯示全部帖子
原文章由 velma 於 08-12-9 22:51 發表
wmpl,
咁你同你honey 係咪又係冇咩話題? 至會摷嘢講, 講講下就繼而黑面, 我覺得我就係冇話題, 佢要摷嘢講時, 就會問好多嘢, 再而就係話你唔啱
其實我即使講到好出面, 我估我老公都係改善幾個星期, 又會打回原形, 因 ...

點只試過冇話題摷嘢嚟講變咗嗌交黑面咁簡單??仲試過好多次大家長時間冷戰..最長嗰次仲長達近半年,,日日相見如陌路人,,大家都唔想面對對方,,如非必要都唔會同對方講任何嘢潻啦,,所以我又點會唔明你而家係有幾咁痛苦無奈??!!

唉,,所謂日光之下無新事,,我從來都唔會認為自己嘅經歷係有幾咁特別或無人能明,,更唔會覺得自己係世上特別淒慘嘅一個,,仲認為自己其實都幾幸福潻,,因為我仲可以為感情事而煩惱,,世上有好多人,,每日死捱爛做,,但就連每日兩餐都要苦惱,,仲邊度得閒諗埋啲情情撘撘嘅事??只不過,,感受係自己嘅,,無其他人會完全體會到就係事實,,不過,,試問連同床共枕多年,,一同經歷過好多事嘅另一半都唔明,,又點可以要求其他人去明白你??所以做人有時就真係要放下,,或者你覺得我講嘅嘢唔啱聽,,不過我就覺得唔止你老公,,就連你自己都有啲執着囉!!

我並非指責你,,更唔係話你為夫妻感情而煩惱係多餘,,皆因你我都只是凡人一個,,又點會冇凡人嘅執着同煩惱??我承認自己亦有一啲未能放低嘅事,,只不過見你係有心想改善夫妻關係,,先至講少少自己嘅經驗嚟回應你,,而我又只係認為,,既然選擇留低,,就唔好太計較從前嘅事,,如果真係咁放唔低,,就倒不如直接分開好過,,免得大家又唔願意分開,,但又各不相讓,,表面就話要修好關係,,為對方付出好多咁,,但心裡面就只想對方為以往的過錯作彌補,,所以若感到對方未如自己意時,,不滿就火速上升,,大家就又重提過往,,數對方有咩做錯??數自己忍咗幾多幾辛苦??結果變成不斷地互數不是,,根本就互相折磨!!

一段夫妻或家庭關係,,你丈夫當然有好大責任,,不過佢唔明你點講佢都係唔明,,就好似你未俾火燒過就唔會知俾火燒係幾咁痛一樣?!要重修一段關係,,當中所要付出嘅努力,,愛心及心血皆比要開始一段新嘅關係多好多,,過程亦相當反覆,,好少會一,兩次努力就會見成效,,因為開始時只係得你一個人明白,,好似孤 軍作戰一樣咁無奈,,心情又會大上大落,,時時刻刻都提防驚恐大家又關係破裂,,喺步步為營嘅心態影響下,,人就會變得敏感多疑,,對方若又做出之前令你不滿嘅行為態度,,不安反應就會倍增,,情緒好容易又會陷入於極低迷痛苦之中!!

我唔知我講得啱唔啱,,只係講出我所經歷過嘅事,,如果你有同一感受嘅話,,就先要剔除自己嘅成見,,又要接受自己係一個有情緒嘅人,,唔開心就要適當地發洩,,唔好對自己或對方要求及期望太高,,咁個過程就會比較好過,,要對自己同你先生有信心,,就算今日唔好,,都唔代表以後都唔好,,而家對方可能每兩,,三個星期就發作一次或打回原狀,,但你要認同,,佢都有作出過相當嘅努力,,男人真係好須要認同作為支持佢繼續努力嘅動力,,又憑你哋嘅信念,,反覆發作週期將會愈距愈遠,,不過唔好期望會完全消失,,因為人就係人,,現實就係現實,,兩個人一同生活總會有不同問題出現,,係睇你哋用咩態度去處理而已!!

私人傳訊

wmpl


大宅

積分: 3000


5#
發表於 08-12-11 06:34 |顯示全部帖子
原文章由 MIKI娃娃 於 08-12-11 05:42 發表
唉，點解結婚耐左就無曬感情，我好吾開心，老公頭先話要同我分開一段時間~~~~我可以點，我好愛距

咁佢有冇講出理由,,同要分開幾耐,,你又知唔知佢講真定假??
私人傳訊

wmpl


大宅

積分: 3000


6#
發表於 08-12-16 13:36 |顯示全部帖子
velma,,

好開心見到你同你老公嘅關係有好轉,,祝福你哋會繼續好落去!!
有時啲嘢就係咁奇怪,,直接講出嚟,,對方唔會聽內容,,只係執着你嘅語氣態度,,又會加埋以前嘅事一齊嚟諗,,放唔低成見,,就會好容易變成爭執,,亦好慶幸你老公都係一個有家庭責任嘅好男人,,肯睇你俾佢嘅信,,都係一種愛嘅表現,,你哋大家都要好好珍惜對方,,如果可以嘅話,,不如寫多封短信俾佢,,話多謝佢肯明白你嘅心聲,,希望以後大家都會以此和平方式繼續好好溝通!!

要熱情如火唔難,,但要持續就好難,,當熱度一降低,,又會容易胡思亂想大家是否此情不再??所以我就比較欣賞細水長流式,,平靜中偶有驚喜嘅愛情,,只要大家心裡面都有對方,,肯為對方付出亦接受或認同對方為自己所付出先係最重要!!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見