原文章由 yiuyiu-mum 於 08-6-24 12:30 發表
LOVEBB88:
你試過半身同全身啦,點解會覺得半身好d呢?
我兩個都係全身,就係好想今次半身,但真係好怕,因為我睇電視有d媽媽半身開刀時個樣好似好辛苦咁,有d仲會嘔...我又怕我會feel到痛,因為我係d好怕痛同埋好容易好 ...
我第一胎全身麻醉,我自己本人覺得一醒返之後個人好暈,好辛苦,第二日醫生叫我落o地都覺得好辛苦,個傷口都痛o左好耐,不過我最唔鐘意係個人好耐d麻醉藥都未過。第二胎因為我感冒醫生叫我嘗試o下半身麻醉,我初初都真係好驚,問o下我身邊試過既人,佢覺得感覺好好,另外老公又可以入去陪我,所以我最後決定一試。
一入到手術室,麻醉師會幫我係脊髓打一枝針,不過我唔覺得痛,可能佢落o左麻醉藥,之後醫生開刀,我老公又入o左o黎同我一路傾計,雖然都係有d緊張,不過好快bb就出o左o黎,姑娘就幫我同老公bb影相,時間就好快過,之後就推返出手術室,因為冇經過麻醉,所以就好快推返上房。同生第一胎o個時係手術室比人叫返醒個人迷迷糊糊,到返返上房都係暈暈o地,o個種感覺真係好唔同。
到第二日嘗試落地,我生完第一胎都有用腰封先落地,不過第一胎生完嘗試第一次落地真係好暈又好痛,望到咩都係黃色,即刻瞓返上床。我半身麻醉o個次既第一次落地,衹係好痛,但係就冇暈,之後第二次落地就冇咁痛。
仲有係係政府醫院同私家醫院度做既感覺都唔同,我表姐係政府醫院做,佢初初解釋比我聽時,話會感覺到醫生做咩o野,e>g> 介開個肚,"張"開個刀口,o個時我聽到都好驚,可能佢麻醉藥落得唔多掛,佢衹係feel 到,不過一d 都唔痛。
而我係私家做,我係一d 都feel 唔到醫生係度做d咩,衹係個麻醉師幫手推bb落去,會推到我成個人都郁哂。
10w4d 3.99cm
12w6d 7.57cm
14w3d 約10.00cm