在職全職今日: 18|主題: 47931

收藏本版

回覆發帖

返回列表

跳至頁

樓主: winglee668

[全職媽媽] 做ftm 既辛酸～每日流程 [複製鏈接]

咖央

珍珠宮

積分: 41839

1^#

發表於 22-9-6 23:09 |顯示全部帖子

過多幾年樓主應該會更得閒。加油。
我過樓主呢啲生活都十幾年，每日家務變咗生活一部分，手板眼見工夫，覺得唔係好辛苦，最辛苦係啲細路仔細時病咗同成日要帶出帶入去玩、游水、去公園、海洋公園嗰啲。仲有我有勁煩嘅老爺奶奶，佢哋日日走上嚟，但我又唔可以全職去返工，結果日受佢哋氣，仲有好多不知所謂嘅嘢，仲衰過以前返工。
而家升晒中，老爺奶奶去咗姑仔度湊孫。啲細路佢哋嘅功課我唔可能再理，我唔知頭唔知路搞亂咗仲衰。但呢個時候，我就會好迷失、我講多句佢哋就當我鬧佢哋，我又無朋友，日日對住手機，日日個心就為啲錢而煩惱。
加油樓主，從來做女人都係辛苦，但做媽咪一定要堅強呀

私人傳訊回覆引用

咖央

珍珠宮

積分: 41839

2^#

發表於 22-9-7 13:22 |顯示全部帖子

本帖最後由咖央於 22-9-7 13:25 編輯

Mini20160607 發表於 22-9-7 12:36
唔係喎我見我D FTM friend 有d冇工人, 不過可能一個小朋友或者兩個都小學可以一齊接送啦
同埋可能因為而家 ...

認同呀，我五點幾六點起身，啲細路自己返學（已升中），九點已晾好衫、吸好塵同拖咗地、洗埋廁所。之後hea陣出去買月餅同零食。但呢啲唔係日日買㗎嘛。次後就煮個午餐，等佢哋一兩點返嚟食（中學仲返緊半日）就算話抹窗、換季、洗抽油煙機，都唔係日日做啦。可能幾個月先一次。
而家社會進步咗好多，可以訂生活雜貨同凍肉到屋企，又可以叫送餐，我十年前就真係踢晒腳。
我自己就過一兩星期去返工，反而諗緊點分配時間整好午餐同晚餐。屋企無其他人幫。
以前疫情前就真係爽，啲細路仔返埋課外活動，我嗰陣時去埋主題樂園先返嚟接放學