夫婦情感

收藏本版
發帖
返回列表
跳至頁

首頁
1

尾頁
   0
velma


大宅

積分: 3576


1#
發表於 08-12-6 03:05 |顯示全部帖子
我係全職媽咪, 以前我做嘢時, 會同佢講下同事, 老細同公司d 嘢, 到我唔做去湊女, 都仲可以同佢傾下個女, 同埋媽咪會, 同媽咪會其他小朋友d 嘢, 到宜家佢都唔想我同媽咪會d 媽咪有來往, 我d 舊同事佢唔想去識, 佢又冇咩朋友, 攪到我都冇咩好同佢講

個女又大嘞, 都冇咩好似以前阿女一兩歲時咁多新奇嘢會講比佢知, 都唔知仲有咩好講

衰在我老公係成日口不停, 冇嘢講佢就開始成日問我嘢, 有時只係得個問字, 佢又聽唔入耳, 佢只係想把口有嘢講下, 好多時d 嘢問成五次問到我火都嚟埋, 去到最後只可以話, 我答第五次喇, 你唔好再問喇, 佢至知係佢問題

重有, 佢有時冇話題, 又摷嘢嚟講, 講講下就會搵嘢問, e.g. 近排佢就問係咪又要買聖誕禮物生日禮物比阿女d同學, 係咪又要同阿囡報咩學, 係咪又要買d 咩比阿囡, 講講下又會話我亂買嘢, 亂洗錢, 其實我買比佢同學仔d 生日禮物都係d $40-50 嘅禮物, 唔通人地生日都唔送咩? 到宜家佢話唔好買聖誕禮物比阿囡d 朋友仔喇

次次由傾計, 講講下都會變黑面, 我宜家真係成日都避開佢, 因為其實佢係打自己工, lunch 之後已經返屋企, 我都唔想同佢一齊, 日日湊完囡返學, 我就周圍行街, 周圍搵d c9 飲茶都唔想陪佢, 就係唔想成日嘈

唔對住真係嘈少好多, 不過大家關係好冷淡, 其實我已經唔再愛佢, 一齊只係因為個家, 連最基本d 關心, 我都做唔出

大家教下我, 可以點?
私人傳訊

velma


大宅

積分: 3576


2#
發表於 08-12-6 03:24 |顯示全部帖子
所有事情都唔會只係咁單一, 不過我覺得, 冇話題係一個遠因
而引致好多近因, 惡化咗個關係

就係因為佢冇嘢講, 摷嘢講時成日yim 三yim 四, 最後就係黑面, 叫我唔好呢樣, 唔比嗰樣, 我估人係好正常, 當一個人成日同你講, 唔比, 唔可以, 唔好時, 你都會反感, 連關心都做唔出

同埋因為我以前真係試過為佢做d 嘢, 佢覺我多餘, 所以我宜家情願少做少錯, 冇做冇錯

我宜家就係好消極咁去避佢, 而成日周圍行, 避開佢, 等大家關係由成日黑面而變成冷淡, 咁好似大家關係冇咁惡劣囉

不過我真係想改善一下, 唉, 唔知可以點做?


原文章由 wmpl 於 08-12-6 03:12 發表
其實我認為唔會無啦啦由愛到要同佢結婚生仔到會有日發現自己唔再愛哩個人,,所以想問你幾個問題,,你覺得真係你唔愛你老公吖??還是佢所做嘅事令你積壓咗太多不滿無法負荷而選擇咗逃避同放棄呢??為咗唔想再受傷害,,就連 ...
私人傳訊

velma


大宅

積分: 3576


3#
發表於 08-12-7 00:49 |顯示全部帖子
多謝你回應, 好在你個case 同我差唔多, 你至明我講梗乜
我講比好多朋友聽, 佢地都唔明, 點解會冇嘢講, 點解會講講下黑面
我同我老公真係會因為一個膠袋 (係真架, 真係只係因為一個膠袋, 佢會鬧我), 因為買衫比個女等等真係芝麻小事而黑面, 我唔會同佢鬧交, 我eq 好鬼高, 頂lung 黑面only

我都好明你講d 咩, 其實好多夫婦結婚多年都會係咁, 唔愛但有感情, 為咗個家, 為個兒女, 10年喇, 唔想咁就放棄, 為第三者, 冇計, 為咗呢d 唔大唔小嘅問題而離婚, um.......

我想改善係我唔想一有問題就要離婚, 都有好大關係因為個女, 我唔單止唔離婚就算, 我係想個女有一個真正幸福嘅家, 有一對相愛嘅爸爸媽媽, 有一個真正幸福家庭, 我想再睇下有d 咩方法可以努力下

其實你講d 有部份我有做過, 不過次次做咗2個禮拜, 情況改善少少, 又可以拖手去行街食飯時, 佢又會嚟一濟, 為咗d 芝麻小事, 嚟一鑊金金地去破壞番個關係

其實好似一直都係我付出多d, 我去努力, 而佢唔珍惜, 可能好似你咁講, 我要講到好出面, 佢可能至會改, 唔係我一直單方面努力都冇用

你嘅建議好有用, 謝謝你
我會加油
私人傳訊

velma


大宅

積分: 3576


4#
發表於 08-12-9 16:55 |顯示全部帖子
HAHAHA, 一句起兩句止呢個方法我就係成日係咁
我老公見我唔多so 佢, 佢就會tum 番下我
就係咁, 唔夠2個星期, 又因小事而再黑面過
我就係唔想3日唔埋, 2日又係咁, 至想改善一下
真係做到有d 攰



原文章由 donkayu 於 08-12-8 14:51 發表

可以只對一個朋友講老公Ｄ野,同朋友講明只係呻下...成日收埋係心,好容易有病
對你老公既方法可以其人之道還之其人之身,同埋兩三日唔好睬佢,佢問你野就一句起兩句止 ...

私人傳訊

velma


大宅

積分: 3576


5#
發表於 08-12-9 16:56 |顯示全部帖子
exactly, 過多幾日, 就會一齊癲

原文章由 紫蘿蘭 於 08-12-9 16:34 發表
同埋兩三日唔好睬佢: 佢只會覺得我係度攪事, 跟住就發癲係度嘈
私人傳訊

velma


大宅

積分: 3576


6#
發表於 08-12-9 22:51 |顯示全部帖子
wmpl,
咁你同你honey 係咪又係冇咩話題? 至會摷嘢講, 講講下就繼而黑面, 我覺得我就係冇話題, 佢要摷嘢講時, 就會問好多嘢, 再而就係話你唔啱
其實我即使講到好出面, 我估我老公都係改善幾個星期, 又會打回原形, 因為根本佢個格就係要人聽哂佢講, 有佢講冇你講, 不過都要盡下力
不過如果搵到多d 話題, 就可以轉移視線, 可以傾多d 其他嘢, 唔洗成日比佢問問題, 攪到個ending 好唔開心

原文章由 wmpl 於 08-12-9 21:30 發表

我嗰個都係點講都唔明架......唉,,所以我都放棄lu,,唔係放棄佢,,係放低一定要佢明白我嘅想法先嘅諗法,,因為掉返轉嚟睇,,佢都係覺得我唔明佢,,雖然事實未必係唔明,,但係人呢,,未到一個位,,唔明就唔明,,迫都冇用,,做 ...
私人傳訊

velma


大宅

積分: 3576


7#
發表於 08-12-16 01:01 |顯示全部帖子
wmpl,

我終於寫咗一封好長好長嘅信比老公, 解釋番哂以前種種誤會, 我對佢有D 咩不滿, 有D 咩我promise 會改善嘅地方, 我睇得出老公睇完封信好開心好開心, 因為我未見過佢即時同個女玩得咁癲
新關係都係啱啱開始, 都要忍讓下, 有時佢d 不滿表情都會習慣性地擺喺面上, 起碼宜家一扯火, 我會叫佢唔好再講落去, 大家shut up, 轉講第二d 嘢, 好似好d 掛
不過要熱情如火, hoho, 都仲要等下
多謝你意見
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見