Baby Kingdom - 親子王國 香港 討論區 › 首頁 › 家庭理財› 匯控50元以下始考慮

家庭理財

收藏本版
發帖
返回列表
跳至頁

首頁
1

尾頁
   0
Paris


侯爵府

積分: 21065


1#
發表於 09-1-20 22:18 |顯示全部帖子
我都唔明點解一定要買5號仔,我從來冇諗佢.
沙士時5號仔79.5-----07年150幾, '恆指'沙士時8000幾至07年319xx,証明5號仔跑輸大市.
買2800都有5厘息派,仲同係你分散投資.買埋內地增長股.

況且, 5號仔今次真係大鑊,次按毒廇令市場估計 佢會蝕到2010年.全球銀行業已經大大改寫，唔再係睇歷史.睇埋呢一，兩年前景，滙豐係跌得有理.


原帖由 CYT0408 於 09-1-20 17:15 發表
剛才晌另一邊post....copy過黎討論下先..

5號仔, 情意結....
唔係話佢唔穩固...只係...呢場金融海嘯,係前所未有...
連d百幾二百年既老字號都要關門大吉...

5號仔, 又需要幾多時間先可以上番位呢.?
除非,真係放晌度 ...
行到水窮處 坐看雲起時
私人傳訊

Paris


侯爵府

積分: 21065


2#
發表於 09-1-21 22:15 |顯示全部帖子
其實我不會睇死任何一隻股票,5號仔現價係有值博率,沽空咁多日可能有個勁彈.

但有ELN做到30幾40幾,大户收手味?3月2日業績一出有任何差池,可能再插鋪勁.
行到水窮處 坐看雲起時
私人傳訊

Paris


侯爵府

積分: 21065


3#
發表於 09-1-21 23:19 |顯示全部帖子
陸羽仁專欄(2009/01/21)--群鱷圍剿大笨象

美國周一馬丁路德金紀念日，美股休市，但滙控(005)上日倫敦市大跌，港股昨日開市已烏雲蓋頂，恒指低開486點，跌穿13,000點，之後跌至 12,816點才回穩。下午日本股市跌幅收窄，帶動恒指一度反彈至13,161點的高位，跌幅大大收窄至跌180點，但下午後段大市再掉頭回落，打回原形，恒指收市報12,959點，下挫380點。

滙控反彈無乜力

期指收報12,888點，跌505點，比現貨低水72點，成交71,067張。國企指數有明顯回吐，險收7,000點樓上，收市報7,006點，下滑240點；大市成交396億元。昨日大市一個山仔咁先彈後跌，走勢唔靚仔。

英國《每日電訊報》前一日話英國政府救市救埋滙控，事後證明無其事，不過阻唔到滙控當日在倫敦市插到55.8港元(501便士)，最低插過落51.2港元 (460便士)，仲低過大摩睇的52元目標價。滙控昨日緊隨倫敦跌勢，開市價已下插逾8.5%至57元，早段曾一度反彈至59元，但不敵強大沽售壓力，收市再創10年低位，報57.5元，下跌7.7%，全日成交逾52億元，佔大市成交的一成三，係拖動大市下跌的主要動力。滙控昨日在倫敦市早段再跌，英鎊昨日大插，一日唔見咗3%以上，倫敦市的滙控股價換成港紙仲跌多啲。

英國銀行股跌到阿媽都唔認得，主要受蘇格蘭皇家銀行(RBS)所累，RBS公佈08年預計會錄得280億英鎊(410億美元)的巨額虧損，創出英國企業史上最大虧損紀錄，其中包括在07年收購荷蘭銀行部份資產導致的巨額商譽減值(約200億英鎊)。有時公司行錯一步，就會全軍覆沒，RBS股價上日插到 11.6便士，即係1.29港元，只係以前的零頭，市場見英國政府大手入股，RBS原有股東權益大幅攤薄，亦未知政府會唔會再注資再增持再攤薄，所以股價失控向下。

英國銀行股唔掂，渣打(2888)亦無運行，大跌7.7%，報84.4元，較全年最高位下瀉近六成七，佢早一步供股集資叫做執番身彩。

見到美國的花旗和英國的RBS咁跌法，就知道這些銀行業百年老店，其實十分脆弱，因為銀行是一個高槓桿的行業，1元資本做8元、10元生意，所以才可以賺咁多錢，但銀行借錢俾人收取的抵押品(如樓宇)，如果價值大幅下跌，銀行好易變負資產。

中環茶友話，好多人以為大銀行唔會執，其實只要政府一入股，股份權益大幅攤薄，股價就會大插水，對股東而言同執笠都唔差好遠，如果昨日滙控宣佈俾英國政府入股，恐怕唔係見52元，而係即日見40元都有之。?家講只係講滙控要供股集資，唔係講要英國政府救佢。

抵押品唔減值俾人唱

茶友話?家關注的焦點是滙控的美國業務，大摩等外資行預測滙控要再為美國貸款按市值大幅減值，但滙控自己認為那些貸款是持有到期日的項目，不用按市值去估值。過去銀行一直係咁做，好似香港97、98年樓價跌了七成，但只要貸款人依期供款，銀行不會理你的抵押品係深度負資產，亦唔會為這些抵押品撥備，這是慣常做法，不過如果將這些大幅減值的美國樓宇抵押品放在大光燈底下照吓，你又不難照出問題。美國樓市好快見底還好，若不斷向下，滙控極之濕滯。

茶友話，?家群鱷借住大行的報告圍攻滙控，呢隻大笨象俾人咬住，已處於弱勢，因為愈跌市場信心愈弱，愈難集資，滙控整天說沒有需要集資，只怕佢覺得有需要時，已經太遲。照正路鱷魚吞獵物，唔係一啖食晒，會咬幾咬、拋幾拋，然後才吞落肚，即係話跌到咁上下又會放吓口俾你唞吓氣，跌到咁上吓應該會彈番上60幾元喘幾口大氣，但唔好以為無事，班鱷魚轉眼又來，愈咬愈深，到滙控3月初公佈業績時，「大龍鳳」又出場。俾鱷魚咬住時唔好唔信鏡，最好壯士斷臂，咁就可以保住條命，佢哋話滙控唔掂時，滙控唔駁咀馬上集資，可能仲好啲，?家就愈陷愈深。美國幾隻金融股都係一路俾人沽空一路俾人唱，唱唱吓就唱死咗，真係諗起都打冷震。

我俾大家的忠告是大笨象反彈時，都要忍住手唔好買，我覺得滙控和大市都未跌完，即使你好深信牛市明天到來(我未信)，真係要買，不如買恒指基金盈富基金 (2800)，咁都等如買咗五分一隻滙控，若滙控一帆風順，盈富唔會太差，萬一滙控跌落水底，盈富都死唔去。在百年一遇的金融海嘯，唔好望即刻發達，要適當控制風險也。
行到水窮處 坐看雲起時
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見