夫婦情感

收藏本版
發帖
返回列表
跳至頁

首頁
1

尾頁
   0
tantanmama


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


1#
發表於 08-8-7 17:29 |顯示全部帖子
樓主, 你要努力呀, 我地都會支持你架. 件事過咗去就由得佢過咗去, 唔好再諗唔好再嬲. 你要真正放低, 咁先有力氣去重建對丈夫嘅信任.
我都有朋友搞完婚外情自己返屋企, 佢老婆完全唔知情, 之後佢亦都再冇搞搞震. 我見佢地一家人而家都可以好幸福. 所以要相信有時男人都會改, 幸福要自己爭取同培養架.
講真,夫妻感情一定有考驗, 有婆媳問題, 有子女問題, 甚至經濟問題....婚外情只係其中一種. 雖然係你老公做錯, 但佢要你嘅原諒同幫助先可以修補感情.
私人傳訊

tantanmama


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


2#
發表於 08-8-14 17:54 |顯示全部帖子
點都唔好做傻事, 係你C6做錯啫, 唔關個仔事, 你要積極D照顧個仔就真.
C6冇錢還咭數, 你都唔好幫佢還, 等佢冇錢搞女人. 雖然話婚外情都可能有真感情, 但冇錢好難培養感情囉, 唔通開房都要個女人俾錢咩, 所以你要經濟封鎖佢, 等佢想作反都冇能力.
另一方面諗, 可能佢真係有心結束那婚外情, 但感情嘅嘢好難一刀切, 你俾D時間觀察下佢先. 要將一個半離開嘅心拉向自己, 你都要幫手重建感情, 哭鬧係無濟於事. 如果佢覺得你好煩好大壓力, 更加逼佢走架. 你幫佢歸家, 你就有番個老公. 如果你唔原諒佢, 最差嘅結果都係冇咗呢個男人啫, 世界仍然轉, 你就好好湊大個仔囉.
私人傳訊

tantanmama


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


3#
發表於 08-9-3 10:56 |顯示全部帖子
原文章由 258baby 於 08-9-3 01:18 發表

多謝大家,佢亦承認對我及小朋友只係責任,目前做唔到放棄第三者,叫我比時間佢包容佢簡直廢話連篇,我心裹亦開始有仇恨討厭佢,憎一個人其實很辛苦仲要係自己老公,我亦已作最壞打算,比個几個月時間佢只要唔太過份,如果 ...


個女人明目張膽打黎, 即係話你C6已經同佢講咗你知道佢地嘅事, 而你奈佢地唔何, 所以果個女人都唔洗驚你.
既然離開C6你要考慮攞綜授, 即係你都冇咩錢, 咁點解你仲要幫佢找咭數? 你有冇諗過佢大花筒D錢都係洗咗喺果個女人身上啫, 你變相幫緊佢地風流快活咋. 唔好咁傻喇, 個C6講到明對你地只係有責任, 即係冇愛啦. 冇愛係唔會返轉頭架喇, 到果個女人有埋BB要求名份時, 佢一定會同你離婚, 因為佢對果個女人先係又有愛又有責任.
你真係要認真係自己同小朋友嘅將來諗下, 佢已經冇錢俾你納, 更加一毫子都唔好蝕俾佢, 有錢都留返俾自己啦. 我個人覺得唔係因為懶而要攞綜援就唔洗自卑. 單親媽媽又要工作又要湊大仔女係好辛苦, 但總唔洗餓死, 雖然窮但唔洗心懷怨恨咁辛苦. 你而家唔走又好開心富足咩?
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見