夫婦情感

收藏本版
發帖
返回列表
跳至頁

首頁
1

尾頁
   8
manmankin


洋房

積分: 62


1#
發表於 16-5-7 10:10 |顯示全部帖子
一個男人,結婚大半年,曾因為比老婆發現幾次上過141網站而鬧交(其實都不太算鬧交,女方太軟弱,基本上係比人鬧,男方認為自己無做錯,錯係女方到,因為女方偷睇佢電話,覺得女方令自己無哂自由),即使鬧過交,明知自己老婆唔中意,但都係照做,但事實上男方係無叫過雞,因為一放工都累得制就返屋企,女方成日打電話要知男方係邊.近來發生一件大事,男方失去左一個親人,女方以為男方會有所成長,因為經歷過失去親人,但點知又比女方發現男方事隔3個月,又上返141睇野(上一次係情人節後,女方睇到好傻咁想刪走141網站,男方發現就鬧女方)
唔係想去叫雞,咁男人上141網站究竟係乜心態?點解明知老婆唔中意都要照做?係我既角度,我只覺得男方無尊重過女方,你想宣洩,我唔介意你睇av,但我好介意你上叫雞網,睇人d賽後報告.係你上呢d網站前,男人有無諗過你隔離個伴侶有咩感受?唔通你無去叫雞淨係上網就係無錯?

理解不能,而家連嬲既力氣都無,我真係好失望.個下心灰既感覺,令我而家無哂任何動力做任何野.同你經歷咁多野,換黎既只有一次又一次唔可以講自己感受,仆心仆命同你做咁多野,你連尊重我都做唔出,我真係失望到想死.
私人傳訊

manmankin


洋房

積分: 62


2#
發表於 16-5-13 20:42 |顯示全部帖子
先多謝各位回覆。
其實所有野都有前因後果，佢之前做過一件事傷害我，破壞我對佢既信任在先。不過我太愛佢，所以都同佢結左婚。
係呢件事上，佢無傷害其他人，不過佢恨恨傷害左我。
你話上網不代表有做。
好，我以信佢為前提我無出聲。
今天，我發現佢係上班時間有個幾鐘消失左無聽我電話，再搵到佢，佢話佢訓左教。
剛才，發現佢電話有3個電話紀錄，係141網站小姐電話。
而佢一訓醒，立即刪除左呢3個紀錄。
唔好意思我現在好亂。
我覺得好可怕
私人傳訊

manmankin


洋房

積分: 62


3#
發表於 16-5-19 19:25 |顯示全部帖子
嗯..各位意見很真實亦很寶貴.
曾經我同佢反映過,我覺得將佢既自由建立係我既痛苦上,就係兩個人一齊左結埋婚就更需要溝通,若兩個人都一意孤行走自己個套,唔肯去遷就,咁一齊都無咩意思.
我其實為佢改變左好多,當然我有睇到佢亦有部份改變.
佢多次講過佢私隱係條底線,佢上得亦不等於會做,明白歸明白,但不喜歡就係不喜歡
正如上面所講啦,其實我都好累,有時都唔知為咩,女人都係搵個令自己安心既男人姐,若果我老公係光明正大咁上,即係係我面前都照上既,反而我又唔會介意,但佢又要驚比我望到佢上咩網咁閃閃縮縮,連微信都係.我開到聲問,唔會解釋亦唔會承諾,就算我喊唔開心都好,佢都會照發返我脾氣,從唔會諗下,點解我會介意?

咁當然,係佢角度,我睇佢電話係侵犯佢私隱,我會道歉亦會解釋亦都會諗下佢講既野,每一次都只有我諗,而佢就係永遠無錯~叫我唔滿意咪走囉~其實我好心灰,我唔知點繼續溝通

我其實只是將141呢點放大左,會形成今日多疑既我中間其實發生好多事,在此不多講了,各位留言的確令我心放開左一點點,特別是以男性角度出發的回覆,其實很有道理,亦好貼近我老公想法,感謝~
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見