吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 個仔搞成咁,我好後悔!!(我應該點做好)

自由講場今日: 383|主題: 1302867

收藏本版

發帖

返回列表

跳至頁

查看: 45020 | 回覆: 11

個仔搞成咁,我好後悔!!(我應該點做好) [複製鏈接]

ilovefamily

大宅

積分: 1974

1^#

發表於 09-10-28 11:47 |顯示全部帖子 |倒序瀏覽 |打印

今早仔仔死都吾肯番學(二年級)問佢佢就話眼訓,眼見就遲到,我就鬧佢,仲打左佢2下騰,點知....佢一路哭一路講.....

原來佢係學校比4個同學打,仲打左成個月有多,其實佢之前有同我講過話人地打佢,我以為係人地同佢玩,佢自己薄皮,仲叫佢吾好咁少氣!!(我呢個做亞媽的係佢求助的時候竟然當小事)

講番今早--我見事態嚴重,立即打電話去學校要求要見主任:在我們再追問下,原來4個同學對佢權打腳踢,大大力咁打佢,仲要一日吾止一次!佢驚到吾敢返學!!
做亞媽梗係心痛同好嬲啦,原來個仔日日返學都比人打,日日都咁驚咁返學.一個咁年輕的小朋友日日獨自承受咁大壓力!!我真係好後悔當初佢同我講我無察覺到咁嚴重!!

老師誠諾會幫我跟進,回家不到一小時,學校打電話比我,原來事原:有一次是9月份的事,佢帶左d零食返學,其中一個同學問佢拎,佢請左少少佢食,點知個同學要成包要晒,佢梗係吾比啦,後來佢就成日聯同3個同學去蝦佢,搶佢食物!

原來打我仔果個同學係學校成日都蝦人,只不過係其他同學夠膽反抗同有話比老師知,而人地見佢吾出聲咪好似好好玩咁,一得閒就走去打佢!當佢係娛樂玩具!!

原來班主任話仔仔呢2個星期都無出班房小息,班主任都有問過佢點解佢吾出去,當時仔仔答佢想自己一個人,佢話當時察覺吾到佢有異樣!(你地話呀!佢驚到連班房都吾敢出,真係慘!!)

主任話巳鬧左果4位同學+記黑點.仲會同佢家長講!!

各位姊妹:大家都是人地母親,你地可以感受到我真係好後悔同心痛,吾知應該點做好:

只係知要教識佢再有問題發生一定要同家人或老師講

1. 你地認為學校咁樣處理洽當嗎?(記黑點.同佢地家長講)
2. 我是否就咁算數呢?(仲可以有咩做)

多謝大家!!

[ 本帖最後由 ilovefamily 於 09-10-28 11:53 編輯 ]

0 0 0

私人傳訊

ilovefamily

大宅

積分: 1974

2^#

發表於 09-10-28 12:26 |顯示全部帖子

我一路打呢篇心聲, 一路都忍吾住哭(自己點做人媽咪)

大家以我借鏡,多聆聽仔女的聲音!!

noelching39
主任話巳鬧左果4位同學+記黑點.仲會同佢家長講,就係咁多

sweetcouple , babymuimui:
報警..我就吾想咁做,果4個小朋友都咁細,我都明白佢地係一時貪玩吾識諗.不過真係好難面對自己個仔咁樣日日比人打

boobecky:
仔仔應該有影響,因佢而家係吾敢出班房小息,咁如果係你,你會點做

Lovely媽咪:
吾係隔咗成個月,係打左成個月有多,尋日比平時打得佢利害左佢先吾敢返學

私人傳訊

ilovefamily

大宅

積分: 1974

3^#

發表於 09-10-28 13:24 |顯示全部帖子

原帖由 boobecky 於 09-10-28 13:02 發表
樓主, 其實你仔仔現在對人對學校都無哂信心, 當然首先要建立返佢的信心, 如果唔係影響學習, 或者要同老師溝通, 揾一/二個乖的同學, 小息或者平時多d同佢溝通, 帶返佢入正常的學校生活 (應該係班長之類的同學可幫吓手 ...

好多謝你的諒解,你真係講得好岩,佢平時比較易哭,所以我先無去深入探究,而且佢都係d比較怕事果類人.

Yuwk:
我因為係工人湊佢同佢沖涼,所以平時無咩為意.之前見過佢有瘀痕,佢話係學校跌親,我就無再追問

S.B.N
而家我都覺得暇重要幫佢走出陰影,吾好再怕出班房小息,重拾信心係大前提

Webjen: sukkiu: 123!@#, noelching39
多謝你地的鼓勵!!

7777:
報警始終好似對d小朋友吾係咁好,無論自己果個(怕佢仲驚)定係人地果個(始終得果7歲)如果我地仔女做錯都想人地比次機會

乖乖:
我都認同你的講法, 要幫佢走出陰影, 建立翻個囝對學校嘅信心,吾好再怕出班房小息,重拾信心係大前提,我會好似你咁講多去了解下佢學校生活,而且多謝你明白我的心情和鼓勵!!

noelching39:
暫時無有報警

Reego:
我都有d擔心,佢地會懷恨在心,吾知會吾會再蝦佢!心想:7
歲人仔應該吾會掛,不過再諗佢地而家咁門我個仔都係得7歲.

boobecky:
我覺得你的提議好岩,所以我岩岩打左去學校叫老師揾一,二個乖的同學/一d都係自己一個小息的同學介紹比佢識, 帶返佢入正常的學校生活(多謝你的提議)

私人傳訊

ilovefamily

大宅

積分: 1974

4^#

發表於 09-10-28 13:37 |顯示全部帖子

原帖由 LUON 於 09-10-28 13:28 發表
樓主真的要自己幫小朋友沖涼,
我老公常常這樣要求我,
他說沖涼時,
不單教女兒如何看待身體的重要部位,
更重要是看看她有沒有傷痕,
及如何受傷!

Kai3028:
多謝你體會到我的心痛,暫時無報警帶佢去驗傷

Joy: lovebb_326
多謝你鼓勵和意見!!

HuiWongBB:
是band1

Suki1981:
我都想打番佢地,不過吾得,而且解決吾到問題

Joy:
我都有同感, 有d 家長, 唔見仲嬲少d,見到可能佢仲以為自己先係受害者,仲惡過當時人.如果係咁我實忍吾住同佢嘈,

Luon:
你呢本書係邊度有,圖書館有嗎?

Appleyue1026:
其實我今早都有閃過你呢個提議,不過我吾想個仔學左逃避.想佢都去面對下,等佢知道有問題要同人講,吾係逃避左就得(希望你吾好介紹我咁回應你)

JJ7723
多謝你鼓勵和意見先,我都有要求學校安排社工心理輔導仔仔.

私人傳訊

ilovefamily

大宅

積分: 1974

5^#

發表於 09-10-28 14:35 |顯示全部帖子

原帖由 heifamily 於 09-10-28 13:49 發表
樓主, 在你需要安慰小朋友,重建回校的信心,和教他如何面對欺負他的同學之餘,也請你想想為何小朋友向你講大話,不敢向你道出真相,不肯透露心聲?這也不是後悔(遲發現)的時候,你真需要看清楚你的親子關係有什麼問題. ...

個仔原來尋日比佢地打得好勁,學校打黎話佢有事,而家要去醫院

私人傳訊

ilovefamily

大宅

積分: 1974

6^#

發表於 09-10-29 17:24 |顯示全部帖子

原帖由 B媽-Blue 於 09-10-28 15:01 發表
我要個幾個小朋友同家長親自同你地道歉,唔係打一次2次,而家打左成個幾月,真係想車佢2巴

多謝大家的關心和提議:
我一口氣睇晒你地的留言,眼淚不其然的流下來.....很感激你們的鼓勵!!
尋日下午收到學校電話,話仔仔3次叫肚痛,恐怕他被同學打傷

我連忙趕去到學校, 經仔仔的形容,該4個同學應該打不到他的腹部.因仔仔話被打時,他是彎住身的,4個衰仔打他的頭,手,腳和背部.

不過為安全起見,我帶仔仔去看醫生,經過驗查後,仔仔只是腸抽筋,在此多謝大家關心和支持!!

[ 本帖最後由 ilovefamily 於 09-10-29 17:30 編輯 ]

私人傳訊

ilovefamily

大宅

積分: 1974

7^#

發表於 09-10-29 17:27 |顯示全部帖子

講番學校方面:
我要求約見4位同學的家長,學校主任回覆不會代為安排,因佢說如我們在會談中出問題,學校要負上很大責任,
主任誠諾會通知他們家長和記黑點.
你們認為我可以點做,學校吾肯約埋果4個家長見面?

私人傳訊

ilovefamily

大宅

積分: 1974

8^#

發表於 09-10-29 17:47 |顯示全部帖子

Homama:
我都問過,主任話吾會幫約見4個家長/同學

catnapper:
我影底左仔仔的傷(很),有3處!!老公都係同我一樣要學校有個合理安排!!

而家我只係想問大家::
我仲可以做咩.我覺得主任只係記佢地黑點同埋學校自己打電話通知佢地家長吾夠.
吾通一個黑點就可以換番佢地打左我個仔咁耐咩!

我想約見佢地家長/學生,學校吾肯安排,我仲可以做咩?

私人傳訊

ilovefamily

大宅

積分: 1974

9^#

發表於 09-10-30 09:49 |顯示全部帖子

多謝大家支持和意見,我都認同人善比人欺,我要做d野,吾係對吾住我個仔同埋呢度一班好sister:

學校吾肯安排約見4個家長,尋晚我終於打探到其中2個家長電話

我致電第一個家長是她婆婆接話,該男孩是同公公婆婆住,父母在外的(從電話聽出她的年齡應該約五十餘歲)她說孫子很好不會打人,仲話佢個孫都成日比人打,真可笑.!!這男孩都巳在老師面前誠認打人,而我相信這婆婆只是幫他講好說話

致電第2個家長,一聽這男人就不是香港人口音,佢話尋晚打左佢個仔,仲話巳訓話左佢個仔一定吾可以係學校打人.

我吾理佢地講咩都好,我用好嚴厲的口吻同這2名家長講再有下次一定會報警追究到底.我吾理佢地係7歲定70歲,打人就吾岩,吾係細個就無事,就算我告吾到你地(心想:警察只會警師警戒)都要搞你地一輪去落口供,我仲話我巳影晒傷痕,我會保留追究權利!!等家長知道個嚴重性,我絕非打去一般投訴,而係警告!!

私人傳訊

ilovefamily

大宅

積分: 1974

10^#

發表於 09-10-30 09:51 |顯示全部帖子

4個衰仔得到的是:
1. 罰企1星期
2.記黑點一個
3..學校用電話同書面通知佢地家長

學校給我的安排如下:
1.學校話會搵2個乖的同學陪仔仔小息
2.在仔仔小息果層會叫風紀同老師多留意仔仔
3.安排社工幫我仔重拾信心

我暫時諗到的做法(大定可以再比意見)
1.吾安排我見家長,我就自己搵方法聯絡佢地
2.要求學校比番份copy我(學校用書面通知過家長簽回)起碼我有証據係手,佢地簽左名成認左有呢件事
3.如學校吾比,就叫各人寫道歉信比我個仔
4. 11月中我會同仔仔去學校親子旅行(早前巳報左名)到時一定(胸果4個衰仔)
5. .在旅行中搵未有電話聯絡果2個家長,當面同佢地傾

我對仔仔方面:
1. 每日問佢學校情況
2. 每日留心下佢身體部分有無不明的傷痕
3. 對佢心理符導,比多d支持同鼓勵佢
4. 教他比人蝦一定要出聲

大家諗到咩方法再比d意見我!

[ 本帖最後由 ilovefamily 於 09-10-30 09:56 編輯 ]

私人傳訊

ilovefamily

大宅

積分: 1974

11^#

發表於 09-10-30 11:56 |顯示全部帖子

岩岩同學校傾完,比個主任激Q死我(真係吾講粗口都要講)火都黎埋
以下對話中紅色代表本人, 藍色代表主任
你學校安排吾到比我見果4個家長,我想要學校比番份copy我(因學校用書面通知過家長佢地個仔打人,同埋要簽回回條)
佢話問左校長呢D係學生的個人資料吾方面比我.
咁我要求果4個衰仔寫封道歉信比我個仔,
佢竟然話吾知人地肯吾肯寫,都要人地家長同意先得
我答
我咁都吾係好過份呀,打左人地成年叫佢寫番封信道歉都話吾知人地肯吾肯寫,有無搞錯呀! 我比左3個方案學校,你地樣樣都話未必得,咁你地仲有咩係幫到我呀?
我地巳記過黑點,1星期無小息罰企,通知左佢地家長
我而家係同你地學校講我要介入呢件事,吾係等你學校安排點做就點做,你成日話要對方同意先得,咁你呢個安排係吾係都要我覺得滿意先得呀?況且黑點,罰企對佢地黎講未必明個嚴重性!
其實佢地都係一,二年級學生,都吾係因為同你個仔有咩仇恨而打佢,都係一時貪玩
我火都黎埋
一時貪玩就可以打人打咁耐嗎?我吾理佢貪玩定咩原因,我一定要個合理方案!
如果得吾到合理方案,我會報警,等警方開FILE去學校查,叫果4個家長同學生出黎比口供見面.而且D學生見到一個真真正正的警察叫佢地吾好再打人個阻嚇性一定大過比老師/ 比亞媽鬧2句, 到時我吾會理你學校D咩聲譽,我只會理我個仔的感受同埋得到公平!
咁如果你真係咁吾滿意學校幫你的安排,你當然可以另行打算,不過我都會嘗試幫你聯絡下果4位家長!!!

其實我吾係因為佢係區內BAND1學校而留戀,而係我知我仔適應力差.要考慮佢重新適應新環境,而且區內另外2間好學校都要坐校車去,咁仔仔就要好早起身!!

1.如果適應力差應吾應該同佢轉校,定係接受學校安排,睇定D先呢?
2.主任話問果4個家長寫吾寫道歉/同我係電話傾, 問左再通知我.
3.大家有咩意見?

[ 本帖最後由 ilovefamily 於 09-10-30 12:00 編輯 ]

私人傳訊

ilovefamily