教小朋友，我當正係自己仔女咁教，見到佢地病都格硬撐起身為做功課、考試溫書，我都覺得心痛。見到佢地完全唔肯溫書寫作文，我真係會鬧，我都唔明點解自己咁上心。到佢地考試派卷好開心咁話畀我聽有進步，考 9X 分，我就覺得之前日夜同佢出練習、出 mock 卷，訓少幾個鐘都值得。我有教過幼稚園小朋友，大女 K2 細女 1.5 歲，個細女好癡我，佢一攬住我，我就覺得好溫暖，果日去補習做到殘左都即刻有精神。但係今年見返佢地，就覺得時間過得好快，好多已經唔再係以前果個懵懵懂懂嘅小朋友。今年果個細女 2.5 歲，開始讀 N 班，見到佢大個我開心，但係我唔捨得佢 BB 仔果陣。有另一個小朋友係小二就開始教佢，今年小四，再出年就呈分試。感覺時間真係好快過，不經不覺間已經長大。 
發表於 
返回列表
