吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 卵巢水瘤手術

婦女醫護今日: 1|主題: 34043

收藏本版

發帖

返回列表

跳至頁

查看: 22034 | 回覆: 10

卵巢水瘤手術 [複製鏈接]

Chamo

伯爵府

積分: 17461

1^#

發表於 08-9-24 23:51 |顯示全部帖子

在網上見過好多文章, 功能性水瘤過了一段時間便消退. 所以先監察幾個月, 看看有沒有發大才去割.

因為割卵巢手術, 會損害卵巢組織. 手術後也會容易盆腔黏連. 這兩個重要事項, 我也是近期多看文章才知. 其實很怒氣醫生從沒有向我提及過.

如果一個瘤, 簡單看不是實心, 是水, 又小於 3cm, 沒有中隔. 我相信好的中醫是可以幫助改善的.

當然, 市面上確有很多無良, 沒有實力的中醫. 要小心選擇.

私人傳訊

Chamo

伯爵府

積分: 17461

2^#

發表於 08-9-26 00:43 |顯示全部帖子

啊! 很明白你心情, 真的很擔心. 情緒不好很易引發婦科病. 而且聽過懷孕時荷爾蒙改變也易生瘤. 公立醫院這次照完, 說是渾濁. 那麼快安排看多一兩個醫生. 再照再聽其他意見. 其實超聲波資料有限, 很多時不同醫生有不同講法. 而且她們很多時都不能給一個確實答案. 唯有多聽後自己分析.
而我自己情況, 去年做腹腔鏡前也有做過驗血. 我也記不起實際情況是什麼樣, 好像是高又未必一定係 Cancer, 低又未必無 Cancer. 得了的數據只可合併其他資料作參考吧.
無論如何, 多聽不同醫生建議, 唯有見步行步. 多些跟朋友傾訴. 盡量不要讓自己有空間有時間去恐懼, 減少情緒低落, 影響身體.
你有什麼消息, 上來告訴大家, 讓大家鼓勵你.

私人傳訊

Chamo

伯爵府

積分: 17461

3^#

發表於 08-9-26 01:15 |顯示全部帖子

我用我的情況答你. 割左係會再生過的. 我去年底做了腹腔鏡手術, 割水瘤 8cm 及子宮內膜異位. 之後打了6個月停經針. 到今日, 又再生. 所以好疑惑我仲係咪要去割.

醫生提議避免再割第三次, 就最好把卵巢摘除. 然後以後打荷爾蒙針避開更年期.

以個人有限知識: 沒有卵巢, 即沒有了自然分泌的荷爾蒙, 打荷爾蒙針, 會有很多副作用. 起碼會增加乳癌及子宮癌的風險.

所以, 如果我割了一邊卵巢, 開始打針, 可能很快另一邊卵巢也要割. 之後又不久, 割一邊乳房, 然後又不久, 又另一邊乳房, 跟住又不久, 割埋子宮. 跟住, 等死 ......

依家想說, 很難想像只是因為一個卵巢瘤, 只有 3, 4 cm, 而沒有其他原因 (實心, 外形不規則, 瘤內有厚阻隔 ...), 而不斷叫病人開刀的醫生. 如果說卵巢瘤很大 (什麼叫做很大? 3, 4 cm 真的未叫做大) 才做手術有危險, 其實很多情況都有危險, 如開刀做手術有風險, 做完手術亦可帶來無可改變的創傷......

我只能小人之心去想, 如果只是因為有 3,4 cm 單一原因而叫病人做手術的醫生, 就是很清閒, 很等錢使, 或想多你一個病人給他增添手術經驗 ......

個人認為是自己情緒及身體差而引起問題. 希望改變不良而避免再一刀. 希望多做運動, 多喝水. 看中醫改善抑鬱及體質.... 可能到最後真的還是要做手術, 但也沒有那麼大怨氣及後悔.

原文章由 jcsk 於 08-7-24 17:16 發表
上次我個醫生都叫我再觀察吓先, 不過當我再覆診, 個水瘤都冇細到, 佢話叫我考慮吓做唔做, 佢話個瘤細d做就安全d wor. 我都心大心細, 做咗又唔知會唔會再生過呢?

...

私人傳訊

Chamo

伯爵府

積分: 17461

4^#

發表於 08-9-29 11:03 |顯示全部帖子

其實你個 size 唔係大.
就算你 11/10再 check, 仲係係度, 就真係做手術, 就急左 d .

其實要知個瘤係 mud 性質, 不過通常醫生都話唔肯定. 但其實我好似係網到見過其他姊妹話: 如果看超聲波圖, 黑影好黑, 就多數係水瘤.

不過, 醫生多數都同你講個瘤係你身體的危險. 如不做手術拿出來化驗, 未能確定是良性或惡性; 有機會爆破, 爆了好痛; 會影響你生育; 再大 d 時做手術, 風險又高 d ............

但我的醫生沒有跟我說做了手術後帶來的其他風險: 如做手術時, 為了要剔除瘤, 不多不少連好的卵巢組織都會破壞. 手術雖然消除黏連. 但之後亦都容易引起黏連. 亦會有輸卵管閉塞及積水風險 (那時, 如懷疑, 容易有輸卵管宮外孕, 或要懷孕, 只好做 ivf).

當然, 有很多人有水瘤有朱古力瘤都可以好順利懷孕. 亦有人做完手術都未必可以懷孕. 醫生會跟你說, 你之前的瘤破壞了你的卵巢, 破壞你的生育能力. 但成因無從考究了.

我係清理水瘤及子宮內膜異位. 住了 5 日 4 夜醫院. 費用共 $65000. 但因為有保險 cover, 所以負擔不大. 因為開肚後發現有子宮內膜異位, 做完手術後醫生建議我打停經針 or 即刻嘗試懷孕, 這可以減低子宮內膜異位復發, 6針的費用為 $9000 , 此數不可 claim 保險.

呢處有篇幾好文章, 都可以幫助清楚卵巢瘤:
http://www.answers.com/topic/ovarian-cyst

其實係好想強調, 如果是功能性水瘤 functional cysts, 有機會係幾個月會消失.

如果其他姊妹確定做手術, 麻煩做之前驗下 FSH, 我好想知究竟呢 d 手術係唔係會令 FSH 指數升高. 影響懷孕.

原文章由 iampaulineko 於 08-9-29 00:47 發表

我又係因為尿頻結果27號去照. 發現有個陰影約3.9*3.7cm, 醫生話等我今個月m完再去照下, 如果確實有. 都建議我做手術. 不過依家未知係子宮or 卵巢,要等11/10再睇.

想知如果做呢d手術對生bb有冇影響?因為我咁先pla ...

私人傳訊

Chamo

伯爵府

積分: 17461

5^#

發表於 08-9-29 12:01 |顯示全部帖子

因為舊年我都係尿頻同個肚好脹, 先走去 check, 都係有個瘤, 二話不說即刻割左.
不過肚脹及尿頻沒有隨住做完手術而消失. 而前排去 check 下, 又有一個 6cm 的瘤了.
所以想: 割左個瘤唔係一勞逸. 當然唔係個個都會復發, 好似我咁黑仔.

私人傳訊

Chamo

伯爵府

積分: 17461

6^#

發表於 08-9-29 13:14 |顯示全部帖子

我依家都有個 6cm 水瘤. 所以近來開始食中藥, 攪好身體其他部位先, 如果個瘤無增大, 想做 ivf.
我都係咁同自己講, 如果有幸生得出, 就到時先開刀一起割埋. 少一次得一次麻. 因為我有肚脹問題, 時常自己想像開刀, 會俾 d 風寒入侵個肚, 到時個肚脹重有排攪.
尿頻都要飲多 d 水, 飲太少水都會引發身體好多機能唔好. 都會易有婦科病.

私人傳訊

Chamo

伯爵府

積分: 17461

7^#

發表於 08-9-29 21:26 |顯示全部帖子

簡單講, 如果輸卵管係證實塞左, 要有 bb 就要做 ivf 先有機會懷孕.
即係抽 d 卵出來, 跟住培育成胚體, 之後再放入子宮內.

原文章由 iampaulineko 於 08-9-29 13:41 發表

咩係ivf?

私人傳訊

Chamo

伯爵府

積分: 17461

8^#

發表於 08-10-8 09:40 |顯示全部帖子

請問你朋友有卵巢 cancer, 有沒有什麼徵狀呢? 未做手術前有沒有懷疑過係卵巢 cancer? 超聲波圖有徵狀看得出嗎?

原文章由 olkan 於 08-10-6 19:45 發表
請問水瘤同卵巢多囊症同唔同的呢? 我有此症多年, 醫生說它們很細小, 如果它們變大至3-4cm才需要考慮做手術. 此症是每月排卵時, 可能排出多餘的囊, 如果唔食避孕藥去改善, 就只能半年觀察一次.

我有個朋友早排CHEC ...

私人傳訊

Chamo

伯爵府

積分: 17461

9^#

發表於 08-10-8 12:03 |顯示全部帖子

想問你多了個水瘤, 醫生俾左 d 藥你食, 那些是什麼藥呢? 我都想靠食藥令個瘤消失.

你要叫自己盡量 relax. 其實好多時水瘤都係情緒唔好引發的.

原文章由 athena@ 於 08-10-7 13:31 發表
我上個月做完iui，failed不突止，仲多咗個水瘤3cm大，e生初頭話可能d針藥令到有水瘤，過2-3個星期會細番冇咗，俾咗d藥我食。過2個星期再check，又話要等多1-2月！做得iui想快d生bb，我聽到e生話休息1-2個月會冇事，我成個人失控咗！

睇 ...