自由講場

收藏本版
發帖
返回列表
跳至頁

首頁
1

尾頁
   0
Icy_babe


男爵府

積分: 7798


1#
發表於 09-8-5 21:07 |顯示全部帖子
無綫《超級巨聲》由百人初選到入30強，一直強調公平、公正，唔唱得冇得留低。不過原來講一套做一套。

週日(2日)《超級巨聲》參賽者16歲何雁詩，個樣甜甜哋把聲唱得，當晚唱一曲〈On My Own〉技驚四座攞成17分（20分為滿分），俾評判側田和古巨基讚爆，原來高分背後，朝中有人好幫手「辦事」。

本刊得悉何雁詩係評判之一伍樂城的高徒，曾幫其「伯樂音樂學院」拍宣傳片，二人關係非淺。力薦愛徒入局，真係黑幕喎！

播咗3集，週日《超級巨聲》收視平均收24點，比前集跌2點。當晚要數最出位、16歲何雁詩憑一首〈On My Own〉靚聲搶咪，不過原來佢係評判之一伍樂城學生。「Stephanie（何雁詩）跟伍樂城學咗年幾唱歌，伍樂城咁多學生最錫佢，一早叫佢參加《巨聲》啦！有人幫手，加上佢唱得唔差，幾乎內定實入到圍！」知情者說。

何雁詩唔只唱得，家境亦有米，在其後台訪都自爆：「爸爸鍾意我打golf，多過唱歌……」玩得golf非富則貴，據知何雁詩每次錄影都有司機接送。

愛將唱得 Laughing嫂專屬湊
謝天華老婆Tina現擔任「伯樂音樂學院」Production Manager，當然要「睇實」埋一班「伯樂」學生啦。

富貴golf女 嘩又有學生入圍！
除咗何雁詩之外，89號何晶晶都係「伯樂」學生，佢讀嘅係「跨學系學生音樂製作計劃」，當晚出局邊緣，神奇地有3分救命，總算大步檻過，可惜下一集都係出局收場。

無綫死撐 仲有黨羽
除何雁詩外，原來 89 號何晶晶亦係「伯樂音樂學院」學生，當晚何晶晶只得14分去到出局邊緣，最後聲淚俱下才反得17分，雖然伍樂城冇出手救人，不過司儀嘅劉美君無端端變評判，畀1分何晶晶，之後藍奕邦又送「救命」2分。神奇有3分救命，着實有「造馬」之嫌，不過無綫外事部曾醒明就表示：「事前我哋係知道有伍樂城嘅學生嚟比賽，我哋覺得評判有專業操守。而且我哋事後睇過啲分，伍樂城絕對冇偏私。」

同亞視《亞洲星光大道》8點收視比，無綫《超級巨聲》24點收視贏成條街，但口碑仍然插水，網友對《超級巨聲》司儀劉美君繼續圍攻。據知陳總已急召其新愛將森美加入《超級巨聲》，希望可以挽回頹勢。

劉美君超渣志雲急召森美救亡

自認閒角
首集出街後劉美君被一眾網友圍插，已令陳總相當擔心，即時打畀其愛將森美「求救」。「劉美君簽晒26集約，雖然佢得3,000蚊集，算平價勞工，但反應真係差，話晒有約cut佢就難，Stephen（陳志雲）惟有加入森美，擺歪劉美君囉！」陳總吹雞，森美當然認頭，據知森美會於下週二（11日）錄影。陳總寵幸，森美上週六風騷回應：「我都係做嘉賓主持啫，我估我應該係做一兩集，劉美君先係主，我係閒啫！」咁識講嘢，要叫陳總做honey啦。

網友再插
由第一集開始劉美君已經被網友喪插，不過佢惟有頂硬上做埋佢，事關佢隔咗15年先出番廣東新碟，有個節目keep住人氣當然好啲啦。不過無綫臨時搵嚟森美壓陣，希望幫劉美君分擔啲，俾網友插少啲。

第二集劉美君差啲爆粗，「我小邊個都得」，當然引來網友喪插，而藍奕邦亦因為佢呢一句而表現興奮，擺出疑似中指的動作。


[ 本帖最後由 Icy_babe 於 09-8-5 21:09 編輯 ]
私人傳訊

Icy_babe


男爵府

積分: 7798


2#
發表於 09-8-5 21:18 |顯示全部帖子

參賽編號 93 號何雁詩唱完歌後情緒失控，就算過咗關，有17分成為當晚最高分之一（下圖），劉美君係咁叫傻豬安慰佢，佢都喊唔停。其實有師傅伍樂城在台下壯膽，何千金會唔會誇張咗啲呢？




伍樂城　唔出聲
側田叻女呀！真實對白頭先妳唱I love him真係……咁細個有啲puppy love真係令我諗起以前。


唔單只外表cute cute，唱歌又有感染力。真實對白
何雁詩獲高分，不過伍樂城一句聲都冇出，反而側田同古巨基讚到停唔到口。唔知伍老師係咪心虛呢？


下集攬埋　週日側田話等何雁詩攞冠軍先攬人，點知到下集PK戰，側田講完評語即刻衝上台攬人。




問到點解身為評判的伍樂城唔喺現場公開二人師徒身份以示公正，外事部總監曾醒明：「冇需要，因為我哋信得過所有評判！」


監製麥鎮東：「我覺得伍樂城做評判冇問題喎！」


陰功囉~傻豬　家交個台畀你。
劉美君做《巨聲》司儀，來來去去都係嗰幾句台詞。


有份做當然開心啦！真實對白
要為司儀救亡，當然要搵個有級數嘅司儀，陳總梗係搵森美啦！唔通搵崔建邦咩！

[ 本帖最後由 Icy_babe 於 09-8-5 21:19 編輯 ]
私人傳訊

Icy_babe


男爵府

積分: 7798


3#
發表於 09-8-5 21:39 |顯示全部帖子
我覺得既然佢唱得咁好....

伍樂城應該避嫌.....

唔做評判對佢冇問題......

但個學生WIN得有光彩D.....
私人傳訊

Icy_babe


男爵府

積分: 7798


4#
發表於 09-8-6 13:25 |顯示全部帖子
原帖由 keroroee 於 09-8-6 01:22 發表
佢係音樂人賞識/認識音樂人有咩出奇??

造馬都要參賽者有實力至得架喎! 如果係Stephy, Teresa...咁就話造馬o者....




奇在師傅係評判...!!!


如果100參加者都係佢教冇問題...

今次呢件事件係學生出賽...師傅評分...

咁你話係咪有嫌疑....???

伍樂城明知參加者有自己學生...應該向TVB申報,

如果己申報...呢個責任由TVB自負。

等如今屆港姐...有一個由吳君如提名....

吳小姐梗係覺得呢個港姐靚啦。

但由吳小姐造埋評判...又得唔得呢????

(註：抽獎遊戲...主辦單位家屬冇得參加就係呢個道理)



[ 本帖最後由 Icy_babe 於 09-8-6 13:27 編輯 ]

私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見