吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 因為99,搞到同娘家關係更差(好長,完)

婆媳關係今日: 2|主題: 27700

收藏本版

發帖

返回列表

跳至頁

查看: 12076 | 回覆: 8

因為99,搞到同娘家關係更差(好長,完) [複製鏈接]

mrs_b_lam

男爵府

積分: 5132

好媽媽勳章醒目開學勳章

1^#

發表於 09-9-19 23:24 |顯示全部帖子 |倒序瀏覽 |打印

話說我同c6 o係澳洲,c6因為逾期居留比人hin返左,我唔理屋企人既反對同c6結婚搞visa,所以關係好差…

由於急急結婚,所以結婚前同佢屋企人完全無接觸過

結婚之後一個月就有左bb,但係駝bb時成日發惡夢見到我屋企人就喊醒

我真係好掛住佢地

之前放假跟c6同佢一家人住(第一次見面),已經唔係好鐘意99,佢係海豐人,成25,26歲先落黎香港,講野好重口音,我好辛苦先聽得明佢講乜,佢同62唔講野架,因為62出面有另一頭家,不過無離婚,佢地大陸有廠(生意唔好,爭人好多錢)所以長期o係上面住,所以有好多好惡頂既大陸習慣(例如比錢唔排隊,講野大聲等等),次次煮飯,都係大陸魚蛋+大陸臘腸+菜,我明白佢煮埋飯比我食已經好好,但係我駝緊bb,食d新鮮肉都得卦?不過都係住2個月所以都無咩,同我講食榴蓮對bb好,我食左好多先知原來食榴蓮會對bb皮膚唔好

c6話要幫99搞旅遊簽證過黎陪我坐月,我已經反對,佢都唔識英文!唔好話英文啦,廣東話都未講好啦!又唔識路,佢黎到即係我呢個大肚婆照顧返佢轉頭架jei!但係第一胎一d經驗都無,而且我同娘家d親戚關係咁差,都唔會有其他人會黎幫我,我地傾好坐完月99就會走,所以最後都係妥協左

隨時隨地撩鼻屎

佢陪我去做檢查,一d禮貌都無,成日走去催d姑娘要佢地快d,e生講緊野既時候佢同時間又同我講野,人地e生唔識聽中文,眼光光咁望住我,搞到我幾尷尬,點解唔可以等到e生講完先出聲?呢d係基本禮貌,唔係話你o係大陸住得耐就可以唔遵守架wor!

bb因為比週數細,所以要催生,我已經好唔開心o係度喊,佢仲要o係度不停講"叫你食多d野架啦!講極唔聽,想當年呀,我生3個3個都過8磅架!"99,你成日都做大隻講,話煲補品比我,你到我生時我都無食過一滴補品呀!我唔係(男女男)你唔煲,而係好心你唔煲就唔好成日話會煲比我啦,我d朋友會上網査然後買白蓮鬚比我煲,你又做過d咩呢?

bb出世後,佢黎睇bb,但係比我留意到佢同一套衫著兩日唔換唔洗,又成日去街市,污糟邋遢走去抱bb!我睇到眼火爆,但係又唔敢出聲...

出院當日,佢指揮我同c6攞野,佢自己就成程抱住bb,99,個囡係我架

生左bb就開始黎料啦…成日同我爭bb,換片沖涼餵奶(當時乳頭損左,要pump出黎餵)乜都係佢搶晒黎做,當時我覺得自己好似個比人利用既廢人咁,生活淨係得pump奶同訓,再甚者,餵奶粉既話我就連利用價值都無埋,一d都唔似個阿媽,無份照顧bb,搞到個囡好似係佢既唔係我既咁

話我唔夠人奶,仲要o係我面前打長途電話同d親戚唱我囉!根本我就夠奶仲有多,自己3個仔女都係餵奶粉但係就扮晒人奶專家!話大陸工廠d工人求其放上個乳頭就食,點解我會餵到損晒,又咁多姿勢咁講究wor,又要我補奶粉("唔夠錢既話,麻麻出錢買奶粉比你飲吓")又要我比bb飲水,我話姑娘唔係咁教,佢就話如果佢錯而家3個仔女就唔會長大成人,搞到我成日精神緊張,要留意住99有無趁我唔為意比水bb飲,訓都訓得唔安樂

續...

[ 本帖最後由 mrs_b_lam 於 09-9-24 00:13 編輯 ]

0 0 0

私人傳訊

mrs_b_lam

男爵府

積分: 5132

好媽媽勳章醒目開學勳章

2^#

發表於 09-9-20 23:37 |顯示全部帖子

出院果日d野食有頭髮,我見到只係唔出聲揀走佢,係c6出聲話”肥媽仔d送有頭髮”,99大聲夾惡話"你有咩證據證明條頭髮一定係我架?唔比係你架?"唔好玩啦99,我係長直髮,c6染左啡色,成間屋淨係得你同bb係短黑髮,餐飯又係你煮既,你唔好同我講條頭髮係bb架?又幾日先洗一次頭,勁反胃...但係唔食又唔得呀!一來岩岩生完身子虛弱,二來又怕唔食野會造唔夠奶比bb飲,咁我可以點呀?咪格硬啃左佢落肚囉

而且,99好鐘意一餐煮好多,所以黎緊幾餐都要食一樣既隔夜(送)食幾日,食完心(捻)好野,有新(送)食,點知佢又係煮返一樣既野!

我地而家只係租個細細地既地方,生左bb唔夠住,已經講明會搬,所以屋企d野都無買好多,打算搬時會輕便d,去到新屋再買,隻99話唔慣,同我買勁多野返黎e.g.用唔慣西式煎pan就買左勁大隻中式wok返黎

包到bb實一實,幫初生bb著幾層3-6個月既衫,根本就太大件,搞到阿囡好似做大戲果d fick水袖咁,然後再包幾層包被,搞到我比姑娘鬧話overwrapping&too hot,我包少幾層,隻死99就包住bb坐我隔離單打我話"bb,你阿媽真係黑心囉,佢想凍死你呀"你無野吓化99?我係佢阿媽黎架,我會想凍死bb?係你想熱死我個囡ja卦?

呢個都算經典啦,我地有個盤,專係用黎洗bb d尿布(佢又係好反對我用尿布,話"不如唔好用尿布啦,麻麻出錢買片片比你著啦"),又放o係地下,有一日99幫bb沖涼,我聽到佢話"噢,太多水添",然後你知唔知佢做咩呀?佢用bb個尿布盤黎(不)走d水wor!我睇到真係暈咁濟!
我好有禮貌咁暗示比佢聽"99呀,個盆用黎洗bb d尿布,好污(遭)架"
99話"無所謂啦"
我話"咁樣好唔衛生wor"
99話"bb既野有咩衛生唔衛生丫"

我真係!#$%^&^%$#@,如果唔係開刀傷口痛,我點都唔會比你同bb沖涼!我自己幫佢沖好過!

沖完涼,係我親眼見住佢差d(線)手跌左bb!!!!!!好彩無事,之後佢對住我笑wor!究竟佢係咩心態架?我個囡好彩今次無事jei,如果有下次咁點算呀?你如果整親我個囡,我唔會放過你架!

佢成日叫bb做臭beck beck,因為係佢d鄉下話,我聽唔明就由佢啦,有一日bb瀨左poo poo,佢同bb講"哎呀,你痾左beck beck wor"我終於明咩叫beck beck!有無搞錯呀99?阿囡係我既心肝寶貝,你叫佢做臭屎呀?!佢都係你個孫黎架!點解你要咁叫佢呀?仲要一日叫n次,我覺得好un耳囉!

同bb未抹乾淨d poo poo就著片,我同佢講"99呢度仲有"佢就話係佢眼唔好,睇唔清楚,你咁搞法,我個囡咪好危險?

我好聲好氣同99傾湊bb既問題,佢同我講"好多野我都唔記得晒,唔識點做囉"係呀,我都知呀,你最細果個都已經係成21年前既時,時代都唔同晒啦,咁點解你成日都要我用你d舊方法湊呀?我已經帶埋你去姑娘度,叫姑娘同你講唔係咁湊lok,你都唔聽!如果你唔記得唔識,咁點解你要黎幫我湊wor,咁你即係想害死我個囡架jei!

仲有,99話:
1. "唔識英文唔緊要,bb會幫我翻譯架啦"
2. "bb,第時麻麻同你行沙灘散步吓~"
乜初初唔係講好坐完月就走架啦咩?你而家咁講係咩意思呀?你唔係打算長住吓化?

續...

[ 本帖最後由 mrs_b_lam 於 09-9-24 00:16 編輯 ]

私人傳訊

mrs_b_lam

男爵府

積分: 5132

好媽媽勳章醒目開學勳章

3^#

發表於 09-9-21 00:21 |顯示全部帖子

對我就更差啦,就係因為我唔係佢親生,所以賤過地底泥

我自問對佢唔算好,但點都唔會叫差卦?99黎到要訓梳化,我堅持買張床(玉)比佢,等佢訓得好d,係佢自己堅持唔駛,我又話坐完月帶佢周圍行吓街,或者download d香港劇集比佢睇,等佢唔駛聽唔明d鬼佬電視咁悶

我催生失敗所以要開刀,個傷口好同,唔可以mou低同彎腰,但係個電話o係地下,隻99企o係我隔離望見我好痛苦咁攞電話都唔會幫手,佢只會kiu埋雙手望住你囉,咩都唔做!

我(sap)奶樽佢又係企o係你隔離kiu埋雙手,唔出聲望住你(sap)既成個過程,係望到你好不安果隻,咩都唔講咩都唔做!我暗示比佢知"99,(sap)奶樽好簡單架ja,我黎得架啦,你去(透)吓丫"佢哦完之後都係繼續咁樣!都唔知佢想點?監察住我?佢唔係以為我會o係d奶樽度做手腳或者落毒卦?

成日叫我去訓教,目的就係想霸住bb,煮完飯會自己食左先到我食,佢呢個時候就會同bb單獨o係房唔知做乜,我就要孤零零對住幅牆食飯

另外,佢唔識英文,當有人打電話黎講英文時99就整醒我聽電話,但係其實係打錯,訓都訓得唔好

完全無自由無私隱-佢會監察住你做乜
1.偷睇我同d friend msn既內容,我傾傾下去沖涼,沖完返黎以為無人reply我因為個格無橙色閃吓閃吓咁,後來d friend問我點解唔reply,我先知99睇我msn!成間屋得我,佢同bb,我去左沖涼,咁一定係佢睇架啦!

2.傾電話會搭嘴,我同d friend傾電話,佢會聽晒所有內容,而且會發表佢既意見添!一d禮貌都無...我又唔係同你講野,關你鬼事呀!但係佢自己講電話又講鄉下話,我一句都聽唔明

我唯有叫我d friend扮鬼妹,先可以用英文呻一兩句ja

3.我o係另一個post都有講過,佢唔會敲門入我地房(得一個廁所o係房入面,而且無得鎖),我已經避開佢入房餵人奶,佢次次都會沖入黎,望到實一實,我暗示話"99,呢度我搞掂得架啦"佢話大家女人無所謂wor,我估你個女都唔會想比你睇啦,何況我只係你新抱?如果我係覺得無所謂,我就直接o係廳度餵啦,你有無腦架?

c6有日問我,99問我個微波爐點用,我唔肯教佢,有無件咁既事?冤枉呀大佬

99根本問都無問過我,就咁樣o係我背後(無聶)我...教你(禁)個制5秒都唔駛啦,我會懶成咁等你有機可乘?我先無咁笨呀!而家21世紀啦,點解仲可以有舊古老石山唔識用微波爐架?仲要咁樣離間我同c6感情,真係唔知d人咩居心呀

好彩c6知道我唔係d咁既人,走黎問清楚我,我先知原來你係咁既人!如果唔係,比人冤枉都唔知咩事呀!

續...

[ 本帖最後由 mrs_b_lam 於 09-9-23 23:44 編輯 ]

私人傳訊

mrs_b_lam

男爵府

積分: 5132

好媽媽勳章醒目開學勳章

4^#

發表於 09-9-21 00:34 |顯示全部帖子

原帖由 SmileFoReVeR 於 09-9-21 00:01 發表
妳有無同妳C6講過99既問題, 妳C6又點睇呢? 有無辦法另外搵到人幫妳? 如果有, 早D叫99番香港啦

c6份工晚晚要凌晨兩點幾先返屋企,我幾(支力)幾眼訓都好,都會等佢返黎,為既就係比佢知道佢阿媽做既"好事"!99成日阻住我地,搞到我地要趁佢訓左之後一齊(lay)入廁所先可以傾到計,仲要係好細聲既氣聲,出左院之後我晚晚同c6呻到喊晒,但係c6就幫住佢阿媽,話99係粗人,未必注意到d細節,叫我原諒佢,我覺得好委屈,就越喊越大聲,嚇到c6話會同99傾吓,但係咪又係咁

根本就無改善

最後,99去左adelaide搵姑仔,我自己坐月,bb滿月99就返左大陸啦

你比d時間我,我會打個過程出黎

[ 本帖最後由 mrs_b_lam 於 09-9-21 00:35 編輯 ]

私人傳訊

mrs_b_lam

男爵府

積分: 5132

好媽媽勳章醒目開學勳章

5^#

發表於 09-9-21 00:59 |顯示全部帖子

導火線

生完之後,我媽咪竟然主動打比我,問+關心我同bb點,我好開心,因為我地好耐無聯絡,我真係好掛住佢地...佢肯主動同我破冰真係好難得,佢問我有無野需要,佢買比我,我話bb成日自己抓損自己塊面,但係因為瘦,所以d手套仔成日甩出黎,媽咪話無問題,佢即刻會去買d加細既手套仔,另外會買條束腹帶比我,因為佢知我開刀,佢當年都係,係過來人(唔似得99 3胎都係順產),明白到有條束腹帶會好好多,我聽完之後好感動,呢個電話係我同c6結左婚之後聽過最開心既電話...

媽咪一收左線就去買,買完第二日就寄左,效率好快,左盼右盼,個包裹終於到左,我好興奮,因為係bb婆婆送比bb既第一份禮物,99就話幫我洗左佢等我同bb快d有得用

洗洗吓,99笑住咁同我講,話有一隻手套唔見左,仲話肯定係我拆包裝時拆漏左,我又

又唔開心,因為99又屈我,我把幾火走去搵返垃圾桶d垃圾比佢睇,證明唔係我拆漏,呢個時候佢先笑住同我講"隻手套仔,洗衫盆同個廁所都係白色,我眼唔好,可能沖走左lu",我聽完簡直係青天霹靂...又係眼唔好,點解你眼唔好唔去配返副眼鏡呀99?媽咪買比bb既野,一次都未用過就無左

而且對我同bb黎講,果隻唔係普通既手套仔,係一隻對於我地黎講好有紀念價值既一樣野!有錢都買唔返!我抱住一絲希望搵完成屋,都係搵唔返,我鎖左自己o係廁所,不停咁喊喊喊喊左幾個鐘,之後99叫我食飯,我真係一d胃口都無...比著係你,你仲會唔會食得落一個沖走你阿媽送比你既野既人煮既飯?但係當時我為左bb有人奶食,為左c6唔好難做,我啞忍呢一切一切,逼自己一啖一啖咁食晒99煮既飯

對唔住,我打唔落去啦,我冷靜完再返黎續...

私人傳訊

mrs_b_lam

男爵府

積分: 5132

好媽媽勳章醒目開學勳章

6^#

發表於 09-9-23 23:20 |顯示全部帖子

多謝你地既留言呀

令我覺得好warm,唔係自己一個孤零零

繼續講埋件事

食晚飯後,我就打左好多個好長既sms向c6交代件事既大概經過,c6話等佢放工返黎先講,望穿秋水,終於等到佢放工,我一見到佢,未講野已經喊到blah blah聲,c6同我講"肥媽仔唔係有心整唔見既,手套仔ja嘛,我叫肥婆仔幫你買返10對8對寄過黎啦好唔好?我明白生完bb d情緒會比較難控制,醫生姑娘都話係正常,你唔駛擔心wor,我明白架"
聽到我鬼咁心急,簡直係有理說不清...我一邊越喊越勢利,一邊話"你根本就唔明..."
c6話"我有咩唔明,你講出黎啦"
我話"唔係三言兩語可以講得清楚"
c6話"你咪忍吓肥媽仔囉...最多我買兩間屋,你地住隔離,唔駛一齊住啦,好唔好?"
我話"今日出院第3日ja,我已經忍夠佢啦,再咁落去我會癲架!我唔會阻住你做孝順仔,你地可以留低,最多我走,我唯一既條件係bb要跟我"
c6話"咁夜你走去邊jei?有咩唔岩咪講到岩囉!"
我話"你放心,雖然我呢邊無親人,但係我有朋友肯收留我!無用架...點講都無用架...我要求唔高架,我只係想同個囡開開心心過日子ja...再咁落去我捱唔住架啦...如果我要繼續過d咁既生活我抱住個囡死左佢好過...你同99搵過個好新抱啦...只要我同個囡開心我咩都可以應承...你地放過我啦..."
c6話"我唔比你走呀,走咩jei?好丫,你要呀嘛,我就打比你阿媽,佢都企o係你果邊既話我就比你走"

跟住c6就打比我阿媽,同佢講話我為左隻手套仔要帶埋bb走...媽咪就鬧我"大小姐,你係唔係咁巴閉呀?手套無左咪買過囉!一d家教都無!你知唔知咩叫感恩咩叫惜福呀?你估你99過到去係享福呀?訓梳化好舒服呀而家?係既話又唔見我過去幫你?你估你99掉低佢老公仲要受你d大小姐脾氣好好受呀?"

呢個時候我忍唔住講"係因為你同爸爸恩愛,婚姻關係keep得好,唔似得99,62唔彩佢架,佢過黎對住個仔好過對住62但係無野講呀,我無叫佢過黎呀,我唔想佢過黎架!而家佢過左黎唔會走架啦,佢唔走唔緊要,咁咪我同bb走囉!我唔要再對住佢呀!你地唔比我走,我寧願貼錢比佢買機票返去又好,貼錢比佢租酒店住又好,總之有佢無我!"

媽咪"你收聲呀!你講乜野呀!"

呢個時候99就不停講"唔係架,件事唔係咁架,我無(捻)過過黎長住同享福架,隻手套仔件事真係好對唔住呀,最多我買返比你啦!你唔好走啦,你同bb留底啦,我走啦"我完全聽唔到媽咪同我講咩,我當時好(男女男),大聲喝99"你收聲呀!你有無禮貌架?媽咪同我講緊野呀!"

我同返媽咪講"係真架,唔信你問c6呀,係c6親口同我講架..."

媽咪話"你收聲呀!你咁既脾氣點做人阿媽呀?你教壞緊自己個囡ja!"

我將自己既心底話一五一十咁講晒出黎"媽咪,你知唔知我真係好掛住你地...我成日發夢見到你地會喊醒,好多人問我,點解你媽咪唔幫你坐月,我都話係因為你公司做野忙,你都係身不由己,係因為我想為你講好說話,唔想丟你既面,早知道而家日日過得咁唔開心,我當初就唔同c6結婚,咁我到而家仲係做緊你既乖女,我地仲可以1家4口齊齊整整咁去旅行...其實我受受埋埋好多委屈,但係我一次都無向你地講過,係因為我唔想你地擔心我,我寧願一直啞忍,一直自己承受,都唔想你地同c6關係再繼續差落去呀...你地知唔知呀?你地一直都唔知ja..."

媽咪話"呢條路係你自己揀既,你預左架啦!"

我聽完之後心都碎埋...原來我日掛夜掛既媽咪只係覺得我抵死,我以為我係佢個囡,佢點都會有少少掛住我...原來都係我自己一霜情願...

呢個時候,我已經喊到講唔到野,c6就同媽咪坦白62同99既情況,到99接手聽電話,佢就扮晒可憐做晒戲同我阿媽講"唉呀,親家99,真係唔好意思呀..."

講左一輪,媽咪問我"你係唔係要一意孤行?你係唔係自己坐月?你搞唔搞得掂!"

我話"係,我唔駛人幫!我自己坐!bb我自己湊!我自己一個搞得掂!"

媽咪話"好!你自己講架!你記住自己今日所講所做既野!第時你有咩搞唔掂你唔好求人,唔好後悔!"

我話"決不求人,絕不後悔!"

跟住c6同媽咪傾左陣就收左線, c6同我講, 99聽日就會買機票走, 呢個時候, 我,bb,c6同99都喊...

返到入房,c6一路喊一路(唉)我"點解會搞成咁架...你同肥媽仔道歉丫,你話你一時控制唔到自己,你唔駛佢走丫...可唔可以呀..."之後佢就訓著左,果晚我失眠,因為太大件事同太突然,我不停(捻),我趕左99走...我同99反左面...我係唔係做得好錯...我係唔係好(5逆)...咁以後既日子點算...我坐月點出街買(送)...就算我出,bb點算...佢咁細個帶佢出街多病菌唔好,唔帶又買唔到...

天光啦,c6同99準備去機場,99臨走前同c6講(其實特登講到好大聲,係比我聽)"工廠有流浪狗,我都會做好心收留佢幾日啦,我呢?連狗都不如呀!留多一陣都唔得添呀!d人真係黑心呀!"跟住99就去左阿德雷德搵姑仔...

就係咁,我都無再同99/媽咪聯絡...

紅色字,係代表c6同99到而家都認為我只係因為隻手套而搞到咁,o係開呢個post之前,只係得兩個朋友知道成件事既來龍去脈...而家終於講晒出黎,唔再覺得咁委屈...

完

[ 本帖最後由 mrs_b_lam 於 09-9-23 23:46 編輯 ]

私人傳訊

mrs_b_lam

男爵府

積分: 5132

好媽媽勳章醒目開學勳章

7^#

發表於 09-9-24 09:03 |顯示全部帖子

thanks sbandliz

bb而家兩個幾月大,我坐完月好耐lu~好彩c6一直肯幫我買(送),我而家生活得好開心,最近囡囡成日笑,感染到我都成日笑,只係想同大家分享呢件事,呻完舒服晒!同埋多謝你地肯咁好心機睇晒我打既野!

私人傳訊

mrs_b_lam

男爵府

積分: 5132

好媽媽勳章醒目開學勳章

8^#

發表於 09-9-25 19:11 |顯示全部帖子

大家放心,我o係討論區開得post,就預左會有唔同意見,我唔會介意你地有話直說,只怕你地無心機睇咁多字...

生左bb之後,深深明白左人媽咪辛苦之處,我都有(捻)過,而家我咁樣對佢地,第時會有報應,d仔女都會咁對返我

為人父母,當然想將最好既比仔女,所以當我見到個囡o係咁既情況下(沖涼水唔乾淨,差d被餵水&補奶粉etc...)會比較緊張同出現情緒失控(尤其第一胎)

當時結婚係為"救"c6,如果早知佢家人係咁,我寧願同佢分手,不過呢d都係後話

我從來無"霸住99個仔",我到而家都好支持c6做孝順仔,佢大可以為左99同我離婚,我唔會要錢,我只要求阿囡跟我

瑩の媽,尿布盆內就算如你所講係乾淨,如果你細心睇我之前打既,尿布盆底係放o係地下,當時99直接就攞黎用,成個過程我係親眼睇住,我未至於有潔癖,但係初生bb,可以乾淨既話就儘量啦,何況呢件事係可以避免

我的卻好後生,20歲,入世未深,touchwood同c6其他屋企人相處得好好,叔仔姑仔都係年輕人,大家一齊唱k行街,62性格爽朗,太99新潮幽默,只係同99唔夾

同大家一樣,如果我既言論有咩得罪之處,希望大家包涵,安慰我既媽媽,多謝你地,睇完你地既回覆我覺得好warm,而鬧我既媽媽,我都要多謝你地鬧醒我,希望以後我o係婆媳版再出post係開心野,唔再係呻

私人傳訊

mrs_b_lam