單親天地

收藏本版
發帖
返回列表
跳至頁

首頁
1

尾頁
   0
chowky


複式洋房

積分: 381


1#
發表於 09-4-14 19:16 |顯示全部帖子
既然知道無收入問題會好大既話,咁一於出黎工作,6299年紀再大都要食飯架,無人搵錢返黎唔通食香咩?大既唔食,細既都要食啦,唔好理佢地啦,搵返份野做。

至於小朋友喇喎,搵到工作之後就請人湊啦,發展障礙唔係大問題,請人湊個陣同人講埋,要帶佢去言語治療囉~

搵工...睇下勞工處,最近有d特別服務,好多公司請美容員,不妨考慮下!
私人傳訊

chowky


複式洋房

積分: 381


2#
發表於 09-4-15 18:59 |顯示全部帖子
我同你一樣都係無工作,無收入,單親...同樣地,我都搵緊工作,當搵到工作既話,都要將B帶去托兒所...好多野都係要靠自己架啦! 靠人既話,要受人氣,聽人是非架啦!

我D朋友都知我係單親,一樣講我是非,串我,但咁又點,我係我,關佢地鬼事咩!最緊要既係,知道自己既情況,清楚自己想點,想辦法解決!

若果要搵人暫托或者托兒所既話,可以去返呢度求職招聘,又或者上福署個網度睇下托兒所/幼兒中心嘛~

俾多個建議你,自己湊返BB之餘又幫人湊,都係一份工作!又唔駛擔心俾人湊會湊得唔好囉!
私人傳訊

chowky


複式洋房

積分: 381


3#
發表於 09-4-19 22:34 |顯示全部帖子
原帖由 SARAHTSANG 於 09-4-18 11:10 發表

我依家都唔知點好?好煩惱?你依家找到工作嗎?BB誰人照顧?我打過電話去鄰里支援幼兒照顧計劃問過,叫我先登記後安排.一般在中心有一餐6:00前接回$18元一小時可伸請津貼.但我煩的是
1.我未找到工作,唔知工作時間
2.我仔 ...


坦白講,工...我見左好多份,不過唔請...
我BB仲細,而家得九個月大,因為我未有工作,所以暫時由我黎照顧...到時我搵到工,我都會帶佢去托兒所...
1.我同你一樣,都係唔知工作時間架,到時搵到工先見步行步囉
2.言語發展遲緩問題,可以搵到工作之後,請人湊個陣同人講聲,需要去做治療,D人有經驗,佢地識做架喇...
3.到時同人傾啦,再唔係同社工講,實幫到你既...
你有老公等於冇...我講你聽,我同佢講我有左,條友即刻叫埋佢老母一齊辭職(佢爸早已退休),仲話要搬埋黎我屋企住,要我養佢地全家,當然地我梗係啋佢都傻啦...佢媽要我同佢個仔結婚,我打死都唔肯,佢就話"既然你唔肯嫁俾我個仔,養我個仔,我點解要養你個仔呀?" 自此之後就無再睇過我同BB喇...
你覺得我HURT又HURT?老實講,我都可以挨落去,點解你唔可以?
勇敢D!唔需要諗過去!因為已經係事實,事實係無得改變架!將來要將呢D過去作一個警惕,警惕自己唔好再重覆,帶眼識人...
剛才我又上左社署個網頁,唔駛18蚊咁貴既...
所 有 幼 兒 中 心 的 收 費 ﹐ 必 須 經 由 社 會 福 利 署 批 核 。
暫 托 幼 兒 服 務 : 全 日 $64 ﹐ 半 日 $32 ﹐ 每 兩 小 時 一 節 為 $16 ﹔ 另 加 膳 食 費 $6.4 。
延 長 時 間 服 務 : 每 小 時 $13
私人傳訊

chowky


複式洋房

積分: 381


4#
發表於 09-4-19 22:39 |顯示全部帖子
原帖由 SARAHTSANG 於 09-4-18 15:47 發表
其實我依家都未知因為還沒有定罪判幾耐都未知仲要看感化報告和家庭背景好難講,但依家要扣留在懲教所直到5月4日再開審.但我好徬徨


就算佢唔駛受靶,你都唔好望佢養你同仔仔啦...
既然個底都花哂,你估佢做一份工會做得長咩?為左你仔仔既將來,靠自己吧啦!

私人傳訊

chowky


複式洋房

積分: 381


5#
發表於 09-4-20 22:09 |顯示全部帖子
原帖由 SARAHTSANG 於 09-4-20 21:47 發表

你老公同他媽媽好賤,咁都做得出.你一個人點照顧自己和BB?我覺得你好勵害.你用了多少時間去刻服.我在家哭了幾天覺得好委屈,依家一想起自己和仔仔無依無靠就哭了,每次哭又痛頭和嘔吐覺得生不如死.如果我死了仔仔點?一 ...


其實識咁諗已經進步左好多架啦，慢慢黎啦，只要明白佢係無辜，佢無人照顧好可憐，一旦諗起個老公既時候，抱下小朋友，同小朋友玩下，唔好刻意忘記，好快會唔記得架咋～
我無大概理會要幾耐去刻服，因為個陣我坐緊月就同佢地決裂，仍未返工，所以都有成個幾月俾我學習照顧小朋友（我好好彩，我放產假第三日就生BB，所以放足八個禮拜)，慢慢我都習慣左呢種生活囉～

而家無工做，有時去見工要靠我爸去幫手睇住阿B，我爸都會俾說話我聽，甚至鬧我，（因佢從不信自己仔女既說話，只會話你講大話，無用，又會話你格衰，抵你家翁家婆唔要你），我連駁都懶，啋佢都哂氣。
私人傳訊

chowky


複式洋房

積分: 381


6#
發表於 09-4-22 21:25 |顯示全部帖子
原帖由 SARAHTSANG 於 09-4-21 23:24 發表
我好難原諒我老公,給他害死他從來都唔同仔仔玩一開口就話他唔聽話 說仔有過度活躍.把所有教育子女的責任推給我.好彩我得一個唔係就死得人多 為什麼我一直唔離婚因為我無能力獨力照顧仔仔,我搬出來 ...



恕我多口問句,你唔離婚但而家咁,佢有照顧你同仔仔嗎?
老實d講句,唔好話俾我聽因為想俾仔仔有個完整家庭,作為爸爸既佢都唔鍾意錫個仔,又唔同個仔玩,你覺得佢適合做爹哋咩? 不過咁,婚姻係你同佢,始終係你兩個之間既事,旁觀者唔應該俾任何意見你既,否則被人灌以白姐姐就唔好啦~
私人傳訊

chowky


複式洋房

積分: 381


7#
發表於 09-5-2 20:21 |顯示全部帖子
原帖由 Yuen0130 於 09-5-2 13:33 發表
我老公都係係懲教所等7月中先知有無事,但過往已經出出入入呢d地方好多次,我次次都等佢~平時我拎綜援,奶奶袋曬幫我買奶粉尿片~但除左出去睇我老公佢會比50至100蚊我之外,我就無拎過分毫~佢表面對人就好好,但係真係有 ...


綜援唔係入你戶口既咩?點解會係隻怪獸度?你三餐呢?你自己唔駛駛架?
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見