吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 好想放棄...好失落, 可以點?

母乳餵哺今日: 0|主題: 85696

收藏本版

回覆發帖

返回列表

跳至頁

樓主: Popo^^

好想放棄...好失落, 可以點? [複製鏈接]

kristinecheng

大宅

積分: 1805

1^#

發表於 09-12-2 09:49 |顯示全部帖子

Popo, 啱啱生完，情緒係會波動，諗嘢亦容易負面，正常的，放鬆啲，唔好俾壓力自己，就會過到呢關。

你既景況，我當初都面對，我仲要係緊急開刀，上下都有傷口。bb自返屋企開始就日夜顛倒，係醫院兒科醫生話佢好叻，餐餐食到100ml，返到屋企不管餵人奶定奶粉，搏晒命都最多只可食到60ml，令人極擔心，最記得返屋企第5晚，bb又係喊個唔停，我已經頂唔順（返屋企之後差不多夜夜冇瞓，朝早為咗為佢都冇咩時間休息），叫老公湊住先（佢一直唔敢抱，呢次第一次），點知湊唔掂，我想落床搵個奶咀，拍一聲，開刀傷口痛，成隻蟹咁攤係張床痛到唔郁得，於是兩公婆大嗌個工人起身湊b，點知工人唔生性，湊咗5晚，完全唔掂（e.g.換完片唔洗手就去沖奶），講一句先做一樣，唯有自己湊返。我朝早有工人，有陪月，有媽咪，不過都冇得休息，就算唔洗餵，都要3小時一次泵奶.....後尾滿月時，工人仲特登做啲危險動作等我地炒佢，從此我既地獄生涯就開始，即使請了鐘點工，有媽咪老公幫手，我都難免要接手家務，冇一次可以瞓超過一個鐘既覺，每日瞓得最多4小時.......以上就係我坐月既日子。

講出黎，唔係同你鬥慘，而係想同你講湊NB個個新手媽咪都係咁難挨（唔知點解即使有一大堆人幫手自己都係好辛苦），會成日喊，成日發脾氣，你唔會係唯一既一個。如果你知道呢個係必經既階段，會唔會有多啲意決挨過去呢？（我要成2個幾月先正常返，我老公同我講，個溫柔既老婆終於返黎，可想而知當時我真係變咗另一個人）

無疑，餵人奶係會加劇新手媽咪既苦況，而且即使過咗頭一兩個最難挨既日子，仍然有不同既難關等住黎，不過我餵咗6個月，諗番轉頭，仍然係好感恩，自己有機會做一個奶媽，當中既甜蜜，雖然用血淚堆積成，不過係非常值得。

我成日覺得，餵人奶係好緊要，不過對bb黎講，有身心健康既媽咪更為重要，餵奶係一條好講意志力同毅力既長途賽，唔好咁快決定放棄定唔放棄，你靜一靜，諗一諗，衡量自己身心係咪可以承受得了？因為一個衝動既決定，係唔可以返轉頭。多啲上黎同我地傾，呢條路，唔係你一個人行。

[ 本帖最後由 kristinecheng 於 09-12-2 09:55 編輯 ]

私人傳訊回覆引用

kristinecheng

大宅

積分: 1805

2^#

發表於 09-12-3 10:50 |顯示全部帖子

popo：初生bb係咁，冇安全感，因為佢要花好大既勇氣先可以適應到呢個陌生既世界，佢以前係你個肚，唔洗挨餓唔洗挨凍自得其樂冇陌生人騷擾佢被人抱黎抱去，又唔識講嘢表達自己同你溝通，比著係你都好驚成日喊（唯一表達既方法）同瞓得唔安樂啦﹗所以上天就安排餵人奶呢個親子活動令初生bb盡快得到媽咪既安撫囉﹗適應係要時間，個個bb都唔同，不過通常近2個月到會好啲，我嗰時都好灰，日望夜夜望日，以為永遠就係咁，其實唔係架，bb大啲，開始識同你溝通（e.g.有眼神交流），你會好開心架﹗我宜家都不知幾鍾意攬住阿b瞓，不過老公唔鍾意，話我縱佢，我先收斂吓咋。

小牛ma：我真係試過帶住阿b離家出走....到屋企樓下平台呌吓氣，點知老公返到屋企見我唔係到（因為我走之前係同佢傾電話兼發脾氣cut佢線），立即call我媽咪，仲落街周圍搵我，搞到我返屋企時已見我老公同媽咪坐係屋企等我，個樣仲好明顯certify我係產後抑鬱，我媽咪從此住係我屋企，驚我出事。

小荍媽媽：你既經歷都好辛酸，所以我地係好值得為自己自豪﹗

私人傳訊回覆引用

kristinecheng

大宅

積分: 1805

3^#

發表於 09-12-7 10:36 |顯示全部帖子

popo，唔洗客氣，人奶媽守望相助係應該既，如果做到薪火相傳就更好，第時等你做咗experienced BF-mom，幫返其他新手媽，都好有意義。

其實，真係要生咗個bb出黎先知自己係邊種媽咪。我自細對bb細路仔都冇咩興趣，當初生bb有一半原因都係配合老公既想法，所以初初以為自己會好狠心，bb床一早安排係客房同要bb工人瞓，等自己可以大覺瞓，買定4罐明治奶粉係屋企（如果唔係家姐勸我話要睇吓bb啱唔啱食，我仲想佢幫我係日本買夠一年既份量），因為冇諗過要餵人奶，而且諗住有陪月有工人有媽咪老公攞晒假，生完一定咩都唔做淨係休息，點知......原來湊一個新生b加餵人奶既辛苦，真係遠遠超乎想像，原來自己並唔係想像中可以咁放得低bb既媽咪。雖然辛苦，我卻可以好肯定同你講，一切都係值得既，宜家你可能覺得曙光遙遙無期，不過只要挨過頭2-3個月，你會發覺，湊bb係好開心既，而且人係好奇怪，更辛苦既生活都可以適應，我以前見啲CEO話自己日日瞓得4-5小時唔係好信，覺得發生係自己身上一定會挨c，殊不知，我宜家就係過緊咁既生活，咪又開開心心健健康康。只要挨2-3個月，就換來更多個月既幸福（如可以自然離乳），係好化算的﹗

努力﹗

私人傳訊回覆引用

kristinecheng

大宅

積分: 1805

4^#

發表於 09-12-8 11:30 |顯示全部帖子

Me 2，我都後悔生得太遲，如果年輕啲，想生3個添:;pppp: （我老公其實一直想生3個......不過我地太遲start up，我又唔想最尾一個做高齡產婦，因為我生呢個已經過了好多危機）

原帖由 jenniecatcat 於 09-12-6 14:46 發表
如果冇生bb, 而家未可以好悠閒, 去下旅行, shopping下. 點解要攞苦黎身呢?＞＞＞＞＞我以前都係咁想，所以都冇話要生B。但依家生左就後悔點解咁遲生，BB 俾到既開心真係冇野可以代替！！！依家仲想生多個！！！！！ ...

私人傳訊回覆引用

kristinecheng

大宅

積分: 1805

5^#

發表於 09-12-8 11:43 |顯示全部帖子

bingo~阿b一出世我就放佢係籃同我地一齊瞓，到大咗瞓唔到，就的既心肝搬番張bb床入房，真係好大工程架﹗好在我地間房都夠大，不過就要拆咗一邊既床頭櫃泊張床埋窗台，我老公就冇咗落床既一邊，之後因為餵夜奶，瞓係到餵成日自己都瞓埋唔記得放番阿b落bb床，搞到佢宜家慣咗枕住我既手臂瞓，最衰我又好鍾意睇佢既瞓住覺同瞓醒既樣，老公話咗我幾次見我唔聽話，

唯有買兩塊床欄加係兩邊出口，安全啲。

只要有毅力，一定得﹗加油﹗真係好快就見收成架﹗

原帖由 PizzaFace 於 09-12-8 00:02 發表

同妳一模一樣..... 我D屋企人都好奇怪點解我突然會餵人奶.... 我都係一早放張BB床同工人瞓，但而家 (BB 3 WEEKS 大) 我咪又用個籃放嚮身邊.....

希望好似妳咁, 可以堅持到底....
:-| ...

私人傳訊回覆引用

kristinecheng

大宅

積分: 1805

6^#

發表於 09-12-8 11:52 |顯示全部帖子

佢越大你越開心呀﹗

今朝先同個同事傾開，佢話佢要等到阿仔2歲先感到湊仔開心（佢只係餵咗人奶10日），我話唔係噃，bb3個月尾4個月到，我地兩公婆日日對住bb不知幾開心。我問佢點解，佢話因為佢阿仔要大確2歲先識同佢交流同埋對住佢笑，我話唔係噃，我阿b一早就識笑，真正識交流大確3﹑4個月左右，而且越來越好玩，例如佢開始識roll over，想食既時候如果我地兩個都瞓係張床，佢會roll埋黎，口猛猛對準我個咪咪係咁撞，好好玩架。我諗，好多生活上既一點一滴，真係要做人奶媽先感受到。

而且餵人奶真係有好多好處，淨講出街都好方便，一條nursing cover就可以周圍去，唔洗沖奶帶奶樽帶熱水奶粉，又輕便又乾淨.....所以點都堅持落好，只要諗住一放棄就會浪費之前挨過既日子，就有動力要堅持落去，我當初都係咁咬緊牙關走落去架﹗﹗

原帖由 Popo^^ 於 09-12-7 21:58 發表
Kristinecheng, 又要講多次你真係講得好好! 啱!! 雖然我未係experienced BF-mom, 但我而家都有將我少少既體驗分享俾d將會生既媽媽, 等佢地有心理準備面對同支持佢地唔好輕易放棄!! 我覺得飲人奶既bb真係好幸福架.
...

私人傳訊回覆引用

kristinecheng

大宅

積分: 1805

7^#

發表於 09-12-8 12:42 |顯示全部帖子

3個月啲奶量先穩定，同埋會隨住bb既食量增加，仲有時間努力。

我見呢到有啲窮媽媽話自己太窮，把心一橫全埋身唔黎bb食幾多，都全人奶餵到成8個幾月，不如你唔好擔心自己既奶量，唔好同人比，趁仲未返工俾bb全埋身，對刺激奶量都好有幫助。

原帖由 piggyccy 於 09-12-8 12:28 發表
唉...我都好想餵到全人奶...因為實在太多好處同埋好享受埋身食的樂趣....
但D奶都係冇乜既...我剛剛有個朋友教我, 叫我而家唔好埋身食住, 只係怎住用泵, 2小時pump 1次, 谷左D奶量先, 但我又擔心, 怕係咁之後BB唔鐘 ...

私人傳訊回覆引用

kristinecheng

大宅

積分: 1805

8^#

發表於 09-12-8 12:48 |顯示全部帖子

用樽食我bb食得唔少（200-240ml），埋身就差啲，我相信佢輕磅既完因係有幾個：

1. 3個月時因為乳線炎多咗埋身食，前奶太多既問題引起佢便便出事，但係我唔知，搞咗成個月先搵到個原因，到4個月時已經出事

2. 搞得掂前奶問題，阿b埋身食又食得少。健康院既醫生建議我全泵（因為阿b食樽食得好好），不過係呢個時候我對人奶多咗認識，知道埋身食對bb既發展好啲，係老公既支持吓，想等到食固體食物先追番。

基於上述兩個原因，我忍痛唔補奶粉唔轉全泵，期間個心都幾難受，幸好阿b宜家食粥仔幾好同埋佢發展都好好，而且佢好識生，啲肉生晒係塊面到，人地唔覺佢瘦，我都冇咁大壓力。

原帖由 Sugarbabegirl 於 09-12-8 12:41 發表

btw, kristine, 我想問下你, 聽你話你個b生長線跌到25%, 但你又係好夠奶喎, 係咪亞b食得少, 所以咁呢? 希望你唔好介意, 我咁問係因為我女同你仔情況有dd似, 佢出世7.5lb, weight 50線, e+3mths 我自己係屋企磅好似 ...

私人傳訊回覆引用

kristinecheng

大宅

積分: 1805

9^#

發表於 09-12-8 14:29 |顯示全部帖子

oh sorry, 佢3個月時食5-5.5安左右。我會預備180ml一支，通常我會預多啲（1安左右），唔想佢最尾幾啖吸空氣，唔好處係會幾晒，尤其佢厭奶既時候，可能會晒一半。

曾經有個姑娘建議我減奶量，等啲奶既質量好啲，不過我厭麻煩（要敷椰菜葉），返健康院時見個護士長佢又持唔同既意見，所以我會睇吓阿b呢個月食固體食物長磅長成點，7個月時返去見醫生再作決定。

原帖由 Sugarbabegirl 於 09-12-8 13:03 發表

icic, 200-240ml係佢e+既份量, 還樹係3mths既份量呀?

我試過+奶俾亞女, +到180ml咁, 但佢好多時會嘔番5-10ml出黎, 咁我又cut番佢law。琴晚原本諗住佢食完一邊再俾另一邊,點知佢一啖啖咁嘔返total約10ml出黎, 咁我 ...

私人傳訊回覆引用

kristinecheng

大宅

積分: 1805

10^#

發表於 09-12-10 14:35 |顯示全部帖子

個個bb唔同，亞b唔肯訓又恔掙，未必係食唔飽，好多時都係缺乏安全感，所以咪要啜媽咪既咪咪安撫情緒囉（呢個係原本既natural-design）。我當時都係咁天昏地暗過日子，嗰時我冇上BK，唔知咩叫安全感咩叫猛長期，淨係知俾bb啜我先搞得佢掂唔喊，我都唔理甚麼feed on schedule or feed on demand，瞓係到由得佢啜，只要佢肯收聲唔喊我做咩都得.......有時自己半夢半醒2個幾鐘，阿b都未甩口，仲係到啜。慢慢阿b自己定咗個feeding schedule，3小時左右先食（只限早上，晚上係全天候服侍佢），迷迷糊糊到2個月佢自己調較番日夜，先叫開始上軌道。

私人傳訊回覆引用

kristinecheng

大宅

積分: 1805

11^#

發表於 09-12-10 17:44 |顯示全部帖子

如果係順產，你就同老公商量吓快啲準備第2個b啦﹗

我因為開刀，想recover好啲，會等到阿b兩歲時先考慮~

原帖由 jenniecatcat 於 09-12-10 15:01 發表
kristinecheng : 咁都生2個啦, hahahaha. 我都係高齡產婦, 如果等亞B 歲半先再生2nd B, 39-40 lu!!!!

好多生活上既一點一滴，真係要做人奶媽先感受到>>>好like 呢D感覺只係我獨有!!!!

我就係窮媽媽啦. 頭2個月都係失 ...