論盡家傭今日: 5|主題: 133736

收藏本版

發帖

返回列表

跳至頁

查看: 2694 | 回覆: 0

我工人算唔算嘆?? [複製鏈接]

Alexismama

侯爵府

積分: 23722

1^#

發表於 04-10-25 23:57 |顯示全部帖子

Re: 我工人算唔算嘆??

聽落我個工人好似歎過哂咁多位ge工人, 我一家三口, 囡囡返幼稚園, 早餐唔使佢整, 有面包就係屋企食, 無就自己出街買, 佢朝朝幾點起身我唔知, 總之日日早過我, 一出房門就見佢係到抹野, 8:00同我一齊出門送女搭校車, 跟住我返工, 佢返屋企, 12:30前預備好囡囡午餐去接女放學, 1:15前阿女已食飽午餐，囡囡食飽例必訓晏覺, 起碼訓到4:00, 有時到5點幾, 跟住佢幫阿女沖涼, 之後預備晚餐, 我或先生7點幾一定會有一個返到屋企陪女, 佢十點正常情況下可以入房訓。"食送"係我買返屋企, 唔使佢買。我有裝眼仔, 見佢自己會自動自覺抹野, 日日有抹地, 出門口前已替我執好張床, 會燙衫, 晚晚煮完飯佢會抹爐頭, 抽油煙機, 抹kitchen地等, 當然佢做錯野, 我亦鬧過佢, 仲係好甘果隻。

有時我覺得工人都係人, 唔使諗佢係咪歎, 個個屋企環境唔同, 工作量亦唔同, 總之佢交到貨比我, 我唔理佢平時做乜, 佢ge責任係幫我照顧阿女同打理家務, 佢醒目, 快手快腳, 我由得佢, 比時間表佢唔係唔好, 但質素又點計呢, 佢話做左, 做到唔三唔四, 咁你又收唔收貨, 有時一樣頂住條氣。我份人好直, 我個工人報到唔到一個星期, 我已同佢講, 我唔會比時間表佢, 話左要求比佢知, 亦話佢知我係好直, 我唔高興會話佢, 佢過份我唔會忍佢, 叫佢好自為知, 佢離鄉別井都係為錢, 唔係為咩, 我請佢幫手都係希望佢幫我照顧阿女同分擔家務, 大家以專重同合作ge態度相處。

我唔知我ge心態岩唔岩, 但總覺得要我出糧比個工人仲要忍佢, 好似好不合羅輯, 我到而家都過唔到呢關, 我會建議你直接同佢講你對佢有咩唔滿意, 叫佢自己反省下, 如無改善, 就考慮換左佢算啦。純粹個人意見, 希望無講錯野啦。以前無用工人無咁多親身感受, 而家有時一提起工人就收唔到口/手咁, 有時真係好激氣, 但人那有完美, 唔係大過份, 我鬧完佢都算架啦。唉................ 工人這問題係咪香港雙職家庭ge典/畸型癥結呢

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

論盡家傭 今日: 5|主題: 133736

Re: 我工人算唔算嘆??

論盡家傭今日: 5|主題: 133736