夫婦情感

收藏本版
發帖
返回列表
跳至頁

首頁
1

尾頁
   14
babypig915


別墅

積分: 694


1#
發表於 18-9-8 06:23 |顯示全部帖子
離婚一定有影響，所以如果純粹係兩人之間（看似）無咗愛情，但沒有第三者，又未去到忍無可忍，或者仲可以繼續一起生活，嘗試下其他相處方法，可能大家喺冇乜壓力下，愛情會不知不覺出返來，而即使都仲係冇愛情，始終都係一家人，佢始終係孩子的媽。當然如果佢之後遇到意中人，你就無謂再用一紙婚書同仔女去縛住佢了。

但睇返你之前有關既貼文，你太太染上不良嗜好，若繼續一齊生活，相信對子女的影響遠比你哋離婚大：試想像他日或許有人上門追債嚇親仔女、又或者第日仔女會學阿媽咁沈迷賭博（唔好以為佢哋受良好教育就唔會賭，而家賭波好容易，又或者識到壞朋友學壞，你估計不到的，你又從小俾錯誤信息佢哋：阿媽都賭啦，贏咗有多啲零用錢賭輸咗都唔緊要有阿爸執手尾）⋯

如果你話仲係愛佢既，咁可以俾最後一次機會佢，同佢講清楚賭博係完全不能接受，勸佢戒賭，你話會陪佢去見輔導，會一直支持同鼓勵佢，如佢唔肯，你就會同佢離婚，即時分居，以後都唔俾佢見仔女（聽落好絕但有需要的，因真係會教壞仔女，又或者佢會咋啼問仔女攞錢，甚至比債主見到小朋友就仲不堪設想，家事法庭都應該會同意），睇下佢點揀。

你一定要做得絕啲，唔好俾佢覺得有退路，例如你歡迎佢鳥倦知還（因你一講咗佢一定揀出去玩多幾轉先，冇錢就返來搵你，有錢就身痕再出去玩過）

如佢仲愛小朋友既應該識揀，如果佢唔願意咁即係佢覺得賭重要過小朋友，永遠唔見都冇所謂，咁一個咁既老婆/阿媽，要唔要都罷。
私人傳訊

babypig915


別墅

積分: 694


2#
發表於 18-9-8 06:43 |顯示全部帖子
小朋友而家仲細可能未明，但第日長大就知你係為大家好。

對小朋友而言，佢哋返學見唔到媽咪，放學返屋企又唔見媽咪，瞓覺佢都未返，你話為口奔馳就話啫，為賭喎，就完全不負責任。冇咗媽咪可能會有少少心靈上既缺失，但如果比佢哋知道有個咁爛賭嘅阿媽嗰種痛心同失望應該更難受。而若你哋冇愛情只係同屋住，亦有機會扭曲小朋友對家庭、愛情既價值觀，結果未必比你哋離婚好。

對你而言，要勉強對住個唔愛嘅人，睇住佢日日去賭唔理仔女，你頂得順嗎？睇你呢幾年應該都忍得好辛苦，放生佢等如放生自己，唔一定要有個女人瞓喺身邊先係幸福嘅退休生活，你仲有一對仔女又有錢可周圍旅行，或發掘多啲其他興趣，識多啲新朋友，一樣可以好開心。

對你太太而言，你咁做係幫緊佢，其實睇佢個款應該一直都唔係咁愛你（唔好介意），我都認識人係喺內地工作時識到個女仔，來香港結婚生仔住夠7年後就話要離婚連仔都唔要，其間佢都係唔駛做嘢有工人唔憂柴米的，分別只是佢唔玩賭但玩買名牌袋同溝仔⋯唔係想一竹篙打一船人，當然真愛都會有， 但聽埋聽埋加埋眼見真係唔少呢啲cases⋯所以如果你都覺得佢唔愛你，放生佢等佢識過第二個當做善事啦。再者，佢冇咗你做靠山冇本錢賭，可能會戒得到，就算被追數，咁大個人要識得自己負責任，你唔再執手尾，等佢撞過板佢就知驚喇。

呢個世代啲小朋友好醒架喇，知道發生緊咩事，就算你哋唔離婚但見你哋貌合神離都呃唔到佢哋，而且離婚普及咗好多，班班學生裡面都有同學仔屋企係父母離異嘅，好少會好似以前咁會俾人笑或被標籤，你唔需要太擔心對佢哋有咩影響，你只要多啲陪小朋友，溝通多啲玩多啲，盡量將影響減到最細就得，你見呢度都有好多單親/再婚嘅 c6/jm 上來發文好多都生活得好好，我見你一向都係個盡責嘅爸爸，相信你做得到，你亦都要相信你小朋友嘅智慧同抗逆能力。加油！並祝安好。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見