1. 育嬰園 (1-2歲)難唔難入?要唔要面試?幾時開始報? 答：大約open day 後，今年open day 31 Oct 2009
2. 我知道讀開育嬰園既小朋友可以直升N1, 所以每年都係得2-4個位俾其他小朋友入讀, 請問有冇家長既小朋友係N1先開始讀?可唔可以分享一下面試心得? 答：係直升N1=(佢地叫)幼小班(幼嬰1-2歲和幼小2-3歲 only 全日班，每級各一班)，N1係得好少位，多數收咗有家姐哥哥係到讀嘅先。K1-K3有分上下午班及全日班每級共三班。
3. 另外, 呢間學校既老師全部都係學位教師, 但係佢地有冇耐性同愛心?有冇家長可以分享一下? 答：我遇到嘅都係有愛心有耐性好專業好有心，我個女畢咗業今年上小一，剛才佢高班個老師仲係facebook到關心阿女係學校食午飯嘅情況，又成日叮囑佢小息可以做咩。
4. 學校的教學形式注重啲咩嘢? 答：探索+經驗 (http://www.ied.edu.hk/sece/eclc/e/centre.htm)
5. 畢業後,通常會就讀哪間小學? 答：好多元化，大埔就多賽小。
面試就無乜心得，但我覺得睇清楚網頁上佢地嘅理念，open day 參觀校舍外睇下啲小朋友嘅profile，是否適合父母教育理念，無謂因了解而分手！如佢地好遲先學寫字又無乜功課(唔係咁多人接受到)，但好早就鼓勵小朋友睇書，睇得多認得多，記咗好多字先，初學寫字時老師係以獎嘅形式"引"佢地寫，如:乖先可以出黎寫架。
我個女都同我講話寫字好好玩好鐘意寫。佢地高班最主要功課係寫日記，唔會無意義咁抄寫。
發表於 
返回列表
